|
|||||||||||||||||
من اروع القصائد
قصيده مفيده ولو عندي صلاحيه تثبيت لقمت بتثبيتها لما فيها من حكم وامثال
أيامنـا والليـالـي كــم نعاتبـهـا=شبنا وشابت وعفنا بعض ألأحوالـي تاعـد مواعيـد والجاهـل مكذبـهـا=واللي عرف حدها من همهـا سالـي إن أقبلت يوم مـا تصفـى مشاربهـا=تقفي وتقبل وما دامت علـى حالـي فـي كـل يـوم تورينـا عجايبـهـا=واليوم الأول تراه أحسن مـن التالـي أيـام فـي غلبهـا وأيـام نغلبـهـا=وايـام فيهـا سـوا والدهـر ميالـي جربت الأيـام مثلـي مـن يجربهـا=تجريب عاقـل وذاق المـر والحالـي نضحك مع الناس والدنيـا نلاعبهـا=نمشي مع الفي طوع حيث ما مالـي كم مـن علـومٍ وكـم آدب نكسبهـا=والشعـر مـازون مثقـالٍ بمثقالـي اعرف حروف الهجاء بالرمز واكتبهـا=عاقل ومجنون حاوي كـل ألأشكالـي لكـن حظـي ردي والـروح متعبهـا=ما فادني حسن تاديبـي مـع أمثالـي إن جيت أبي حاجةٍ عـزت مطالبهـا=العفو ما واحدٍ في النـاس يـا والـي قومٍ إلـى جيتهـم رفـت شواربهـا=بالضحك واقلوبها فيها الـردا كالـي وقومٍ الى جيتهـا صكـت حواجبهـا=وأبدت لي البغض في مقفاي وإقبالـي مـا كـنـي إلا حــالٍ مغضبـهـا=والكل في عشرتـه ماكـر ودجالـي يا حيف تخفي أمورٍ كنـت حاسبهـا=واللي على بالهم كلـه علـى بالـي الجار جافـي وكـم قـومٍ محاربهـا=والأهل وأصحابنا والـدون والعالـي والروح ويش عذرها في ترك واجبها=راح الحسب والنسب في جمع الأموالي نفسي تبى العز والحاجـات تغصبهـا=ترمي بهـا بيـن أجاويـد وأنذالـي المال يحـي رجـالاً لا حيـاة ابهـا=كالسيل يحي الهشيم الدمـدم البالـي عفت المنازل وروحي يـوم أجنبهـا=منها غنيمة وعنهـا البعـد أولا لـي لا خير في ديرةٍ يشقى العزيـز ابهـا=يمشي مع الناس فـي هـمٍ وإذلالـي دارٍ بهـا الخـوف دومٍ مـا يغايبهـا=والجوع فيها ومعها بعض الاحوالـي جوعى سراحينهـا شبعـى ثعالبهـا=الكلـب والهـر يقـدم كـل ريبالـي عز الفتى راس ماله مـن مكاسبهـا=يا مرتضي الهون لا عـزٍّ ولا مالـي دللت بالروح لين ارخصـت جانبهـا=وانا عتيبي عريـب الجـد والخالـي قومٍ تدوس الأفاعـي مـع عقاربهـا=ولها عزايـم تهـد الشامـخ العالـي خـل المنـازل وقـل للبيـن يندبهـا=يبكي عليهـا بدمـع العيـن هطالـي لا تعمـر الـدار والقـالات تخربهـا=بيع الردي بالخساره واشتـر الغالـي ما ضاقت الأرض وانسـدت مذاهبهـا=فيهـا السعـه والمراجـل والتفتـالِ دارٍ بــدار وجـيـرانٍ نقـاربـهـا=وارضٍ بـأرض وأطـلالٍ بأطـلالـي والناس اجانيب لين إنـك تصاحبهـا=تكون منهـم كمـا قالـوا بالأمثالـي الارض لله نمشـي فــي مناكبـهـا=والله قــدر لـنـا أرزاق وآجـالـي حـث المطايـا وشرِّقهـا وغرِّبـهـا=واقطع بهـا كـل فـجٍّ دارسٍ خالـي واطعن انحور الفيافـي فـي ترايبهـا=وابعد عن الهم تمسي خالـي البالـي مـن كـل