هل يعقل أن أكون جنياً .. هذا ماحدث.

مساء الخير

هذه القصه حدثت لي في عام 1429 هجري.
لااذكر في اي شهر بالتحديد.

سأسرد لكم القصه بالعاميه.

طلعنا بعد المغرب انا واخوي لغنم واحد من اصحابنا وجلسنا هناك لساعه 1 بالليل
وكان الجو وقتها برد بالحيل ركبنا السيارة (ددسن غمارتين 93 ) وطلعنا رايحين للبيت لما بقى عن المدينه 4 كيلو انقطع البنزين وقفنا السياره على جنب الطريق ونزلنا نأشر للسيارات , الطريق اللي كنا فيه هو طريق الحمراء وهوطريق مظلم
لا انارة ولا فيه اي محطه او بيوت قريب منه وجلسنا نصف ساعه ولا فيه سياره مرت وكان البرد شديد حتى انك تسمع صرير سنونك من البرد , بعد حوالي نصف ساعه اخرى مرت سياره , اشرنا له ووقف , نزل واحد شاب منها تعطيه 23 سنه
جيته باعتبار اني الاكبر فيهم وهذا حديثنا.
الشاب : سلامات عسى ماشر.
انا : مايجيك الشر بس حنا منقطع علينا البنزين.
الشاب : معك جك.
انا : ايه معنا .
الشاب ارتبك وقال : معنا , انت معك احد ,
قلت : ايه معي اخوياي.

ناديت اخوي وصاحبه كانوا جالسين داخل السيارة وجابو معهم جك ركبنا مع الرجال وطلعنا للمحطه.

صاحبنا هذا لو تشوفه في البر بالليل تحلف بالله انه ماهو انسان وانه جن
من وجهه ونحف جسمه.
. . .
الرجال تغير لما ركبنا السياره وتحسه ماهو طبيعي كنه خايف .
ماتبيه يخاف والساعه 2 بالليل وفي مكان مظلم وددسن كمان ,
طبعا المشهور عن الجن سياراتهم هايلكس او ددسن دايماً.

الشاب : انتم جن ؟
انا ارتبكت ما ادري وش ارد عليه.
قلت : لا محنا بجن.
قال : والله منتم جن.
قلت : لا.
الرجال قام يطالع فينا وبعدين ثبت نظره على الخط.
شوي فك الدرج ويقلب في الاشرطه عود قفل الدرج.
رد مرة ثانيه.
الشاب: امانه منتم جن.
انا صراحه خفت لايستخف الرجال ونبلش ونكسب ذنبه ,
قلت : الجن وش اللي مايقدرون عليه؟
قال : الشهاده.
قلت : فيه جن مسلمين وينطقون الشهاده.
ندمت اني قلت هالكلام وحطمت آخر شئ متمسك فيه.

قلت : معك شريط قرآن .
قال : ايه .
قلت : شغله.
قلت انه بهالكلام يقتنع اننا ماحنا جن.
شغل شريط القرآن.
وعم ارجاء السياره الصمت الا من صوت الشيخ ماهر المعيقلي , حتى وصلنا للمحطه.

لما وصلنا نزل اخوي واشترى لنا عصيرات وجاء
لما رجعنا الرجال قام يسولف معنا وطلع ساكن بالحي اللي بجنبنا
وراح الارتباك واحسه تطمئن , نزلنا عند السياره وعبينا البنزين ورحنا للبيت.

اتمنى انكم استمتعتم بالقصه وانتبهوا لاتوقفون
للي يأشرون تالي الليل امكن يطلعون جن.

تحياتي

الباحث

لاهنت أخوي
ع ايراد القصة الرائعه
شكراًلك

		المشاركة الأصلية بواسطة : بنت النشامى اقتباس
	لاهنت أخوي ع ايراد القصة الرائعه شكراًلك

كل الشكر لك بنت النشامى
,,,,,,,,,,,,,,,,

انتم كنتم خيفين طلع هو الي خايف

يسلم على القصه الرائعه

تحياتي

		المشاركة الأصلية بواسطة : أخصائي تربية خاصة اقتباس
	انتم كنتم خيفين طلع هو الي خايف يسلم على القصه الرائعه تحياتي

لا ماكنا خايفين من قال,

الله يسلمك يامحمد والف شكر على مرورك.

ماشاء الله أبدعت في سرد القصة
الإبداع يتواصل

سلمت يمناك

يماااااااه مت خوف لما قال انتم جن ؟؟؟

لو انا كان شردت من السياره هههههههههه

الله يعطيك العآفية

هههههههههههههه
طيب يوم إنه شكاك ليش وقف من البداية

شكلك يا فايد تخوّف؟

		المشاركة الأصلية بواسطة : شمس الأصيل اقتباس
	ماشاء الله أبدعت في سرد القصة الإبداع يتواصل سلمت يمناك

اهلا بك شمس الاصيل
والف شكر لمرورك المتواضع

		المشاركة الأصلية بواسطة : إحساس أنثى اقتباس
	يماااااااه مت خوف لما قال انتم جن ؟؟؟ لو انا كان شردت من السياره هههههههههه الله يعطيك العآفية

معلومه لو شردتي , عادي بيوقفون السياره ويلحقونك تراهم سريعين بالحيل ,, ناوي يمزع عقل البنت

ياهلا فيك يا احساس
ولاتنسين قراءة المعوذات