يَا مَا حَلا وَالنَار يِضوُيْ لَهبها

.

نرجيـك ياسامـع دبيـب النمالـي =ترسل علينا مـن تواليـك رحمـات
اسق الديـار الدارسـات المحالـي =واحي الدعوب اليابسـات السنيّـات
متى تبي تذعـذع هبـوب الشمالـي =وتبدا مطاليـع المـزون الثقيـلات
بروقهن من تحـت لهـن اشتعالـي =وحس الرعد فيهن يجلجل بالاصوات
لا ذكّروهـن عاشقيـن الخِيـالـي =وجابوا خبرهن قبل هـذا بفتـرات
سوّوا لهن بالنـت نـوع اتصالـي =ومرّوا على الياهو ومرّوا بمكشـات
وشافوا صورهن قاطعات المجالـي =وحطّوا لهن مع شيّة الرب حـروات
والى اقبلن طاروا لهـن باعتجالـي =على الجيوب اللي مع الدرب عجلات
مثل المحب ان جاه بالدرب غالـي =يطير من شوقه لنصـف المسافـات
ويوم اوصلوا واستملسـن بانهمالـي =كـزّوا لنـا تبشيرهـم بالرسـالات
هذي امانـي سقتهـا مـن خيالـي=وارجي من المولى تحـوّل حقيقـات
ويسقينا من فضله عزيـز الجلالـي =اللي بحر جوده يفـوق المحيطـات
ياالله يـاربٍّ علـى النـاس والـي =ياعالـمٍ كـــــل الامـور الخفـيّـات
نرجيـك ياسامـع دبيـب النمالـي =ترسل علينا مـن تواليـك رحمـات
يمّـك رفعنـا صوتنـا بالسـؤالـي =يوم ابتدا الوسمي وجالـه علامـات
اسق الديـار الدارسـات المحالـي =واحي الدعوب اليابسـات السنيّـات
هنـاك ابستانـس ويرتـاح بالـي =واشفق على نظم البيوت الجزيـلات
واسج سجـة دالـه القلـب سالـي =ماجاه من سوق الهوامير ضربـات
لاسقت جيبك يـم هـاك السهالـي =شرقيّ الاريل بين عبـلا ورامـات
وهـي مناقعهـا سـواة اللـوالـي =تبرق وتعكس صورتك كالمرايـات
وعقب التمشي جيت فـي دوّ خالـي =تسورب شغيّاته كما زحـف حيّـات
ومعك من الربـع القـروم العيالـي =اثنين بالحِسبـه ..وبالفعـل ميّـات
وافين ماهـم مـن هـواة االجدالـي =صافيـن بالخـوّه علاقـه ونيّـات
كلامهـم مثـل القـراح الـزلالـي =لا ذاقه الظامي عقب طول مظمـات
لحظة صفا فيهـا زمانـي صفالـي =للنفس لـذّاتٍ .. وللعيـن مجـلات
ويزيدهـا لا غـرّد الطيـر عالـي =وهبّت علينا من طرى النود نسمات
تكفيك لـو ساعـه همـوم الليالـي =اللي على مثلي لها نـوع غــــارات

لـِ شَاعرهَا / خَالِد الوُقيِتْ

.

.

.

.

.

يامل قلبن حافه الشوق واشتاق=مشتاق ضبط الكيف بأرضن خليه
في تلعتن يشفقلها كل من ضاق=اللي هواه البر والنار حيّه

-

-

-

-

-

-
من تصويري أمس بنفود سعد شمال الرياض

الله الله
يا سارة الغيد

وجاء الشتاء بروعته وهدوءه وجماله
لعشاقه كل الحق أن يفرجوا بقدومه
ويتغنوا باطلالته عليهم من جديد

.



وَليِد . . . السُلطانْ
ممُتنةُ لكُما عبوُركِما الدائِمْ وَ تواصلكمْ المُثمِر
لأرواحِكمْ زهر الإقحوانْ

-

تصويري بالآيفون فايف : )
-

-
التقاطه لي من تصوير صديقي تركي