الغنى بعضه فقر

بويتات من الجديد اتمنى ان ترتقي لذوائقكم

يا مدور .. للغنى .. ما يفيدك .. كثر مال=( الغنى بعضه فقر .. والفقر بعضه غنا )
كم فقيرٍ .. كاسبٍ نعم .. ما عنده ريال=وكم غنيٍ .. يلعنونه .. خساره ما قنا
من بغى يكسب .. بياض الوجه .. قدم الرجال=النوايا .. كان طابت .. يطيب الها البنا
و من بغى يكسب .. رياله .. وسج مع الخيال=النوايا .. كان خابت .. تقفاه العنا
كم فقيرٍ .. عند ربي .. مثل شم الجبال=وفي عيون الخلق .. غالي .. من اللي هو جنا
وكم غنيٍ .. تحسبه .. من كمال اليا كمال=( والحقيقه .. ما تجمل .. ولا كاسب ثنا )
المناظر .. من نظرها .. يطالع في بلال=ما يرده .. منظره .. يوم ذكره .. ما فنا
والجمايل .. لو يقال انها .. عند الريال=( كم ريالٍ .. قد تعوذ .. ويشكي ربنا )

وسلامتكم جميع ,,

الله الله
يا أبو سلطان
صدقت والله يا أبو سلطان
والله يجعلك على القوة اليوم ودوم
وصح لسانك

نص باذخ اطرب ذآئقتنا بجمال عذوبته وسلاسته
صح لسانك ولاعدمنا جديدك الألق

ابو عبد الله 


يا مرحباً والله ومنور الصفحه ومن يقول ان شاء الله وصح بدنك وأشكرك على مرورك المميز ياالامير 


ضياء القمر 


اشكركي على الاشاده وهذا يحفزني على ان اقدم الافضل بإذن الله وصح بدنكي ولا هنتي على المرور المميز