فيصل الرياحي وسعد بن جدلان

كـنــز الـضـمـيـر [/CENTER]
--

الشدايـد ياوليفـي بالأزمـات إختبـار=ينعرف فيها الظلال الطويل من القصير
كل مأذكر حالتك بين غار وبيـن نـار=راحت الدنيا بعينـي عبـوسٍ قمطريـر
تحسب إن حبك محاه التشدد والحصـار=التشـدد فالمحبـه هـو الشـر الشريـر
شغلهم ضدي وضدك يعمر لـك وقـار=في ضميرٍ ماسكن فيـه قدامـك خشيـر
زارعٍ لك بخشةٍ مـن زرار ليـا زرار=نبتها بالمسك والعـود الأزرق والعبيـر
شد حيلك لايصيبـك فشـل ولا إنهيـار=لاتصغر قيمتك وأنت في عينـي كبيـر
لاتغار بما جرى من قنـا مثلـك يغـار=كل شيءٍ ينشفا فيـه ميصالـه عسيـر
الذهب دونـه حراسـه وبيبانـه كبـار=والدرر من دونها هيبـة البحـر الكبيـر
لولا شحي فيك جيتك جهارٍ مـن نهـار=غير مايصلح مقـامٍ بـلا رأيٍ بصيـر
فرصتي ويقة حرارٍ على ماكـر حـرار=مايعـود فالمكـان الربيـب إلا البعيـر
والله إن أموت ماجاك من عنـدي بـوار=خل في قلبك ثقه والثقه كنـز الضميـر
خذ كلام اللي يحبـك بعيـن الأعتبـار=واحـدٍ مالـك بقلبـه ولاعقلـه خشيـر
والمحبه مدرسه شي ثبوت وشي قـرار=وأنت درسي مع هل الحب الأول والأخير

----
الشاعر الكبير سعد بن جـدلان الأكلبـي



----------------

الــعـــواصـــف

--

قال من يعرف مقام اليمين مـن اليسـار=ينتقي واحد من الألف فالجمـع الغفيـر
عادتي فالشعر أطبـق نظـام الأدخـار=ماتكلم غيـر لاهزنـي صـوت النذيـر
ياسعد عندك خبر ماعلى الدنيـا قـرار=بالدقايـق والثوانـي فلكهـا يستـديـر
والليالي نصفها بيـض والهـم إنتحـار=إبتسم وتشوف دنيـاك ديبـاج وحريـر
كم صبرنا ياسعد في طريـق الأنتظـار=صبر مسجون الظليمه على الظلم الخطير
لوعة العاشق تحده على أصعـب قـرار=يندفع ، مايمتلك حـق تقريـر المصيـر
ساعةٍ فيها هزيمـه وساعـات إنتصـار=هكذا الدنيا تقلـب علـى بـرد وهجيـر
العواصف تنبش الأرض وتثير الغبـار=تشحن الأجواء زوابع وشـرٍ مستطيـر
خل بالدعوى سهاله وخذهـا بإختصـار=كلم الفراش ويوصلـك عنـد المديـر !
يازميل الحـرف لاتعتبرنـي مستشـار=إنما ظرفي يشابـه ظروفـك وأستشيـر
هزني صوت المنادي من بعيـد الديـار=صيحته يملا صداها الفضاء عبر الأثير
ماعلى العاشق ملامه ولا فالحـب عـار=كم قتيـلٍ فالمحبـه وكـم فيهـا آسيـر
والسنين القاحله ماتطـول بهـا العمـار=والطبيب يقول والسر في قلـب الخبيـر

----

الشاعر الكبير فيصل بن منصور الرياحي

بيض الله وجهك..يالرهاوي..
قصيدة أبن جدلان حافظها غيب من زمن
وقصيدة الرياح أول مرة أشوفها..لكنة جزلة..
لاهنت..

أختيار مميز أخي الرهاوي

الله يعافيك

شاعرين من كبار الشعراء أستمتعنا بما قراءنا

الله يسلمك على هالنقل الجميل ..
الشكر لمن يطلعنا على هذه الروائع
..

مثل سابقه
اختيار رائع
لا هنت

الله يسلمك ويطول في عمرك أخوي الرهاوي

الرياحي وابن جدلان من عمالقة الشعر في الجزيرة العربية

ولا يختلف اثنان على مدى قوتهما الشعرية

ابداع مابعده ابداع شكروتقدير لك اخوي الرهاوي

مشكور اخوي الغالي الرهااااوي

لاهنت وتسلم على النقل الجميل

مشكووووور اخوي الرهاوي عالنقل الرائع ،،

يعطيكـ العافيه ،،

ما ننحرم من جديدكـ ،،

مشكور أخوي الرهاوي على النقل الرآئع

تسلم ويسلم غاليكـ ومغليكـ