صوت وصدى مع شاعر الحكمه(عبد الله الطلحي)

مساجلة مع شاعر الحكمة الشاعر الكبير /عبد الله الطلحي امل ان ترتقي لمستوى الذائقة

راكب اللي يطوي بعيد المسافه=يطوي بعيد المسافه في دقايق
قيمته يلقا بها التاجر كلافه=يلحق التاجر من القيمه لحايق
جيب لكزس من يشوفة ما يعافه=للدروب الكايده والحمل طايق
مايخافه من يسوقه ما يخافه=ولا يعوقه باذن رب الكون عايق
فوقه اللي يمشي الدرب بحرافه=حافظ لفحوى الرساله والوثايق
وجهه للشاعر اللي عز قافه=امتلك حكمة شعر بين الخلايق
شاعر الحكمة ماهو شاعر خرافه=مايعد من الحكم غير الحقايق
من هذيل اهل الفراسة والقيافه= منزله عالي على القمة موايق
يابو ناصر وقتنا فيه اختلافه=اختلف وجه الزمن ماهو بلايق
انفتح باب الصحافه للضيافه=وثار بارود الفتن واشعل حرايق
الربيع اخضر ويا مسرع جفافه=ما نبت له لا زهور ولا حدايق
وانت لك نظره بعيده واكتشافه=تعرف الطيب وتعرف كل بايق
جاك خط الحارثي داخل غلافه=ينتظر منك الجواب ان كنت رايق
سعد العضياني=

الـــــــرد

حي مندوبٍ عرف دربه وشافه=صيرميٍ مايضيع مع الطرايق
بعدما شيك على الموتر وحافه=والتفت صوب الدراهم والبطايق
وشيك البنزين والزيت وخلافه=وكمله ماعاد باقي له غلايق
خابر إن العلم ماهو علم تافه=مستعدٍ للحواجز والعوايق
بندر ابن سرور يوم يسوق هافه=سايقٍ مجنون ماهو بأي سايق
فيه شي من الشجاعه والذرافه=لا إنطلق مايلحقه شاص إبن شايق
مرسله راعي المعرفه والعرافه=راس قوم وساس ماهو من لصايق
ضاق من وقتٍ تفشت فيه آفه=فتنةٍ عميا ومنها الصدر ضايق
والحقيقه ياسعد مامن حسافه=لو تشب النار برموث الروايق
بعدما تظلم يبين لها إنكشافه=خلها تكشف عن اصحاب السرايق
لامتى والكل عايش في مخافه=ولامتى والحق من دونه درايق
ماعدا دار الرساله والخلافه=حيث تربطها مع الخالق علايق
خذ جواب المحترف عقب إحترافه=ياعسى ياصلك خطي وانت فايق
عبد الله الطلحي=

الله الله الله ياسعد

صح لسانك وبيض الله وجهك انت وعبدالله

كلكم شعراء كباااااار وشعراء حكمه

جزلين ووافين

لاهنتوا جميعاً

صح السنتكم الشعار جزلين بمعنى الكلمه
اعذب التحايا

صوت وصدى
ولا اروع
يكفي القوافي فخر
ان تحملها اسمائكم
تقبل مروري
اخوي سعد

جاك خط الحارثي داخل غلافه
ينتظر منك الجواب ان كنت رايق
.......
خذ جواب المحترف عقب احترافه
ياعسي ياصلك خطي وانت فايق
انا اشهد انكم فايقين ورايقين ومبدعين وشعار من الوزن الثقيل صوت وصدي راقي شعر وجزاله وتمكن ابدعت ياشاعر المنتدي وابدع شاعر الحكمه وبيض الله وجيهكم والله يعطيكم الف الف عافيه
تقبل تحياتي,,,,

شاعرنا سعد العضياني

صح لسانك ولسان الشاعر الحكيم عبدالله الطلحي

هذا الشعر وإلا بلاش

		المشاركة الأصلية بواسطة : الغربي اقتباس
	الله الله الله ياسعد صح لسانك وبيض الله وجهك انت وعبدالله كلكم شعراء كباااااار وشعراء حكمه جزلين ووافين لاهنتوا جميعاً

الغربي
صح بدنك والله يبيض وجهك
على هذا المرور الذي نعتبره
وسام يالغالي
دمت كما تحب

		المشاركة الأصلية بواسطة : رمح الشدادين اقتباس
	صح السنتكم الشعار جزلين بمعنى الكلمه اعذب التحايا

رمح الشدادين
صح بدنك يالغالي
اسعدنا مرورك

		المشاركة الأصلية بواسطة : تركي الشدادي اقتباس
	صوت وصدى ولا اروع يكفي القوافي فخر ان تحملها اسمائكم تقبل مروري اخوي سعد

تركي الشدادي
الاروع مرور قامة شعر
بحجمك يالغالي
دمت كا تحب

		المشاركة الأصلية بواسطة : فهد بن رزيق اقتباس
	جاك خط الحارثي داخل غلافه ينتظر منك الجواب ان كنت رايق ....... خذ جواب المحترف عقب احترافه ياعسي ياصلك خطي وانت فايق انا اشهد انكم فايقين ورايقين ومبدعين وشعار من الوزن الثقيل صوت وصدي راقي شعر وجزاله وتمكن ابدعت ياشاعر المنتدي وابدع شاعر الحكمه وبيض الله وجيهكم والله يعطيكم الف الف عافيه تقبل تحياتي,,,,

فهد رزيق
انا اشهد ان ما عليك زود شعر ومرجله
وعلوم غانمة والله يبيض وجهك على هذا المرور الفاخر
دمت كما تحب