قصيدة رثاء في الشيخ مطلق والشيخ عاضه

هذه قصيدة رثاء للشاعر عبيد بن سلطان الشدادي في الشيخ مطلق بن فريحان الحارثي
والشيخ عاضه بن سفر الحارثي رحمهما الله.

البارحة بالكبد مثل المليلة=والقلب فيه رماح متعاقباتي
والمشكلة صارت عريضة طويلة=في شهر تسعة كانت الكائناتي
اللي يشيلون الحمول الثقيلة=ارحلوا في اسبوعينٍ متقافياتي
مطلق وعاضه كاسبين الجميلة=أهل الكرم والجود علمٍ ثباتي
مطلق ليا جا مشكلة ينعني له=شيخٍ فريض وينطح الواجباتي
أبو علي سم الكبود العليلة=وبالعرف والحكمة له مميزاتي
من حيث ما هب الهوا يرتكي له=وعيد الركاب اللي تجي خاطياتي
وعاضه علومه كل أبوها جزيلة=بصره وجاهه ينطح المعجزاتي
شيخٍ ليا جات الدعاوي مهيلة=اله مواقف بالوفا بيناتي
أبو محمد سعد من هو يجي له=من روس قوم تكسب الطايلاتي
فقدانهم يعم كل القبيلة=والعين تسهر عقبهم ما تباتي
لو كان حاولنا بكل الوسيلة=الموت ما تنفع به الواسطاتي
ياهل غزايل يالرجال الدليلة=عوارفٍ وعلومكم طيباتي
يا ربعنا ما في المقادير حيلة=وما قدر المولى على العبد ياتي

عبيد بن سلطان الشدادي

		المشاركة الأصلية بواسطة : اقتباس
	ياهل غزايل يالرجـال الدليلـة=عـوارفٍ وعلومكـم طيباتـي

غزايل وقيا وابو راكه ... من ديار الحرث ..

		المشاركة الأصلية بواسطة : اقتباس
	يا ربعنا ما في المقاديـر حيلـة=وما قدر المولى على العبد ياتي

ونعم بالله ... المكتوب ما منه مهروب ..

صح لسانك ابو عيد ... والقصيدةعبرت عنما في نفسك على رجال هم اهل الوفاء

الله يعيطك العافية أختي المستحيلة

نعم قيا وأبو راكه وغزايل من ديار بني الحارث

شكراً لك مرورك وتواصلك مع قصايدي

رحمهم الله جميعا ورحم موتى المسلمين
وصح لسان الشاعر
وسلمت يمينك يابوعيد على هذا النقل

رحم الله الشيخين مطلق وعاضه رحمة واسعة

فقد كانا والله نعم الرجال ونعم الخلق

ونشكرك يا أبو عيد على مشاعرك الطيبة

تجاه هؤلاء الرجال رحمهم الله

رحم الله الشيخين مطلق وعاضه رحمة واسعة

وصح السانك ياابو عيد وبيض الله وجهك

رحمهم الله جميعا واموات المسلمين

وصح لسان الشاعر

وسلمت يمينك يابوعيد على هذا النقل

أخوي عواض

القصيدة ما هيب منقولة

القصيدة لعمي عبيد بن سلطان الشدادي ( أبو عيد )

صح لسان الشاعر ورحم الله الجميع واسع رحمته

اشكرك اخي ابو عيد على القصيده الراااائعه

صح لسانك يابو عيد على القصيده الرائعه