منيرة ونورة ..... ( دعوة للمشاركة )

ثاني مرة يا برق الوسم

خلاص ما قصرت غنيت في عايشة بس أنا سبقتك

اترك سارة الآن وهات غلا وبعدين اطلب ساره .

ههههههههههههههههههههههه
هههههههههههههههههههههه
ههههههههههههههههههههه
هاذي نتايج التاخير والدوااااااام

الربع كلهم هنا وانا توني جااااااي

يلا بشوف المتواجدين بالموضوع

اذا مافيه حد لازم اقول بسااااره


لازال السلطان موجود بس على الله هالمره اسبقه


يلاا سمعو في ساااااره شقول



وبقول بعد في غــــــــــــــــــــــــــلااااااااااااا


لالالا الاوله غلا ولو المدير بنتبه على روووحي

اسمك غلا والغلا يزها وتزهينه=وقدرك من الحب تنبض به شراييني
مجتاحني ياغلا حبك تعرفينه=هوغاية الروح تطرب له ويحييني
حتى القلم ياغلا حطك عناوينه = يكتبك مليون مره غصب ليديني

تحيااااااااتي وكل الحب للجميع

برق الوسم الحين بقت ساره ههههههههه

مساكم الله بالخير
فكره راائعه يا بدوي فاهم صح لسانك
ولسان الشباب ما قصرتوا جميع
وانا صراحه كنت بسوي زي الرهاوي بس المشكله اللي على بالي
ما ضنيت احد يعرفه اسمٍ قديم وعز الله ان ابطي احتري هههههههه
عموما ساره ساره

ساره وساره لها فالقلب منزالي=الله واكبر يا نبض القلب ياساره
من كثر حبك وضح للعالم اهبالي=سرداد مرداد حول البيت والحاره
اللفه الثالثه بعدين طوالي=الفله الثانيه بعد اول عماره

وبما ان عايشه بعز ابوها طلبت عايشه وهي من اعضاء المنتدى اختار من الاسماء الموجوده
زميلتنا بسمه
يعني الاسم الجاي بسمه

جنبوا عني أنا مجنون سارة = لايجي شاعر ويبقى ممتحني
باتغزل في اسمها باجمل عباره= واكتب ابياتي وبالالحان اغني
ابدويه فاهمه معنى الحضاره= جامعه مابين زين وكل فني
ياخسارة كان ضاعت ياخسارة = لمن عشقها وفي هواها امتعني

اللي بعدي

اكتب عن .....صافيناز هانم

ههههههههههههههههههههههههه

لا تلخبطون أرجوكم وتضيعون الموضوع

آخر واحد قلب الذيب اختار بسمة

فرجاءً لا تخلون الترتيب يضيع

يابسمة المنتدى ياروعته كله= بسمه والابداع والتمييز والروعه
في كل الاقسام عذب الحرف تدله=منتوج فكر(ن)يزفه عذب ينبوعه
شمعة مضيئه ووردة كاد مع فله=وارق بسمه من النسمه على نوعه

اللي بعدي صافيناز هانم
تحياتي للجميع

برق الوســــــــــــــــــــــم

صافينار صافي نارررررررر

الزين والملح صافينار=ياهوه ياناس ياعالم
قلبي عليها مولع نار=وش حيلة الشاعر الحالم
يازينها يوم دق الطار=وهزة وسط قدها الظالم
وغنيت ياليل ياشعار=من عين ابو بكر سالم

يالله الدور على ( عسرة ) ياللي بعدي ..
لازم نعطي الأسماء التراثيه قيمة..

ههههههههههه الله يهديك يا أبو عبدالعزيز قلبت الدنيا

اسمها صافيناز وليس صافينار

عسرة

القلب من عسرة به الشوق وهّاج=والحال من بعدك يا عسرة تشاقت
ما ألوم قلبي لو به الهم ولاّج = ما دام ما روحي وروحه تلاقت

قلت ماني شاعر ،،، لكن دفوني معكم بالواسطة ههههههه

اللي بعدي

[blink]العنود[/blink]

اخوي بدوي
الله يعطيك العافيه على هذه الفكره الرائعه
وصح لسانك ولسان الشباب اللي شاركوا وصراحه الفكره اللي هيضت السلطان وخلته يكتب ابيات جزله تشكر عليها

عسره نكبني من مسميك عسره=ياليتهم سموك ياغايتي نوف
لاكن ماني ملحق الروح حسره=نبي نجاريهم على الاسم ونشوف
عسره قلبتي كل دنياي يسره= بيني وبينك حب يابنت معروف

اللي بعدي يكتب في ( معيضه)
علشان نرجعكم للماضي شوي

خربت علينا يا ابن هميجان الله يهديك

الله لا يهينك

صحيح ماني شاعر لكني سبقتك هههههههه

ارجع يا ذيبان وعطنا العنود وفكنا من معيضة

وإلا أقول لك :

خلها تمسك سرى بعد العنود هههههههههه