مولاتي ..!

#
صباح قلوبكم الطاهره ،
جديدي له شرف قبولكم ~*
.
.

لو كنت ما أتكلّم كثير .. أتألّم=في داخل أحشائي صدى كلماتي__
الحياه ../ بـ كل ما هو فيها=ودّك تكون أحيان أحدّ الأمواتي__
و عين القرير السايح المتهنّي=اللي على طول الزمن .. تباتي__
و عقل الصغير و فكره المحدودي=و سؤال همّه .. من أخذ لعباتي__?
و لا الكبير بـ همّته و الأصغر=ما تكبّر الأسماء .. الشيكاتي__
أنا الكلاسيكي الأنيق الغالي=اللي أمامه تُشخص النظراتي__
عتّقني الواقع بـ ما في صدري=لو كان ما بانت علي ّ شيباتي__
ما عادني أتعلّم ../ صرت معلّم=حتّى طغت في جانبي .. أبياتي__
صحيح ما أعطاني ولا أي حاجه !=لكن أنا ما أوقف على حاجاتي__
من التفاصيل الصغيره جداً=ياما أحقره أمامها بسماتي__
أصنع من اللاشي ليّ .. الأشياء=مثل القصيد اللي من الأهاتي__
ما عاد بـ أتألّم .. عزمت أتكلّم=عن الكلام الأوّلي .. الآتي__
بلّة شفاه الضاميّه لـ الزمزم=و لون الحياه الأخضر النباتي__
من يوم جات و كل شيٍ معها=كنها دعاء الشيخ فـ الصلاتي__
هي اللي قالت : وش تبي و أزيدك ?=و أنا اللي قال : من مزيدك هاتي__!
و اليوم وينه عُمري المتبقّي ?=يا ليت تسمع قبل أموت وصاتي__
لو كان لي أحبّ ثاني مرّه=بـ أختارك ِ أنتي عشر مرّاتي__
من كثر ما أحبابي علي ّ تتغير=يا ليت تأخذ طبعهم .. حياتي__!

صح لسانك وبيض الله وجهك على هالنص الجزل
تحياتي وتقديري

يا هلا والله بك يا شاعرنا
والله يحييك ويبيض وجهك
لا هنت وصح لسانك على هذه القصيدة
وننتظر منك المزيد دائماً

ضياء القمر .. السلطان
.
.
صحّة أبدانكم و شكراً على القبول
أدام الله حضوركم المشرّف
دمتم بودّ