ياعيوني ليه من دمعك صويب

ياعيوني ليه من دمعك صويب =كلها سبة دموعك يالعيون
ناظري خدي وبه جرحا عطيب =سبة دموعا تهامل كالمزون
ياعيوني وارحمي حال الغريب =ومن طعون الوقت زدتيه الطعون
ودام انا مالي بعد ربي حسيب=يالله انصرني على من يضلمون
ادعي الله جعل ربي يستجيب =يكفي قليبي من اللي يحسدون
وهاجسا جاني مع وقت المغيب =عض قلبي كن للهاجس سنون
واله سيفا يوم سله من الجريب=سدد الضربات من بين المتون
ثم شهقت وبعدها حالي صعيب =في زمن ناسه حشى مايرحمون
وطحت طيحت من تقفوه الحريب =ثم تنادوا جعلهم مايكثرون
لابغيت اقوم كن ذهني يغيب=ولاسمع اللي عند راسي يهرجون
اتمنى الزاد مع ماي القريب=واتمنى اكل مع اللي ياكلون
وانبرى حالي متى حالي يطيب =الصبر يامبشر اللي يصبرون
ولي سنين ابحث وادور لي طبيب =واتنشد واسمع اللي ينصحون
ودام انا مالي بعد ربي حسيب=عوني الله مابدور من يعون
يفكني من هاجسا وقت المغيب =لايسدد ضربته بين المتون

.
.
كلمات الشاعر : محمد بن فهد الحارثي

صح الله لسانك ياشعرنا المتميز وبيض الله وجهك

صح الله بدنك يابو عبدالله وبيض الله وجهك

صح لسانك ولاهنت
رآقت لي
يعطيك العافيه

الله الله
يا شاعرنا أبو فهد

كفو والله ولا هنت
وصح لسانك ملايين على هذا الابداع
ونطالبك بالمزيد من قصائدك النصية والصوتية

صح لسـانك ولاهان شانك

الف شكر