طلب لمن لدية قصيدة الشاعر بسيس

اود من من يحضرة قصيدة الشاعر بسيس الشدادي رحمة الله في اهله عندما حصل لهم حادث وتوفو


ان يدرجها هنا

ولكم خالص تحياتي

القصيدة قالها بسيس عندما وصله خبر وفاة اخيه وازوجته وابنائه الثلاثه ووالدته . في حادث اليم في ديراب قرب الرياض قبل فجر السبت
1 / 3 /1413 هـ.
وفيها شكوى على سمو الامير نايف حيث يرى ان الدوريات يومها قصروا في عملهم شوي .

يالله يارب الخلق مِيْته وحيه=يا منجي ٍ موسى ومنجي هل الغار
نايف يامير وزارة الداخلية=لا واهنيك يوم ما جتك الاخبار
صدمة قوية والعلوم اوفقية=حتى هل الحادث مطفين الانوار
مافيه دورية وراحوا ضحية=كلن رقد واقولها سر وجهر
محد حضرهم يوم فيهم نسية=واتْأخر الاسعاف واكلتهم النار
والراعي اللي ما يحفظ الرعية =لو بيتعذر ما يفيدن الاعذار
ياخوية اللي صادفته المنية=باعلى جبال طويق من عند الاقمار
جته المنية ما كتبله وصية=قضى وقدر ولا يردن الاقدار
راحوا بناخيه والام الرضية=واخوية اللي ما يغثي على الجار
ما قال هذا لك وهذاه ليه =دايم يراعيني كما الوالد البار
يالله عساهم للجنان الفضية=طالبك يا منجي محمد من النار
اخبارهم عندي وتطري عليه=اليا ذكرت وجيههم مثل الانوار
اتلا خبرهم قيلوا في الحوية=راحوا وتالي ليلهم صار ماصار
دنيا سوات اللي ركب له مطية=يقول اباخذ مع هل الهجن مشوار
والموت للمخلوق مسرع مجية=لو حط له حارس وكرسي دوار
قلته وانا مالي على احد دعية=وانا على ما دبر الرب صبار
وسيعة الدنيا وضاقت عليه=مافي يدي حيلة وضاعن الابصار
ومن اعترف بالله وسنة نبيه=جعله رفيق للصحابه والاخيار
طير الهوى ظلت عزومه قوية= واليا انكسر احد الجناحين ما طار
ساعة سمعنا بالخبر والقضية=صابر وكن يقطع الكبد منشار
هلي دموعك يالعيون الشقية=من يوم ما شفنا مكفن وقبار
وصلاة ربي على صفوة عباده نبيه=اعداد ما هلت على الارض الامطار

سبقتيني يالمستحيلة

طيب طيب

ههههههههههههه

اشكرك يالمستحيله لسرعة اجابة الطلب

اشكرك اشكرك

اشكرك ابو نورة

لا شكر على واجب..

قصيده رااااايعه وقصيده تستاهل الطلب

نشكر المستحيله على التجواب السريع

مع جميع الاعضاء والمشرفين

شكرا لك اخوي الشامخ ......... وشكرا للأخوان والاخوات




لو انها لا ركبت الباص طرما


شطر من قصيده لبسيس بن حديد اعتقد ان اسم القصيد ( سلما ) ياليت اللي يعرف القصيده يكتبها هنا ومشكور مقدماً

قصيد رائعه وتستاهل الطلب

ومشكورين يالربع على نقلها