شلنا من جروح العتب والمشاريه

بعد التحيه والسلام ،،،
..

ياصاحبي مدري وش اللي تخفّيه=أقدارنا واللي إنحفظ داخل اللوح
يكفي من أوجاع الدهـر ما نعانيه=كن الصدر بابٍ للأحزان مفتوح
شلنا من جروح العتب والمشاريه=حملٍ ثقيل ولا لنا فيه مصلوح
والكل منا فيه ما هو مكفيه=ولاهوب ناقصنا غرابيل وجروح
لا والله ألا ما بقى عقل نشقـيه=من كثر ما أشقيناه ماعاد به روح
ولا بقى قلبٍ هـواوي نعنّيه=عـاف الھوى من كثر مابه من جروح
ولا بقى خاطر حزينٍ نسليه=ضاعت حياته بين ضحكات ومزوح
ولا بقى صوتٍ ليا راح يدعيه=صوت الشقا من عقبهم صار مبحوح
ولا بقى حتى ضميرٍ نصحّيه=دامه على شان الوفاء طاح مذبوح
ولا بقى دمعٍ نهلّه ونبكيه=جفت دموع العين من كثرة النوح
ولا بقى شخصٍ نحبه ونغليه=غير العذاب اللي سكن داخل الروح
ولا بقى عمرٍ نعيش بتواليه=كان العمر طوّل على غير مصلوح
ولا بقى شيٍ عن الناس نخفيه=غير السكوت اللي كسر حاجز البوح

فهد سفر

الله الله
يا أبو سفر

شاعر كبير ومميز ومبدع

احسنت طال عمرك والله يبيض وجهك
ودائماً ننتظر جديدك وصح لسانك

		المشاركة الأصلية بواسطة : فهد سفر اقتباس
	بعد التحيه والسلام ،،، .. ياصاحبي مدري وش اللي تخفّيه أقدارنا واللي إنحفظ داخل اللوح يكفي من أوجاع الدهـر ما نعانيه كن الصدر بابٍ للأحزان مفتوح شلنا من جروح العتب والمشاريه حملٍ ثقيل ولا لنا فيه مصلوح والكل منا فيه ما هو مكفيه ولاهوب ناقصنا غرابيل وجروح لا والله ألا ما بقى عقل نشقـيه من كثر ما أشقيناه ماعاد به روح ولا بقى قلبٍ هـواوي نعنّيه عـاف الھوى من كثر مابه من جروح ولا بقى خاطر حزينٍ نسليه ضاعت حياته بين ضحكات ومزوح ولا بقى صوتٍ ليا راح يدعيه صوت الشقا من عقبهم صار مبحوح ولا بقى حتى ضميرٍ نصحّيه دامه على شان الوفاء طاح مذبوح ولا بقى دمعٍ نهلّه ونبكيه جفت دموع العين من كثرة النوح ولا بقى شخصٍ نحبه ونغليه غير العذاب اللي سكن داخل الروح ولا بقى عمرٍ نعيش بتواليه كان العمر طوّل على غير مصلوح ولا بقى شيٍ عن الناس نخفيه غير السكوت اللي كسر حاجز البوح فهد سفر

ارحب والله يابو سفر وصح لسانك عدد حروفها وبيض الله وجهك وتقبل مروري واحترامي ياالامير

(شلنا من جروح العتب و المشارية ) منظومة شعرية رائعة وابيات مميزها
صح لسان اخي الفاضل

.





غيِر السكوُتْ إِلليْ كسّر حَاجِز البوُح !
غيِر السكوُتْ إِلليْ كسّر حَاجِز البوُح !
غيِر السكوُتْ إِلليْ كسّر حَاجِز البوُح !



شَاعرٌ عَذبْ القافيِة سَخيْ العطاءْ كَـ / المطّر فيْ هطوُلهِ
صّح الله منطوُقكْ وَ سَلِمْ حضوُركْ وَ إِحساسُكْ عِشتْ وَ لا هِنتْ .

الله عليك يـ شاعرنا المميز
ابدعت صح لسانك ملاييين
لاهنت

		المشاركة الأصلية بواسطة : السلطان اقتباس
	الله الله يا أبو سفر شاعر كبير ومميز ومبدع احسنت طال عمرك والله يبيض وجهك ودائماً ننتظر جديدك وصح لسانك

ابو عبدالله الله يرفع قدرك ، ويجزل أجرك ..
تشجيعك وثناءك المتواصل وسام على صدر أخيك ودافع معنوي للإجتهاد في القادم بإذن الله ، فشكراً بحجم السماء وصح الله بدنك

		المشاركة الأصلية بواسطة : أحمد الشدادي اقتباس
	ارحب والله يابو سفر وصح لسانك عدد حروفها وبيض الله وجهك وتقبل مروري واحترامي ياالامير

أنت اللي أرحب يالامير (:
وصح الله بدنك دبلها 10 مرات ☺👋
ووجهك أبيض ، ومرورك وإحترامك على راسي ..

		المشاركة الأصلية بواسطة : أم وريف اقتباس
	(شلنا من جروح العتب و المشارية ) منظومة شعرية رائعة وابيات مميزها صح لسان اخي الفاضل

صح الله بدنك اختي الكريمه والله يحفظك ..

		المشاركة الأصلية بواسطة : ! سارة الغيد ! اقتباس
	. غيِر السكوُتْ إِلليْ كسّر حَاجِز البوُح ! غيِر السكوُتْ إِلليْ كسّر حَاجِز البوُح ! غيِر السكوُتْ إِلليْ كسّر حَاجِز البوُح ! شَاعرٌ عَذبْ القافيِة سَخيْ العطاءْ كَـ / المطّر فيْ هطوُلهِ صّح الله منطوُقكْ وَ سَلِمْ حضوُركْ وَ إِحساسُكْ عِشتْ وَ لا هِنتْ .

شكراً لك أختي الكريمه ساره الغيد على جهودك وعلى حضورك وإطرائك ..
وصح الله بدنك الله يحفظك