عمليـةٍ تقطـع براكبهـا=فدافـد البيـد درهــامٍ وزرفـالـي تبعدك عـن دار قـومٍ ودار تقربهـا=واختـر لنفسـك للمنـزال منـزالـي لو مـتّ فـي ديـرةٍ قفـراً جوانبهـا=فيها لوطى السباع الغبـس مدهالـي اخير مـن ديـرةٍ يجفـاك صاحبهـا=كـم ذا الجفـا والتجافـي والتعلالـي دوس المخاطر ولا تخشـى عواقبهـا=الموت واحـد وبعـد العـز يجلالـي ان المنـايـا إذا مــدت مخالبـهـا=تدركك لو كنت في جو السما العالـي ما قرت الاسد فـي عالـي مراقبهـا=تسعى على الرزق ما حنت للاشبالـي والشمس في برجها والغيم يحجبهـا=تقفي وتقبل لها في العرش مجدالِـي رب السماوات يا محصـي كواكبهـا=يا مجري السفن في لجات الأهوالـي ضاقت بنا الأرض واشتبت شبايبهـا=والغيث محبوس يا معبود يـا والـي يـا الله مـن مزنـةٍ هبـت هبايبهـا=رعادها بات له فـي البحـر زلزالـي ريح العوالي مـن المنشـا تجاذبهـا=جذب الدلى من جباء مطوية الجالـي ديمومـةٍ سبلـت وأرخـت ذوايبهـا=وانهل منهـا غزيـر الوبـل همالـي تسقي دياراً شديـد الوقـت حاربهـا=ما عاد فيها لبعض النـاس منزالـي يا جاهـل اسمـع تماثيـلاً مرتبهـا=فيها معاني جميـع القيـل والقالـي مثل المحابيـب زادت فـي قوالبهـا=في صرفها زايده عن قرش واريالـي يا ربـي توبـه وروحـي لا تعذبهـا=يوم القيامه إذا مـا ضاقـت اعمالـي وازكى صلاةٍ على المختـار نوهبهـا=شفيعنا يـوم حشـرٍ فيـه الأهوالـي للشاعر / بديوي الوقداني العتيبي (( طبعا القصيده طويلة جدا وهذا جزء منها فقط ))
|
15 Oct 2006, 04:00 AM | [ 2 ] | ||||||||
مؤسس شبكة الشدادين
|
نعم أخوي الشدادي989 هذه القصيدة من أبلغ القصائد وأكثرها احتواءً على الحكم والتجارب التي عاشها شاعرها بديوي الوقداني ومشهورة بين الناس وإن شاء الله يقوم مشرفنا الشعبي بثبيتها ألف شكر لاختيارك ونقلك |
||||||||
|
|||||||||
15 Oct 2006, 04:35 PM | [ 3 ] | |||||||
نائب المشرف العام
|
ماشاء الله عليك اخي الكريم جبت القصيده والحقيقه انا كنت ابحث عنها لي فترة صح لسان الشاعر وحسنت الاختيار يالشدادي |
|||||||
|
||||||||
17 Oct 2006, 06:32 AM | [ 4 ] | ||||||||||||||||||||||||||
|
|
||||||||||||||||||||||||||
17 Oct 2006, 06:41 AM | [ 5 ] | ||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تنسيق القصائد ضروري | بندر النايف | بحور القوافي | 22 | 15 Jan 2010 01:17 AM |
من أروع القصائد | الفيصل | مرافئ البوح | 9 | 23 Jul 2007 04:36 AM |
القصائد المشاركه في المواهب | بدوي فاهم | المواهب والمحاولات الشعرية | 8 | 21 May 2007 11:37 AM |
مسابقة القصائد المختارة | بدوي فاهم | قصائد مختارة | 13 | 16 May 2007 05:21 PM |
من أجمل القصائد ( أمولة ) | Hesham | قصائد مختارة | 12 | 03 Apr 2007 02:34 AM |
أدوات الموضوع | |
|