الشاعر فواز بن حنيف ( سر يا قلم)

بسم الله الرحمن الرحيم

أخواني الأعزاء
إليكم هذه الرائعة من روائع الشاعر فواز بن حنيف ابن مهرس الشدادي

سر يا قلم واكتب على كيف ودي = خلك معي مطواع والواج بده
بصخر صخر واصخيك واصخي بيّدي = اكتب وأنا اعبر عن اللي توده
حافظ على اسراري ومزحي وجدي = صاحبك تعرف كل مزحه وجده
واذرف بدمعك والورق مستعدي = وأليا اشتكى بيض الورق ويش بده
أنا الذي يشكي من الدمع خدي = عدك من البحر الخليجي تمده
وأنا الذي بيّح زماني بسدي = وعزي عن اللي بيّح الوقت سده
تلعب معي يا وقت ما أنته بقدي = برجلك تشوّتني على كل قده
ظلمتني واخذت ابويه وجدي = ومن يامنك تخون عمه وجده
صبرت لك واوصلني الصبر حدي = واليوم كل ٍ يمتنع عند حده
غدار لا مني بغيتك تصدي = ماهوب مرة فيك تسعين صده
وزرعت في فواز نفس التحدي = وصمدت اشوف أيامك المستجده
وباطاك وأنا بالطريق امتعدي = من لا يقدر حضرتك لا تعده
خصمك ولازم مثل ما اخذت تدي = ويقال علم ٍ تستحي منه بده
ماهو حلال ٍ لك شقايه وكدي = لا عاد تاخذ وأنت ما لك مكده
حكم الولي يفوق مدك ومدي = والموت عني ما أنت قادر ترده
لا صار في وقت الطلب ما تسدي = ضعيف واللي تظلمه ما أنت قده
جنّب ترى صلب الحديد امتصدي = وحيل النشاما ما أنت قادر تهده
ما عاد معك ألا لدفني تعدي = وأنا احتسيت لتالي العمر عده
وشكواي للي طالبه ما يردي = جزل العطايا لا عطى من يرده
مومن وبالدين الحنيف امتقدي = ولا خاب مخلوق ٍ وليه يمده
نشكي عليه وكل كربه تعدي = ولأوامره نصبر على كل شده
طالبك يا خلاق سبع ٍ تمدي = وسبع ٍ رفعها جل شانه بوده
ألطف علّي وفي بالعين لدي = بعين الرضاء غضبك ماني بقده
زدني وكني مفطر ٍ وامتغدي = وشاكي فقر طاعتك عشّه وغده
أنا دخيلك لا يجي ابليس ضدي = ومن لاذ في قوتك محد ٍ يضده
بطشك مثل قوة عطاك امتعدي = وحالي بليا رحمتك لا تعده
ضعيف واشكي للقوي كبر شدي = وآدم غلط والرب للحق رده
وطالبك أنا يارب عجل بردي = ومن لاذ بك دايم الحق قده

حي هالعين والله يالمطوع 00جزله من راس جزل

ومشكور يابن مهرس على النقل

سلمت يابن مهرس... صح لسان الشاعر.. ولا هنت يالنشمي..

الله الله الله يا فواز

من روائع القصائد ومن أجزل المفردات

تطويع جميل للكلمة وتصوير جميل للمواقف

مشكور يا ابن مهرس على نقل القصيدة ونتمنى

أن تتحفنا بإضافة المزيد الله لا يهينك

صح لسان الشاعر فواز والله يطول في عمره

شاعر مبدع والقصيده راااائعه اشكرك ابن مهرس

		المشاركة الأصلية بواسطة : اقتباس
	مومـن وبالديـن الحنيـف امتـقـدي ولا خـاب مخلـوق ٍ وليـه يـمـده

شاعر وامير وشيخ ونعم يافواز وصح لسانك

حياكم الله يالربع ولا عليكم زود
وإن شاء الله في الأيام القادمة
سوف أكتب بعض من قصائد شاعرنا المبدع

صح السان الشاعر وسلمت يد ناقلها

سلمت يابن مهرس... صح لسان الشاعر.. ولا هنت يالنشمي.

حياكم الله ومرحبا بكم
مشكورين على المرور