العجوز والشايب

الشايب

قلبي شباب ولازم إني أعرس=مابي العجوز اللي توسد على الباب
الخير وأيد وماني مفلس=عندي فلوس تدعم البنك في حساااب

العجوز

ما باقي منك غير خشمك وهالضرس=تبى تعرس وانت كنك غراب
قابل صلاتك الله يشفيك من المس=وإلا ترى باطب ويهك بالترااااب

الشايب

انتي عجوز وأكلك الروب والخس=اما انا ما أكل غير تكة وكباب
ما فيني سكر غير ضغطي نازل بس=دام الهوى فيني ترى كل شي طاااب

العجوز

لا بارك الله فيك يالشيبه يالنحس=ما تجيبك الرمسه ولا يجيبك عتاب
قصرلي صوتك ماابي اسمع ولا حس=عطني طلاقي وانقلع وقضب الباب

الشايب

دومك نحيسه وذا لسانك يبيله قص=ربي ترى حلل لي اربع بالكتاب
هذا خميس الاعمى ياكم عريس=مرتاح بالدنيا بلا هم واعتاااب

العجوز

بطران وراسك كالصخر يابس وعص=مالوم طبعك يوم ربعك هالكلاااب
غادي شرا الاريل ودومك تتحيس=استح على ويهك اصلع ولعااااب

الشايب

فكيني من ويهك ترى مالي اي نفس=زهقان من شوفك وابقالي احباب
هذا طلاقك طالقة أربع وخمس=شلي طلاقك من ضميري بلا حسااب

العجوز

مشكور يا الشايب ومن دون اي دس=عندي حبيب ماابتعد لحظه وغاب
يشريك ويبيعك تراه باثمن وبخس=ماتسوى ظفره حلو اسمر وجذااب

الشايب

يالله قبل لا اموت منك وقتص=طلعتيلي قرنٍِ وراسي بعد شااااب
ياشينه البرقع ترى قدرك اختس=عجوز لك في الدنيا خلان واحباب!

العجوز

مثلك تراني وهذا لك في العمر درس=لاني اميز بين شيبه وشياااب
وإلا نسيت اني على الموضه اللبس=ماعلموك اني بلا شيله وحجااااب

الحمد لله ساعه ونص آنسق وكل ماجيت آعتمد طار التنسيق

الموهم محاوره رائعه قالت آيش قالت عندي حبيب

ماتعرف تقهر الشايب حبيب عندها وهي آكل عليها الدهر وشرب هع

غلا لآهنتي عالنقل الجميل

ههههههههه كل واحد يحاول يقهر الثاني ولاحد قدر على الثاني

مشكورة

		المشاركة الأصلية بواسطة : الغريق اقتباس
	الحمد لله ساعه ونص آنسق وكل ماجيت آعتمد طار التنسيق الموهم محاوره رائعه قالت آيش قالت عندي حبيب ماتعرف تقهر الشايب حبيب عندها وهي آكل عليها الدهر وشرب هع غلا لآهنتي عالنقل الجميل

ههههه الله يقويك يالغريق
اجل يتقوى عليه ويقهرهااكيدماراح تسكت
مرورك العذب اسعدني

هههههههههههههاي

غلا تسلمين على النقل الرااااائع


تحياتي لك

يا حليلهم والله كبار السن
والله إنهم وناسة
وهروجهم توسع الصدر

لا هنتي يا غلا

		المشاركة الأصلية بواسطة : مزيج الحياة اقتباس
	ههههههههه كل واحد يحاول يقهر الثاني ولاحد قدر على الثاني مشكورة

دوم هالضحكه يارب
اسعدني مرورك يالغلا

		المشاركة الأصلية بواسطة : بحر القوافي اقتباس
	هههههههههههههاي غلا تسلمين على النقل الرااااائع تحياتي لك

بحرالقوافي
ربي يسلمك ويسعدك على الحضور الراقي

		المشاركة الأصلية بواسطة : السلطان اقتباس
	يا حليلهم والله كبار السن والله إنهم وناسة وهروجهم توسع الصدر لا هنتي يا غلا

ماافي احلى من حكي كبارالسن
اسعدني حضورك العطر