أبي منك ترمي عقالك

الملف الشخصي للكاتب · توقيع : سعود ايطاليه ية

سلام كيف الحال

شعر عجبني..
وبصراحه هو خاص للرجال..! بس مرة عجبني
لبوا على رياجيل القبايل..

سموا

قبل لا نتفاهم أبي منك ترمي عقالك=ترى لا أنت وجه للرجوله ولا انت قدها
وعينك هذي تنزلها لاوقفت انا قبالك=ولاتقاطع في كلامي والزم الفاظك حدها
لاتساهل في كلامي واحفظه وخله في بالك=أنا بنت ورثت العزه من أبوها لجدها
مايهزها مجرد وجودك كبرياها ما يكسره امثالك=والكرامه قبل تعرفك راضعته بم(ه)دها
غلطان ان كنت تحسبني شيء تبعك ومن حلالك=أنا أكبر من طموحك وشف يدك لابغيت تمدها
اللي مثلك شخص ( خاين ) يستحي منك ظلالك=اللي مثلك مامشى درب الرجوله وماوصل لمجدها
عزتي عيت تنازل لجل اعاتبك على فعالك=خلنا من "قصة خيانه" وقلي كرامتك وش عندها
وين الرجوله اللي تقول؟!كيف ترضى يكون حالك=وين عقلك طار له؟ يوم تلحق مرها وشهدها
لو سِألت عن المهانه قلت:تجسد من خلالك=يوم ترمي بالرجوله وتركض وتمسك يدها
ان كنت تسأل عن شعوري أبشر بجاوب عن سؤالك=تدري! فرحت! لأني عرفت محبتك قبل يطول بعدها
أدري اني في يومٍ قلت:أني عشقت حتى خيالك=وأنك قد كنت بحياتي شمسها"وظلها"وشوكها"ووردها
لكن دموعي أنا على كل لحظاتي بوصالك=يوم تخدعني بحبك وتنقل كلامك اللي تقوله عندها
لكن.. مضى كل هالزمن وماني فيه أصغر عيالك=أنا أداعب هالنجوم واسأل الشمس عني يامى لثمت بخدها
واللحين بشوفك وانت تقفي ساحب عز متهالك=ولم أعذارك معك يشرفني اني بكل بساطه أصدها
مستحيل أقبل عذر أنا أعلنت عن حياتي إعتزالك=والهدايا اللي وصلتني عفواً..أنا بردها
لحظه قبل تقفي لاتنسى تنحني وتاخذ عقالك=واحترف طقوس المذله.اركض ألحقها شفها تمشي لوحدها

مـجـمـوع الأوسـمـة · توقيع : رعد الجبوب

صح اغلب الريجيل خونه
بس الشاعره هنا قست على الشخص الموجه الية القصيدة
لكن مصير كل خاين الهلاك
صح لسانها وسلمتي وسلم اختيارك القوي منذ البداية

مـجـمـوع الأوسـمـة · توقيع : الغريق الشدادي

والله القصيده هذي حلوه لكن لاأعلم ماهو نوع الخيانه حتى نحكم على هذا الرجل

هل هو يستاهلها أم لا

عالعموم صح لسان شاعرتها ولاهنتي أختي سعوديه وأهلاً بكي معنا هنا