وتلقاه في بيته ورا افلام كرتون= وتابع ابو ذيل ونور طافي

سلام تسليمه لها قلب وعيون=ولها لسانٍ مع هل العرف وافي
تسليمةٍ من بعدها طرق ولحون= ومن بعدها ياتي الشعر والقوافي
وتاتي قصيدتنا على ساس وركون=الساس ثابت والمباني تشافي
اقولها ونتم معايه تقولون= يامرحبا من قلب صادق وصافي
بضيوفنا اللي مانبيهم يروحون=ومن حبهم بقلوبنا جرح خافي
نصف ازملانا في الموادع بيبكون=يبكون فرقا احبابهم بعترافي
يبكون ناسٍ بالمكارم يفوزون=والضيف لاجاهم تموت الهرافي
ون جيت تبغالك سلف مايصدون=يعطونك اللي تطلبه بالالافي
ناسٍ وفيه من وفاهم يوفون=يوفون بالخيرات والخير لافي
جينا نودع ونتسامح بقانون= قانون يبغاها لقي لا تجافي
ونبي القا في شهر مارس وكانون=لقا ازملانا لو بعد شهر كافي
هذا التقاعد له مخاليب وسنون= لاسمعه الرجال جاه ارتجافي
لجا التقاعدكل ابوكم تخافون=كلٍ ليا جاه التقاعد يخافي
الوزن ينقص منه ويقول تكفون= ابي سنه تمديد يالله تعافي
وتلقاه مايجلس ومشيه على الهون= مره معه حذيان ومرار حافي
وتلقاه في بيته ورا افلام كرتون= وتابع ابو ذيل ونور طافي
رحوا وحنا مانبيهم يروحون= امرٍ من الوالي على الناس ضافي
وختمها صلوا مع اللي يصلون= على نبيٍ كل مافيه وافي

الشاعر الشلواني

قصيدة رائعة تستحق الشكر يالشلواني

فشكرا لك ويعطيك العافيه..

شكرا لك على المرور من هنا ياغالي نورت الصفحه والقصيده نورت يوم مريتها

القصيده رائعه مشكور يا الشلواني ..................ابن مهرس

بسم الله الرحمن الرحيم

الشلواني

صح السانك قصيده جميله وابداع جميل وهذا حق الخوي على خويه

لاهنت

صح لسان الشاعر
والشلواني ابدعه يوم عن يوم يبان

هذاالتقاعد له مخاليب وسنون= لاسمعه الرجال جاه ارتجافي
لجا التقاعدكل ابوكم تخافون=كلٍ ليا جاه التقاعد يخافي
الوزن ينقص منه ويقول تكفون= ابي سنه تمديد يالله تعافي
وتلقاه مايجلس ومشيه على الهون= مره معه حذيان ومرار حافي


والله فيه ناس تتمنى التقاعد بسرعه

بس قصيده رائعه صح لسانك وبيض الله

وجهك ومشكور يالغالي