عيدية

يالله يامنشي سحاب (ن) مزابير =خفف هموم اللي من الوقت خايف
اقبل علينا العيد عيد (ن) هذا غير =عيد التعاسة والحزن والحسايف
من وين ياتي خير ماحولنا خير =لو انتظاهر بالفرح عد زايف
ايامنا بالهم لقح ومعاشير = ودموعنا نمسي ونصبح ذرايف
من يوم هبتنا هبوب المعاصير = الحال مقفي للتعب والتلايف
اهمومنا مثل السروات والنير = ومعها جبال طويق ماهي خفايف
راحوا هل السنة قطيع (ن) شعاثير= وعدوانها والشرك صاروا حلايف
الوضع مايتحمل ايات تاخير = يحوفهم في كل الاوقات حايف
مادام راح اللي يقود الطوابير = ماعاد للسنة نصر بعد نايف
ياما لفانا من هل الشر تحذير = صرنا لهم في ما يبونه عسايف
اوضاعنا من جرف لين الدحادير = والكل من تصحيح الاوضاع عايف
تجارنا تلهو بجمع القناطير = ما منهم اللي بالمساكين رايف
اصواتنا ماتاصل. ان كان بنشير=وضع ن غريب ولا لقي له وصايف
ولا بقى لشيوخنا اي تاثير = غير البطالة وانعدام والوظايف
للي ظمي وش يظهر الما من البير= مادام مابه دلو والطي نايف
ياهل البروج اصغوا لصوت الجماهير= اللي نشوفه بس هرج الشفايف
يامن بيدك الحل يكفيك تخدير = اوضاعنا متردية وانت شايف
ياما تعودنا على دهنة السير= وياما شربنا السم من يد هايف
نعطيك يامن تسمع الصوت تقرير=الصف واحد مادخلنا طوايف

لله درك ياشيخ لله درك
صح لسانك وارتقى بيانك
،،،،،،،،،،،
شعر غزير وقاف خطير .
بيض الله وجهك يالقرم .
وعيدك مبارك قبل الزحمة .

.



















يَ هَلا وَ مسهلاً بِكَ يَ المحيَانيْ وَ حيَّ قافكْ منْ جَديِد
عيِدكْ مُباركْ وَ يجيبْ الله خيِر إنْ شاء الله وَ اللهُمْ إرحَّمْ
الأميِر نَايِفْ دُمتْ بخيِر وَ لا هِنتْ ’

# إِعتلاءْ لـ/ الثُريَّا + توُشَّمْ بالتميَّز

كفو والله يا شاعرنا العزيز
أبو فيصل
والله يحييك تحية العيد
وعسى عيدك سعيد وعمرك مديد
وكل عام وأنت بألف خير

كل عام وأنتم بخير
صح لسانك شاعرنا
ولاهنت على القصيدة الرائعة