صار عشقي لك روايه وفي يدين الفين قارئ

جيت واشواقك تسابق لهفتـك والحـب سـاري=وجيت انا والشوق فيني من لهيب الحب يسـري
ياهلابـك كثـر حبـي وكثـر ماهيّجـت نـاري=وكثر ماسالت جروح الحب وبعـادك بصـدري
يعلم الله بأشتياقـي وانـت عـن هالشـوق داري=ويعلم الله لو سهيـت القـاك تفكيـري وفكـري
ويعلم الله موت احبك واعتبـر شوفـك فنـاري=ولو ظروفي في يديني ماتركتك وانـت عمـري
آآآه لو تدري بعادك وش ترك لي فـي مـداري=وآآآه لو تدري غرامك وش حفر لي وسط سطري
ماترك بعدك بدربـي غيـر لوعـات انتظـاري=وماحفر فيني غرامك غير حبـك وانـت تـدري
ياعديل الـروح حبـك صـار بأيامـي شعـاري=وصار بيدينك شعوري وصرت تحكم كل امـري
ايـه احبـك بـس والله مــاأحـبـك بأختـيـاري=صرت كلي فيك هايم واعشقك والعشـق عـذري
صار عشقي لك روايه في يديـن الفيـن قـاري=سطْرها دمي. ودمعي ياحبيـب القلـب حبـري
وصرت اشوفك ف المرايا تنعكس لي في جداري=كـل مالديـت شفتـك ياسنـى ليلـي وفجـري
وصرت اشوفك في منامي حلم وطيوف ومواري=وان صحيت القا خيالـك يحترينـي دوم بـدري
والذي سواك مابه مـن قـدر يوصـل وقـاري=غير حبك هـز روحـي ليـن خلاهـا تهـذري
شوف كيف الحب خلّا غصني من الشوق عـاري=شوف كيف البعد ولّع في عروق القلـب جمـري
شوف كيف النوم هاجر والسهـر عقبـه يـدار=يشوف كيف الجرح ينزف يوم طحت وزاد كسري
كـل هـذا ماعرفتـه قبـل احبـك يامـنـاري=كنت انام الليل كلـه كنـت ماضيعـت صبـري
لكن اليوم اختلفت وتهـت فـي سكـت مسـاري=لين سافرت بغرامـك مـع الـم قلبـي وقهـري
وآآآه ليتك تحتضني واحضنك فـي كـل طـاري=كان عشنا في سعاده وانتهى هجـرك وهجـري

وصرت اشوفك ف المرايا تنعكس لي فـي جـداري
كـــل مـالـديـت شـفـتـك يـاسـنـى لـيـلــي وفــجــري
لالالالالا
هنا شعر موب صاحي وهنا شي موب طبيعي !
تصوير تركيب توظيف ارسال مد جزر ربط إخراج
تلاطم جوانح وجلجلة جواهر .. المهم شي خطير !!
كدت ان أقول الله يهوووله شاعرها ..
لكن الله يسعده ..
~~
أشهد لله انها قصيدة الأسبوع عيني عليها باردة ..
لله درك ياشاعرها أو شاعرتها..
هو كذا الشعر النقي والا فبلاش .
أحتاج إلى الجلوس في حرم هذه المتجمهرة مدة طويلة وأتامل وأشم وأذوق حتى أروق .. للمفضلة يالطاري هوا..
شكراً مشرفتنا القديرة ..

قصيدة رائعة
سلمتِ يالغالية
ولاعدمناك : )

شيهانه
كتبتي لنا أجمل الحروف والألحان
كلماتك رآئعة حٌفت بمشاعرك و إحسآسك العذب
لآ يسعني إلآ أن أقول
صورة للإبدآع
قرأتك حتى أرتويتْ
دآم نبضك و إحسآسك النّقي كَ المـآء
شكرآ من القلب
لك باآقات وردي تعطر
أنفاسك الزكيه

الله هنا القصايد ولا بلاش


تسلمين والله ويسلم ذوقك

حياك الله
يا الطاري
اشكرك على هذا المرور

حياك الله
يا بنت النشامى
اشكرك على هذا المرور

حياك الله
يا الغزال
اشكرك على هذا المرور

حياك الله
يا زهرة
اشكرك على هذا المرور