قصيدة في غلاء الأسعار

قصيدة غلاء الاسعار وظلم التجار

رسالة ٍ تاصل طويلين الاعمار =فيها الهدف واضح وبيّن ومدروس
مضمونها شكوى على روس تجار =اللي بعضها ملتهي يرقع الكوس
ناس ٍ مصايبها على روسها كبار =وناس ٍ وطت روس المساكين ودوس
غاب الرقيب او ولعت نار الاسعار =والكل يصرخ في البلد يبقي فلوس
والمال يعمي بعض الاحيان الابصار =واحيان يهدي عند تغير لنفوس
فكم تاجر ٍ جامع من المال مليار =وكم من فقير من القهر بالع ٍ موس
ناس ٍ عشاها من الفنادق يجي حار =وناس ٍتبات وما لقت حب مهروس
وناس ٍ تفكر تستلف دفع الايجار =وناس ٍ تنقط بالملاهي على الروس
ماهمها أمر المواطن إذا انهار =ولا همها لو يقضي العمر محبوس
ماتدري ان تالي العواقب لها اضرار =تقضي به الذله على كل ناموس
ونصبح على رجوا العطايا من الجار =اللي ارقدو شعبه على ريش طاوس
يا ناس وصلوها لطويلين الاشبار =من قبل ينخر في عظم دارنا السوس
(والله وكيلك شبّت اسعارنا .. نار =وحنا على ضوها من الحاجه ندوس
ونسمع بعلم يمر بالهاجس أمرار =من مجلس النواب صادر ومدروس
رفع الرواتب من بعد عزم وأصرار =قروه بالاجماع بمطاحن اضروس
وجات لبشارا من بعد جهد الاخيار =كل ٍ على راتبه له أربع فلوس
والمشكل اللي في غياهيب الافكار =محتار بين الطوس ومراقع الروس
والقصة اصل ٍ ياطويلين الاعمار =في علم من كل المساكين محسوس
وكيف الجشع طاغي على قلب تجار =حتى الاثر شكله على الناس ملموس
كم تاجر ٍ يبدي على اطماعه اعذار =وأكثرهم بظلم المساكين مهوس
تاجر ويبلع في الملايين ويغار =اليا طبخ ولد المساكين مكبوس

تسلم على طرح الموضوع اخوي الأمير العربي

والله يعطيك العافية

.

.

.

اخي بيت أليمة جدا
صح لنا اختيارك
وبيض الله وجهك
تحياتي لك