عطلة الصيف

شفته بعد غيبه وفي عطلة الصيف=جايٍ يصًيف في عروس المصايف
صدفه ويازين الصدف والصواديف=لا جمًعت بين القلوب الولايف
دخل محلٍ للزهور اسمه الريف=وانا عليه امن العماميل خايف
جيته وانا اللي ماحسبت التكاليف=لا والله الا ماعليها حسايف
سطيت سطوة من على وكره مهيف=وحًول على سرب الحباري مهايف
مسكت يًده والتفت قلت ياحيف=قال انتبه لأخواني أحمد ونايف
وصديت عن شوف العباد المواقيف=قلت انت وينك ياجميل الوصايف؟
خليت حالي منحني كنه السيف=ما ترحمين اللي ضلوعه نحايف!!
وهلت دموعه من عيونه مراديف=وضمًت يديني وأهمست بالشفايف
حبك ورى حدب الضلوع المهاديف=والقلب عن غيرك من الناس عايف
ثم نشدت عن حالتي عقبها كيف؟=قلت وهذا حالي مثل ماانت شايف
الناس من حولي تجر السواليف=وسامي يلوفه من طواريه لايف
عاهدتها لاحفظ غلاها عن الزيف=لو كشرت شهب السنين العجايف
واكتب لمن حازت جميع التواصيف=أجمل قصيدي لا اعتليت النوايف
وادعتها ودموع عيني مراديف=وأقفت وانا رديتها بالنكايف
صدفه ويازين الصدف والصواديف=يوم جمعت بين القلوب الولايف
راحت سنه والحين جت عطلة الصيف=جعله يصيف في عروس المصايف

نظم / سامي بن عايض الشدادي

صح لسانك أخوي ولا هنت على القصيده

الله الله يا شاعرنا أبو عايض
أحسنت وصح لسانك فقد أجدت وأبدعت
نظم هذه الرائعة وفقك الله
والله يعطيك ألف عافية
وفي انتظار الجديد من إبداعاتك

صح لسانك ياالذيب على هالقصيدة الجميلة والتي تدل على إجادة وتمكن

تقبل مروري ودمت بخير

صح لسانك يالذيب دايم ذيب

في كل قصيدة تطرحها

وعساها اخر الغيبات ياشنب


تحياتي

اقف خجلاً أمام هذا النص

فمهما مدحت هذا النص لن اوفيه حقه


اطربت مسامعي بعد طول صمت



ودي

صح لسانك أخوي سامي (الذيب)

ماشاء الله قصيده جزله

صحت ابدانكم ومهما كتبت فأجد نفسي مقصرا في حقكم

تحياتي للجميع

صح لسانك يا الذيب .. ولاهنت على هالقصيدة

فعلاً أبيات جزلة ورائعة .. ونتطلع لجديدك

بدون مجامله ولف ودوران
قصيده رائعه رائعه رائعه
قصيده يعجز لساني عن مدحها مهما قلت
ولن أوفيك حق أبداعها وجزالتها ونظمها
فألف ألف ألف شكر لك أيها الشاعر
وفي أنتظار جديدك القادم مع الإبداع والتميز