الجديد القادم

اخواني اداري واعضاء
شبكة الشدادين الرسميه
اسعد الله اوقاتكم بكل خير
من ارشيف الشاعر اضع بين ايديكم هذ القصيده أأمل ان تحوز على رضاكم
والسلام عليكم...

انا هذا الحنين الي جمعته مابغيت القاه=انا هذا الضياع اللي نبت بين السطور انواع
انا هذا الغرير اللي بردت ومهجتي تدفاه=انا هذا الحروف المدميه والخاسره تنصاع
انا هذا الوجود اللي كرهته ماعجزت اهواه=انا هذا التناقض كل ابوه بمجمل الاوضاع
انا وجه الهجاج اللي توزى ناضري واعماه=انا كل الهجاد اللي سمعتي والطعون وساع
انا حيل الجنون اللي لمستي منتهى دعواه=وانا حيل العناد اللي يبس واستهجن الاقناع
تعالي لاجديد الا القديم اللي صدف نلقاه=تعالي ودي اضيع كلامي وارتبك وارتاع
تعالي يا اول ايام الهوى واعنف شقى واحلاه=تعالي ياوفى الدنيا بكاملها بدون انزاع
دخيلك ماطلبت وردني خايب عنيد اشقاه=وانا الخيبه توديني السما وتردني للقاع
طلبتك لاتخيب الصدفه اللي جت بما معناه=اخير من الف ميعاد ورسمناها واملها ضاع
يا اول رحلتي واخر خطا الدنيا محال القاه= انا الجاني وانا اللي لين اموت لشوفتك طماع

أنا الجاني وأنا الي لين أموت لشوفتك طماع
أنا الجاني وأنا الي لين أموت لشوفتك طماع
أنا الجاني وأنا الي لين أموت لشوفتك طماع
.
.
الله الله يا هلا والله بالإبداع كله
يا مرحبا بثقافة الشعر وجزالته
والله يا جزل البيان إنك وقفت الحروف عند حدها وروضتها ترويض بقوة شاعر جميل ومبدع ومتمرس جداً .
صح إلسانك مدد بلا عدد والله يسعدك

.
.
الله الله
صح الله لساانكـ..شاعرنا
ابيات جميله ..كـ جمال حظورك
يسعدك ربي
.
.

اسم على مسمى ماشالله عليك
صح السانك

يااول رحلتي واخر خطا الدنياء محال القاه
انا الجاني وانا اللى لين اموت لشوفتك طماع
وحنا والله اللى طماعين في الارشيف وفي مافيه من الدرر والجواهر,, استاذنا جزل البيان جزل على طول في القديم والجديد الابداع مستمر والجمال متواصل والجزاله رفيقة درب قصايدك اللى تثرينا ونتعلم ونستفيد مما فيها من طرح راقي ومعاني نبيله واسلوب متميز عساك دايم على القوه ياستاذنا وصح لسانك مليارات واكثر
تقبل تحياتي,,,

يا اول رحلتي واخر خطا الدنيا محال القـاه

انا الجاني وانا اللي لين اموت لشوفتك طماع

لو لم تحضر إلا بالبيت الأخير من القصيدة لكفاك حضورآ

مبدع يا جزل البيان واسم على مسمى

لله درك

فعلاً انت جزل البيان
صح لسانك
حقيقه نص فاخر ومتميز
مخزون شعري جميل
استمتاع واعجاب به

انا وجه الهجاج اللي توزى ناضري واعماه
انا كل الجهاد اللي سمعتي والطعون وساع
.
.
انا حيل الجنون اللي لمستي منتهى دعواه
وانا حيل العناد اللي (يبس )و(استهجن) الاقناع

بيتين في غاية الروعه
اقتبستها لا عجابي الخاص بها
وتاملت بها كثير وماصورته مفرداتها
جزل صح لسانك
وسلم بنانك
دمت
بخير

		المشاركة الأصلية بواسطة : بندر النايف اقتباس
	أنا الجاني وأنا الي لين أموت لشوفتك طماع أنا الجاني وأنا الي لين أموت لشوفتك طماع أنا الجاني وأنا الي لين أموت لشوفتك طماع . . الله الله يا هلا والله بالإبداع كله يا مرحبا بثقافة الشعر وجزالته والله يا جزل البيان إنك وقفت الحروف عند حدها وروضتها ترويض بقوة شاعر جميل ومبدع ومتمرس جداً . صح إلسانك مدد بلا عدد والله يسعدك

اخوي/بندر النايف
ابقاك الله واغلاك يالنايف وسلمت الله يحفضك
ياعزيزي انا ممنون للمرورك الديم بحفاوه
شكرا لك على المرور والاطراء السامي
وتفضل يالغالي بقبول فايق الاحترام

		المشاركة الأصلية بواسطة : العربية للعود اقتباس
	. . الله الله صح الله لساانكـ..شاعرنا ابيات جميله ..كـ جمال حظورك يسعدك ربي . .

العربيه للعود
صح بدنك لاهنتي
مرورك الجمل وحضورك الاجدر
تفضلي بقبول تحياتي

		المشاركة الأصلية بواسطة : بدر المشيطي اقتباس
	اسم على مسمى ماشالله عليك صح السانك

اخوي/بدر المشيطي
صح بدنك يالطيب
مرورك الاسمى والمشرف دئما
لاخلى ولاعدم
تقبل خالص حياتي