|
||||||||||||||||||
الوقت ولياليه العضّية
الأخوة والأخوات الأعزاء في منتديات الشدادين أسعد الله جميع أوقاتكم بالخير والمسرات اضع بين أيديكم هذه القصيدة والتي لها مناسبة خاصة آمل أن ترتقي لذائقتكم
كم واحدٍ يحضاه في الوقت حضوى=وكم واحدٍ حظه كما النور ناضي
وكم من سباع في الليالي تجضوى=وبعزومها تارد على كل حاضي الوقت لو زانت لياليه عضوى=لا بد مايشضاك منها شواضي لو كان وقتك زان لك يوم واضوى=لابد ماتلحق رجولك رماضي الله كم ليلٍ عليه تعضوى=ولا كل مفقودٍ يجيله عواضي ولا فيه رجلٍ من زمانه تقضوى=امسيّر لوكان ماهوب راضي اقولها ماهي ترا زود فضوى=كل على مافيه لاضيه لاضي يقطعك ياللي حزتها كبر رضوى=وعذره عن الميقاف ماهوب فاضي والرابح اللي في المراجل له اضوى=ريف الضعيف وللعواريف قاضي عمار ياللي للمناعير مضوى=طلق حجاجه ولجنابه فياضي العقل خله في الدهر دوم مضوى=والعمر لو طالت لياليه قاضي وابشربنا لن جضك الوقت جضوى=حنا هل الوقفات حاضر وماضي
التعديل الأخير تم بواسطة واعي ; 30 May 2010 الساعة 12:39 AM
|
29 May 2010, 10:46 PM | [ 2 ] | ||||||||
مراقب عام
|
واعي تشكر جل الشكر على بدعك اللذي ليس مستغرب من شخصك الكريم بيض الله وجهك على القصيده والقافيه القويه ننتظر جزلات القصيد منك وفقك الله |
||||||||
|
|||||||||
30 May 2010, 12:05 AM | [ 3 ] | ||||||||
شاعر
|
واعي صح لسانك وعلا شانك ابدعت بارك الله فيك والابداع ماهوغريب عليك تحيتي لك |
||||||||
|
|||||||||
30 May 2010, 01:18 AM | [ 4 ] | ||||||||
عضوة متميزة
|
أحلا صباح اللي عانقنا فيه روائع شاعر المنتدى البخيل بحضوره واعي الله يعافي الليالي العضيّة اللي خلتك ماتنسى جمهورك من القصيد الجديد < تحس إنها بخيمة شعبية وهي تقول هالحكي ماشاء الله عليك تبارك الله أنا أكره حرف الضاد لأنه ثقيل بالنطق وصعب شويات لكن بقصيدتك استعذبته لأنك قرنته بحروف رقيقة فصار منطوقه بالنسبه لي عذب ... وكما هو معروف من أصعب القوافي اللي تحتوي ع حرف الضاد بكثرة لكن ماتصعب ع الشعراء الكبار أمثالك يابو عبدالله ... وعمار ياللي للمناعير مضوى طلق حجاجه ولجنابه فياضي قصيدة جداً جزلة وللحظوظ وقفات وبإذن الله يكون حظك ضاوي بالنور الله كـم ليـلٍ علـيـه تعـضـوى ولا كل مفقـودٍ يجيلـه عواضـي ولا فيه رجلٍ من زمانـه تقضـوى امسيّـر لوكـان ماهـوب راضـي اقولها ولاهـي تـرا زود فضـوى كل علـى مافيـه لاضيـه لاضـي وكل على مافيه لاضيه لاضي" جبتها ع الجرح ياواعي ماكل مفقود يجيله عواضي.... وبهالدنيا كلن مسيّر على طريق مكتوب له سواء رضى وإلا أبى ... بصراحة فيه ألفاظ من جزالتها وقوتها ماعرفت معناها ياليتك توضحها لي .. تجضـوى ؟ شواضـي سمعتها من قبل بس نسيت معناها لن جضك الوقت جضوى ؟ تعجبني الألفاظ اللي مصدرها من البادية وتكون قوية في اللفظ لكن المصيبة يبغالي وقت أتعلّمها وأعرف معناها وقصيدتك هذي تزخر بالألفاظ الجزلة ... صح لسانك مليون ولايسدون وسلم قلبك وعلا شانك "
|
||||||||
|
|||||||||
31 May 2010, 09:31 PM | [ 5 ] | ||||||||||||||||||||||||||||
شاعر
|
وجهك ابيض يابو مشعل والله يحييك ملايييين يسعدني حضورك ومرور الجزل ولاهي غريبة عليك الجزالة والعلوم الغانمة وعسى عمرك طويل على الطاعة دمت بخير ,,, |
||||||||||||||||||||||||||||
31 May 2010, 09:38 PM | [ 6 ] | ||||||||||||||||||||||||||||
شاعر
|
صح بدنك وسلم راسك وعسى عمرك طويل على الطاعة أسعدني حضورك ومرورك الجزل وألف شكر على إشادتك بالقصيدة دمت بخير ,,, |
||||||||||||||||||||||||||||
31 May 2010, 09:58 PM | [ 7 ] | ||||||||||||||||||||||||||||
شاعر
|
يسعدني تواجدك المستمر والراقي في متصفحي . كذلك اسعدني قرأتك المتمعنة للقصيدة ودخولك لأعماقها الواضح من تعليقك وشرحك لبعض الأبيات وكأنك التي كتبتيها , وقد وضحت طلبك لبعض معان الكلمات أعلاه ألف شكر وتقدير لروعة حضورك وتميّزه . دمت بخير ,,, |
||||||||||||||||||||||||||||
31 May 2010, 10:30 PM | [ 8 ] | ||||||||
مؤسس شبكة الشدادين
|
يا مرحبا تراحيب المطر يا أبو عبدالله بعد كل هذا الانقطاع تعود لنا بهذه الرائعة التي أبدعت نظمها وصياغتها لتباهي بها درر الكلام صح لسانك ولا هنت ولا عاد تغيب عنا |
||||||||
|
|||||||||
31 May 2010, 10:47 PM | [ 9 ] | ||||||||
شاعر
|
قصيدة جزلة بكل ماتعني الكلمة وصح لسانك اخوي واعي شكرا لك |
||||||||
|
|||||||||
01 Jun 2010, 01:12 AM | [ 10 ] | ||||||||
|
كلمات في غاية الرووعهـ .. ماأجمل الوصف الذي رسمتهـ تلك العبارات واكتست تلك المعاني التي لانهاية لها .. لا عدمنا جديدك بل إبداع قلمك ... كلالشكر والتقدير ,,, |
||||||||
|
|||||||||