صح النوم

تعودنا على حمل الجمايل والزعل واللوم=ولا نرفض عتب غالي ولا نزعل من جداله
تمنينا نحوز اغلى مكانه في وجيه القوم=ونعيش الخوه بوقت يضد رجاله رجاله
تعلمنا من الدنيا وزدنا للعلوم اعلوم =وسقنا للدروب قلوب رجليه وخياله
وقفنا للزمن وقفة شجاعه والقروم قروم=الين ان صار واحدنا بديل اقواله افعاله
الى منه خذا ياخذ مثل ماياخذ المحروم =والي منه عطا يعطي ولو من لقمة اعياله
ولا بتنا ولو باتت رحايلنا بدون عزوم=نساوم للفخر بارضه ولو بأي من اشكاله
ولا عفنا ولو شفنا على باب النهار سموم=ولا خفنا ولو طفنا بمخراجه ومدخاله
واذا شفنا عناقيد العنب فوق الشجر ملموم=نهز غصون عنقوده واذا ماطاح نرقا له
نصبر بعضنا بالكذب الابيض والهدف معدوم =ونقول انا وصلنا له لو انا ما وصلنا له
وانا واحد من اصغرهم طموح وللطموح رسوم=على وجهي مثل قوله بغى شي ولا ناله
عطيت ولا رضيت اخذ من سلوم البخيل سلوم=ولا عمري رضيت اقعد على قلب العرب عاله
ولا ارضى بالفخر فزعه وجواسيس وكلام رخوم =ولا عمري حنيت الوجه بعد المجد لحثاله
غناي الله وانا رجل عزيز مقدر محشوم=قنوع بالقدر وان قلت فال الله ولا فالك
بسيط يرمي حموله على متن الجبال هموم =بوقت الاسف عيت تطيق همومه جباله
بوقت نزل خشوم ورفع من رداه خشوم=وخلي قيمة الرجال بين الناس برياله
صحيت وقلت للنايم بعد ماقام صح النوم=زمانك ماعطاك إلا صور وحطام تمثاله
سنين اطالع البارق وقول ان المطر محتوم=وهو ما مد لي كفه وانا ما طلت هماله
أرد اكذب على نفسي واقول ان النخل مفطوم=وهو ما بالنخل عذقي عطش ماذاق شلاله
وانا مابي من البارق هماليل ومطر وغيوم=ولو ذقت العطش بعيون طرقية ورحاله
تعلمت الصبر من كنت طفلي بالمهد مزموم=إلين ان صرت رجل لا أنتخوا به طوح اعقاله
وانا ما احلف بعد عمر طويل بدفنتة المرحوم=بقول الله ولا غير الله الرحمن نلجاله
ومثل ما بالمطر خوه الي من اهل كوم وكوم=انا قلبي بعد يقدر يدك البيد بلحاله
واذا اسمي واصل الدنيا قبل لا القى الحياه بيوم=ابتكرها وانا اسمي يضرب التاريخ بامثاله
واذا ربعي وهم ربعي تناسوا حقي المهضوم=بعيش اشره على قلبي قبل ارثي على حاله
واذا كفي طعن كفي برأس الخنجر المسموم=بعرف ان النصيب اقرب من الرجال لظلاله
مدام ان الزمن خلا الشجاع بوقتنا مهزوم=اجل خلو ضعيف النفس يقصر شرة اشواله

بقلم: حامد زيد

ومن اجمل وأحب القصائد إلى نفسي

صح إلسان حامد زيد وصحت اناملك

صح لسان الشاعر

واتمنى منك اختي تنسيق القصيدة

دايماً التنسيق يعطي شكل اجمل للقصيدة

واذا محتاجه مساعدة انا حاضر

مودتي

:؛:


رائعه من روائع حامد زيد ..

ذائقة متميزة يالغلا ..

ماننحرم من جديدكـ ..



:؛:

صح لسان الشاعر حامد زيد

وسلمت يمينك اختي سيدة الاشجان

وبعد إذنك هذي القصيدة بصوت حامد زيد

[RAMS]http://www.movn.net/alsh3ra2_/97_anom.ram[/RAMS]

		المشاركة الأصلية بواسطة : عبدالله الشدادي اقتباس
	صح لسان الشاعر واتمنى منك اختي تنسيق القصيدة دايماً التنسيق يعطي شكل اجمل للقصيدة واذا محتاجه مساعدة انا حاضر مودتي

اي والله وأنا أختك عندي مشكلة بالتنسيق..
أبداً ماتصير معي , إلا مايخرب شي بالاخير..
يالخط و او اللون..
مدري وش المشكلة؟!

		المشاركة الأصلية بواسطة : غريب بدياره اقتباس
	صح لسان الشاعر حامد زيد وسلمت يمينك اختي سيدة الاشجان وبعد إذنك هذي القصيدة بصوت حامد زيد [RAMS]http://www.movn.net/alsh3ra2_/97_anom.ram[/RAMS]

الله سلمك ياغريب..
ومشكور على الإضافة
وبجد كنت أبيها بصوت حامد بس مالقيتها..
سلمت يدينك..

نجود..
بندر..

الله يسلمكم..

رائعه القصيده

ورائعه ناقلتها

ورائع شاعرها

صح لسان الشاعر الكبير حامد زيد

وسلمت يدينك ياسيده الاشجان على النقل والاختيار الذوق

تقبلي مروري الغربي

سيدة الأشجان وفقتى فى النقل







مـــــــــــــــــــــــــــــــودتي