أطفال [ الأسئله ] !

واحاول استر عاري الجرح بثياب واقول قاوي .. بس مانيب قاوي عشت الحقيقه في زمن صار كذاب شاعر وماتت فيه طفلة هقاوي

الطفوله : طفل ودّع شبابه [ ونام ] خاف مستقبله يشبه خطاوي حزين ! يالي تبعت الجفا واشعلت بي جمري وخليت الامال طفلٍ فوق مرجيحه تعال قبل الصباح يطل من بدري اخاف لا طحت .. هالطيحه هي الطيحه انا ماذبحني غير طفله .. ولو تدرون بدل ما تظم العابها ,, ضمت الدمعه صغيره يطيح الصمت من عينها زيتون اذا ألظلم كسّر غصنها تلبس السمعه ** طفْلَتْك ماتملك سوى..[ حلْم محصور] .......... و[ شويّة العاب ] ... \ وحكايا مواني ..! تحْضِر غياب وتلْتحف..:غيبة حضور ........... ينسونها ...\ وتقول: محد ٍنساني..! تحْلَم.. وتخنق حلمها .. [ وحْشة الدُور ] ........... والمدْرسه....وهواش [ أبله تهاني ] ..! وعلى كثر مابلّل اطرافها ... [ النور] .......... تفرد أصابعها .. \وِ [تطفى ] معاني ..! وعلى كثر ماتترك الصبح [ ممطور] .......... تذبل ... لأن الصبح دايـم .. [ أناني ] ..! مامات من [ برد الصباحات ] .. عصفور .......... بس هيّ [ ماااتت ] .. من كثِر ماتعاني ..! العنود العبدالله . ربيت فيها كثير .. بداخل اعماقي طفله صغيره ! بوسط القلب تتربا احاول .. ارسم صورها داخل اوراقي تهرب ورى الضلع .. عني هناك تتخبا !! أعطني دافع أعيش ! مثل طفلٍ حبّ يلعب ../ بسّ ماحسّب حساب ! يحسب أن اللعب ( طيش ) ... ! ثم تعوّر ....!! بعدها .../ حرّم وتاب .....!! كنت طفله ... \ واسأل الأطفال عنّي ............. ازرع الغيم .... \ لصبآحات الشقاوه ..! ** علّمي كل البنات .. شلون طفلة ! تاخذ من الصبح " قلب" .. وماتنام ! كل عرق ٍ مات بـ ضلوعي عزف له لين ماحسّيت بـ ضلوعي ... حمام !! واسمع حكايه لطفله طبعها هادي .... كانت عن اطفال ذيك [المدرسه] تفْرق ! على يديها يِحَسْد النرجس \ الكادي .... ماكنها إلا [ جداول ماء ] تترقرق .. ! : يالي تركت العمر طفلٍ على السيف ـــــــــــــ يرمي ../ عصافير الصباح إبظروفه شفني أحيك الصبر .. فستان من ليف ـــــــــــــ أو ليت غصني بعد غيمك تشوفه أول : أعوف زرار ثوبي مع الصيف ـــــــــــــ واليوم حتى الصيف .. دونك اعوفه : : ياليلي ، والحزن حبر المفارق .. واللقا دفتر ــــــــــــ تعب يرسم .. مرآسي للحياه ، ومات به مينا كتب ربي عليْ آطشْ نومي للسما / وأسهر ــــــــــــ قبل لاجيك .. انا واطفال حبك .... ثم تبكّينا تبخّر حلمنا : شوفه سحاب افراقنا .. ممطر ــــــــــــ سقى نخل الهموم وطاح تمره في اراضينا ! انا وأغلى ثلاث سنين فيني : كم لنا نشعر ؟ ــــــــــــ طفى ضي الحنين ونام طفل الأسئله .. فينا من اول : حيّنا / تربة شقانا / صبرنا الأكبر ــــــــــــ مآذن صمتنا /.. طوفة أملنا /.. باب أمانينا خذتنا ريح صدّك .. للتغرّب .. والبعاد المُر ــــــــــــ تكرّم .. سمّع آذآن المدى صوتك : ونادينا وقفنا ... وابتدا ساعي بريدك بالضياع يمر ــــــــــــ لقينا : الذكريات وصورة الأيام ..... تنعينا كبرنا حسره ومالت عذوق أشواقنا / أكثر ! ــــــــــــ تولّاها الزمن .. قبل الحصاد .. ومات ساقينا حرام يضمنا .. برد الشتا ... في واديٍ مقفر ــــــــــــ حرام نضيع .. في درب إحتياجك .. مانلاقينا حرام إنطيّر أصوات الرجا .. ونعيد .. ونكرر ــــــــــــ ولانلقى .. سوى كف الصدى تخنق رجاوينا تشح وينثني من سدرة آيامي غصن اصفر ! ــــــــــــ وآنادي : يابعادك ... في بعادك شوف جفّينا انا .. واغلا ثلاث سنين فيني .. لو بنستفسر ــــــــــــ إذا : نمنا على جمر إنتظارك .. من يصحّينا ؟ ناصر بن حسين . : : تمطر ... و طفله فوق : هذاك الرصيف ..! ........ تتوسّد البرد \ وتضمّ كْتوفهآ ...! اختارت العيشه على : كسرة رغيف ..! ..... بس ماتمدّ لأيّ شخص كْفُوفها .! ** آحسّنِي طفله ....وجداً (جريئه) تبغى وتبغى بسّ تبغى وتبغى الليل طآغي .. وامنياتي بريئه وان ما هدا .. شف امنياتي بتطغى ! طفلتي / ..خليني الغافي على صدرك ... سنين ........... ايه ابشرب من عيونك ... ملح واحلام وأماني افترقنا العام ... مثل الوقت هذا ... تذكرين؟! ........... يوم اجيب ايديني تسولف ... وانا (أنا) نساني جيت اغطي كل حرف ٍ بي /...تعرّت كلمتين .......... جيت ابـ اندهلك..تعثـّر في طرف إسمك .. لساني ! يوم أفتح شُرفة الغيمة ... واشوفك تضحكين ......... انزوي ...كلي على بعضي.... صباحات وأغاني صرت أشبه ...في عيون الراحلين/الراحلين ........... كلما ضيّعت منّي ..... رحت ادوّربي مكاني ليه هدمّتي حدود الأرض ...وانتي ترحلين ؟ ........ ليه خفتي خطوة التخمين .... والمشوار "جاني" ؟! كنت اشبّ انفاس صدري ... ياتجين او ما تجين ! .......... وآتناثر فـ الشوارع ... فـ الدفاتر... فـ المباني كلما خدرّت.. برد الدرب ..جيتي تجمعين: .......... ما تكسّر من دفاي ..... وما تيسّر من حناني وإن سألت التين والتفاح ... والغصن الحزين .........عن عناقيدك توارى ./... لين رمّاني رمَــاني مثل طفل ٍ قام يبني لـ البحر ..... احلام طين .........مادرى وش كثر تعطي الملح ...أطراف المواني ! طفلتي .... خليني الغافي على صدر الحنين .......... ماضميت إلا امان .... ولا شربت الا اماني كم قطفتك من زوايا الشعر ...نبت وياسمين ........ قرّبي خليني ازرع ..... بين احضانك مكاني ! " جمال الشمّـري . مساكمٌ /صبآحكم براءة أطفال : ) موضوع بسيـط أتمنّى يرتقي لذوائقكم احبّتي .

الحزن طغى على الموضوع مسافرة ، وبارك الله فيك على الطرح
الصور تحكي واقعاً مريراً
والكلمات تترجم مأسٍ

حياك الله أختي
اسعدني مرورك العطر

.

ودي

الصور معبره كثير كثير


لاهنتي يامسافره

()

هلا بك اختي سديم
اسعدني مرورك العطر

أعطني دافع أعيش !

مثل طفلٍ حبّ يلعب ../ بسّ ماحسّب حساب !
يحسب أن اللعب ( طيش ) ... !
ثم تعوّر ....!!
بعدها .../ حرّم وتاب .....!!




انتقاءات أكثر من رائعة

شكرا لك

حياك الله اخوي عادل
الروعه مرورك العطر ,,

مشكورة على هذا الانتقاء
دمتِ يارائعة..

,’

العفو حبيبتي
يسلمو
اسعدني مرورك العطر

يا زينهم والله
هؤلاء هم زينة الحياة الدنيا
وهم فلذات الأكباد
وسعادة القلوب