مراسله بيني وبين الشاعر بين بن عبيد السمي البقمي

.
.



السلام عليكم ورحمة الله وبركاته
مراسله بسيطه بيني وبين الشاعر بين بن عبيد السمي البقمي

على وقتنا شرهات حلمن مداه بعيد = وعلى الحظ نفسي لومها له من اقصاها
تلاعب بنا الايام يابين ابن عبيد = تقول انها منا تبى تاخذ قضاها
على مبطيات جروحنا بالجروح تزيد = جروحٍ على اهل المعرفه يصعب دواها
حدتنا على سج الفيافي وقطع البيد = تحت لاهب الشمس المويقه ورمضاها
وليا ناموا السالين وقليلين الفيد = عشقنا بها سهر الليالي ومسرها
مخاليق ربي كتب فيها شقي وسعيد = تردت لصاحيها وزانت لمرضاها
لكن والله انها بينت لي الردى والجيد = وكسبنا التجارب من شقاها واخذناها

الشاعر / سامي عايض الشدادي

مواضيع شعار النبط ماتبي تحديد = لها طابعٍ فالذهن يعطيك معناها
وبعض القصايد فارقه مثل شمس العيد = مايحتاجها اللي حاجته دوب يلقاها
والايام حطت فاليدين الطليقه قيد = ولا احدٍ بداري عن مداها وممشاها
يابو عايض الرحله ترا حجزها تاكيد = طوال الدروب تسجلك من ضحاياها
لاتشكي من التعذيب والحزن والتعقيد = توجه عليك اهل النوايا مطاياها
خواطرك يجذبها تويتر على التغريد = وحمامتك لو ماغردت ما سمعناها
مثل ماتوقع كلنا معك ماانت وحيد = لاكنا نجامل في الدعاوي ونكناها

الشاعر / بين عبيد السمي البقمي



.

لاهنت شاعرنا
ولاهان الشاعر البقمي
ع الأبيات الجزلة
شكري وتقديري

صح لسانك يابو عايض أنت وبين السمي

شعراء جزلين ولا نستغرب منكم الابداع

ولاهان راسك يابن العم

صحة الالسنه وتعافت الابدنه
اعذب التحايا

صحت اللسنتكم
ولاهنتم
وبيضان وجيه

صح الله السنتكم ولاهنتوا

الف شكر لكم وبيض الله وجيهكم

كفو والله يا أبو عايض
والله يعافيك ويسلمك
وصحت ألسنتكم جميع ولا هنتوا
ننتظر منك المزيد