اللى مامعوش مايلزموش

السلام عليكم ورحمة الله وبركاته
:
:
:
ياهلا ومرحبا باللي دخل الموضوع ز1
كيف حالكم وش أخباركم ... عساكم بخير ..؟
________________________
في ليلةٍ جميله ... من ليالي المغرب الحبيب..!
كنت جالس في أحد المطاعم.. !
وبالصدفه لقيت شباب سعوديين كانوا معي أيام الثانوي في نفس المدرسه .!
وتعشينا مع بعض ..!
ودار بينا حديث طوويل ..... المهم قلت لهم متى بترجعون ..( قالوا ... والله إذا خلصت فلوسنا رجعنا ز15 .. قلت كم باقي لها وتخلص ..؟
قالوا : يومين .. ثلاثه .. أو يمكن بكره ز15
نط واحد كان معهم وقال : لاااااااااااا تخاافووون ... القصيده تفك الزنقه ز15 { وكان وواثق }
قلت ووش سالفة القصيده
قال: يااطوويل العمر هذي قصيدة الزنقاات ز15
مجهزها من زماان إذا خلصت فلوسنا ..... رحنا لأحد هالأمراء اللي موجودين هنا يصيفون وهلينا القصيده عليه ز129
ومايقصروون يعطونا شرهه تكفينا أسبوعين ..!
قلت ليش طيب مبهذلين عمركم وذالين نفسكم .... ووش اللي حاادكم ..!!؟
قالوا : ياخي نبي نسافر ونفلها حالنا حال النااس .... !
قلت طيب تفلها أسبوعين .... وتجلس بااقي السنه طفراااااان ..!
قالوا : ياارجال بكرره يصير خير
________________________
تشووف سعوديين للأسف يشحذوون في الخارج ..!
بحجة إنه أنسرق ...!
يقولي واحد من أخوياي كان في مصر في الصيف اللي طاف ..!
وجااه واحد سعودي عمرره بالعشرينات وقاله أنا أنسرقت فلووسي وانا ولد حموله ومدري أيش ..!
المهم قال انا أبي منك قيمة التذكره بس ..!
صدقه خويي وعطاه اللي يبي !
ثاني يوم وواجهه بالصدفه في أحد المطاعم ومعه مجموعة بنات عازمهم على العشا على حساب خويي ز15
وخويي جته سكته قلبيه وقتها ز48
______________________________
هذا حال فئه كــبيره في مجتمعنا ..!
حب مظاهر وتقليد بس ..!
فلان موووب احسن مني .... وفلانه ليه تسافر وانا مــا أسافــر ..!
الل يروح يآخذ قرض من البنك واللي بايع سيارته .. واللي حااشر نفسه سنه كامله مايشتري شي بس يحووش من الراتب عشاان يسافر ويصرف كل اللي عنده في أسبوعين أو شهر بالكثير .
ياجمـــــاعه { اللي مامعووووووش مــا يــلــزموووووش }
_____________________________
لكم حريــة التعـــبير في نطاق الموضوع طبعاً ز46
من أجمـــــــــــــــــــــل ماقرأت اليووم

لا حول ولاقوة إلا بالله فعلاً القناعة كنز لايُفنى
واللي يعز نفسه بيلقاها.. لاننا في زمن طغت فيه المظاهر والشكليات على غير سنع
أصبحت النظرية السائده معاك قرش تسوى قرش
الله يهديهم ولا يبتلينا
مشكور أخوي
والله يعطيك ألف عافية

الله يعطيك العافية
أول شيئ أنا أبي أعرف وش معنى ز128 و ز 46 ووووو
وبعدين اسمحلي
لا للتعميم ونقول (فئة كبيرة من المجتمع )بل فئة مدمنة سفر طفران من سبق الإصرار والتسلتح وذلك بعد أن حُكيَ لهم من بعض أقرانهم الذين كانت ومازالت لهم صولات وجولات مع الشحاذة الراقية أو حتى الأقل منها درجة .....
::
::
:
هذا وتقبل تحياتي
::

اللي ماهو بقد السفر يجلس عند امه احسن له

واعرف الكثير يبي يسافر علشان بس يقول حق اصدقاءه تراني سافرت الى كذا وكذا !!!

والله لو حتى حنا قده ما نبيه

السفر ما يجي وراه الا البلاوي


يعطيك العافيه خيووو وشلون وطولت علينا لي فتره ما شفتوووك

		المشاركة الأصلية بواسطة : اقتباس
	ياجمـــــاعه { اللي مامعووووووش مــا يــلــزموووووش }

والله انك صادق

اخوي

وشلون مغليك

الله يعطيك العافيه

		المشاركة الأصلية بواسطة : اقتباس
	أول شيئ أنا أبي أعرف وش معنى ز128 و ز 46 ووووو

وأنا بعد كنت ابي اسأل نفس السؤال ؟!!:icon_mrgr

الحمدالله والشكر اللحين الواحد صعب يتمشى بنفس المدينة اللي هو فيها لو ماكان معه فلوس تكفي , شلون يطلع بالخارج وهو طفران

ياسخافة بعض العقول وياسطحيتها ..

اذا كان في بلده ومو عارف يعيش الا ومعه فلوس
طيب ليش يحرج نفسه ويسافر
لاحول ولاقوة الا بالله
يعطيك العافيه اخوي

اي والله الي مامعوش مايلزموش


بس دام وضعهم كذا ليه يرحون 2 كانو يرحون خمسه وقطه من عشره وانتهت

مشاكلهم


الله يعين


بس انا عندي مشكله في مواضيع اخشها يصيح عندي انتي فايروس


انتم مثلي ولا انا لحالي