الرحالة غيثان المريري الحارثي

السلام عليكم ورحمة الله وبركاته

قصيدة اهديها إلى ابن العم الرحالة / غيثان بن سعد المريري الحارثي

اتمنى أن ترتقي إلى ذائقتكم

عن ترج بالحارث وقيا وميسان=وايضا ابو راكه ومن هم وراها
عن كل بالحارث شباب(ن) وشيبان=عن روسها وشيوخها عن نباها
سريت يا طلق الحجاجين غيثان=مسرى الذياب اللي تدور عشاها
سريت مسرى اللي من الشوق ولهان=معشوقته قفت وهو ما لقاها
من شان ابو متعب ومن شان سلطان=حي الرجال اللي ما تنسى ولاها
حباً لابو متعب ملكنا ومن شان=سلامته خطوتك تفهق مداها
اعلنت للعالم ويا حيه إعلان=أن القدم ما تشتكي من حفاها
وسقت القدم عاني من الشوق مليان=وحنا نقول الله يسدد خطاها
واستقبلك ربعك ووصلوك شيخان=شيخان تعطي ما تحسب عطاها
امثال ابن عاتق محمد كحيلان=وامثال ابو عابد سعد واخوياها
ولا هان من خاواك فالدرب لا هان=فهد ولد عود(ن) ما يشكي عناها
وسبيع مانساها لهم موقف(ن) بان=استقبلت من زارها من لفاها
بالطيب والتكريم وبجود واحسان=يا مكرمين الضيف لامن نصاها
سبعان يأهل العرف والطيب سبعان=يا مزبنة منهو يجي في ذراها
وكملت في ممشاك وتلد الاعيان=للعاصمة واللي سكن في حشاها
بأسم الملوك وبأسم الامير سلمان=حكام نجد املوكها واومراها
وباسما بني الحارث مشاييخ وأعيان=يا مرحبا ترحيبت(ن) لك صداها
يا مرحبابك عد همال الامزان=وعداد مالنسمة يذعذع هواها
يالي لاجل بو متعب اقبلت شفقان=عيونه عيونك تمنى تراها
وختامها لا هنت يالقرم غيثان=ولا هانت شيوخ(ن) ما تحسب عطاها

صح السانك اخوي المريري

قصيدة جزله في معنيهااا

بيض الله وجهك ويستاهل المدح غيثان

تحياتي لك

صح لسآنك أخوي محمد , كفو و الله بـ غيثآن و الله يسهل طريقه


أجزلت في القصيدة و من لآ يشكر النآس لا يشكره الله , اجزلت في ذِكر من سآندوآ غيثآن و هذآ من طيب أصلك و مربآك و من قدم الطيب يلقآه


لآهنت .. لآهنت .. لآهنت

عسآك على القوة اليوم و دوم يا ليت توآفينآ بأخبآر الرحآله أول بأول يا بعدي



.
.
/

الله لا يهينكم جميع


وبيض الله وجيهكم عالمرور الأكثر من رائع


ودي

اللللللللللللللللللللللللللللله عليك
الله .. الله .. الله .. الله .. الله

سريت ياطلق الحجاجين غيثان
مسرى الذياب اللي تدور عشاها

هالبيت والله لحاله قصيده ، ماشاء الله عليك يامحمد تفجّرت ابداع وحَبك

وماهي غريبه ،، الابداع دايم مخاويك وأسم محمد المريري كل ما اشوفه

يحفزني اني ادخل الموضوع بأسرع وقت ممكن

لاني واثق اني راح اكون على موعد مع جزال الابيات

صح لسانك عد وبل الامطار ،،
متميز دايما يا المريري

بسم الله الرحمن الرحيم
الحمد لله حمد الشاكرين والصلاة والسلام على نبينا محمد وعلى اله وصحبه اجمعين
اتشرف بان تكون اول مشاركه لي بالرد على مشاركة الابن محمد المريري واوعده بان اجاريه بقصيده

والف شكر وتقدير , وتقبل تحياتي
خالك / الشقاوي المريري

.

كلمات قمه فى التعبير



صح لسانك
وغيثان يستاهل

كفو والله يا شاعرنا محمد
ويستاهل الرحالة غيثان الحارثي كل خير
وإن شاء الله يوصل رسالته لملك القلوب
بعد عودته من الخارج
وصح لسانك ملايين

صح لسانك يامحمد

هانت على غثيان راح الكثير ومابقي غير القليل

وآلف شكر لكل من ساعد غثيان ووقف معه وقفة رجل

شكراً للجميع

لآهنت ياشاعرنا محمد والله يبيض وجهك