آخر 10 مشاركات |
مختارات | قَالَ رَسُولُ اللهِ صَلَّى اللهُ عَلَيْهِ وآلِهِ وَسَلَّمَ: الحكمةُ ضالةُ المؤمنِ |
مواضيع ننصح بقراءتها |
|
||||||||||||||||||
أبي أتزوج
و في أحد الصبآحات .. و في يومن من الأيآم أيقظني جدي و بأسلوب يدل على القسوة ( اسحب البطانية و طفّ المكيف ) و نعتني بقوله ( قم نعنبو ذا الكراعين ) ليخبرني أنه حان موعد القهوة و عليّ الاستعداد للذهآب للجامعة .. من أجمل أوقآت اليوم .. هي عندما احتسي ( أرشف ) .. فنجال القهوة و أنا استمع إلى سوآلف هذين الشخصين ( جدي و جدتي ) مع هذا الصبآح الباكر و قبل ذهآبي إلي الجامعة قمت ابحث كعادتي اليومية عن ( قلم ) لا ستخدمه في نفس اليوم ثم اضيعه و عندي بحثي بين دروج المكتبة و جدت هذا الكتاب و سألت عن سبب تواجده .. فأخبرتني جدتي أنها أحضرته كي يقرأه جدي و يتعلم كيف يتحاور معها .. و منذ أن سمعت هذا الرد و أن اضحك بأقوى ما يمكن .. حتى أن جيراننا ( البقوم ) أتوا يطرقون الباب ليسألون ما الخطب ؟ يا إلهي ماذا أسمع .. أبعد هذا العمر تريدنه أن يقرأ الكتاب حتي يتعلم الحوار معك .. هل جننتي يا جدتي العزيزة .. هل أثرت عليك برامج ( تنمية الذات ) و دورات ( طرق التعامل ) التي تقرئين اعلانتها بالصحف .. << طفشت من الفصيح و بأقلب عامي << ينقالك أجل انك تتكلم من اليوم فصيح المهم قلت يا جدتي و الله اني طول فترة تواجدي عندكم أني أحسدكم على تعاملكم مع بعض و أنتم اللي تعطون دروس للأزواج في المودة و التآلف و الرحمة .. و كل كبار السن المتزوجين الآن هم مدرسة و مثال حي يحتذي بهم في التعامل الراقي المهم كل الكلآم اللي فوق مقدمة .. و بأدخل بالموضوع دوغري .. عندي نصيحة لكل فتاة مقبلة على الزواج .. إياك و أن تقطعي علاقتك مع صديقاتك أو تتوقفين عن ممارساتك اليومية قبل الزواج من انترنت و أو قراءة كتب لأنك حتماً بعد شهرين من الزواج ... ستضطرين للعودة لها .. لأن زوجك بيسحب عليك و سيعود هو لأصدقاءه و لجلساته خارج البيت .. أنا أصنف العلاقة بين الزوجين في هذا الزمن أنها علاقة ( تميلح ) كلن يريد يظهر للثاني الشي الحسن عنه .. و بعد فترة كلن يبان على حقيقته و تبدأ المشاكل أما الأزواج سابقا .. فهو قد لا ينطق كلمة ( الحب ) كثيراً .. لكنه يشعر بها و أفعاله تدل على ذلك فاقد الشئ لا يعطيه ( يقصد نفسه ) .. لكن من جد لما اقارن بين زمان و الآن .. ألآحظ أن الطلآق الآن أصبح بكثرة و العجيب أيضاً أنه لأسباب تافهه .. اترك لكم المساحة لابداء وجهة نظركم
|
07 May 2011, 11:45 PM | [ 2 ] | ||||||||
|
رد: أبي أتزوج
فقدان القناعة هو أحد أسباب الطلاق أصبح للشاب نظرة خاصة للمرأة .. يريدها كاملة ! وكذلك عدم الاستخارة والاستشارة .. أما بالنسبة لعودة الحياة كما كانت قبل الزواج فهذا حل أمثل للابتعاد عن المشاكل حتى لا تتذمر منه ولا يتذمر منها الله يعطيك العافية عادل .. ويخلي لك جدك وجدتك .. |
||||||||
|
|||||||||
08 May 2011, 01:09 AM | [ 3 ] | ||||||||||||||||||||||||||||
عضوة متميزة
|
رد: أبي أتزوج
ألاحظ إن الرجاجيل يبغون يسيطرون ع البنت لدرجة البعض يحاول يقنعها تترك النت بأعذار واهيه يعني يبغى يكون هو محط اهتمامها وتسحب ع العالم وكل شي تعودت عليه عشانه وبالأخير مثل ماقلت بيروح لأصحابه وبيدش النت وبيسوي اللي يبي وهي مسويه فيها تدلعه وتنفذ رغباته ع حساب نفسها أما الصديقات هم أحلا شي بالحياة حتى الزوج يغار منهم ووده حرمته مايكون عندها صاحبات ليه ماأدري والغبية اللي تبيع علاقاتها عشان زوجها أوكيه يترك أصحابه قبلي وذيك الساعه يقولي اتركي صاحباتك < عندها نظام أنفذ أوامرك تنفذ أوامري عطني وأعطيك أسحب علي بعيفك نفسك خخخخ حلو تكون الحياة موزونة تعطيه اللي يبي بحيث مايتجاوز هالشي راحتها وميولها ورغباتها وهو يعطيها اللي تبي بدون مايحاول يتملكها ككل مايصلح يطمس شخصيتها ويخليها تمشي ع كيفه بقوه لكن وين اللي بيفهم وحده الله يستر عليها < ماتقصد أختها لو حست إن زوجها مو متقبل فلانه من الناس تقطع علاقتها فيها لدرجة ماتكلم أحد وهو موجود ليه لأن حضرته يتضايق إذا صارت تسولف مع أحد وهو موجود لأن هالشي يحسسه إنو مو مهم بالنسبه لها ووجوده كـ عدمه وخدش لكيانه والجريمة الكبرى لو هي كانت بالمطبخ والغداء ماخلص بدري تجيها حالة نفسيه لو حصل بيوم جاء وشافها بالمطبخ 8 سنوات متزوجته والاخ ماعمره دش وهي تطبخ أو مشغوله بترتيب توقيت الطبخ ينتهي قبل وصوله بوقت كافي عشان تستقبله بدون ريحة طباخ أووووم العذاب كذا ماأرتب قدامه ماأطبخ قدامه واللي يقوله هو الصح حتى لو يقول حرمة الجيران مزعجه وماعندها أسلوب في المسايير تلاقيها تقول إي صادق حتى انا اتضايق منها مزعجه أهم شي ماتعانده لأنه عصبي وحرام يتأزم نفسياً >طيب اللي يموتون بالعناد مثلي وش بيسوون أنا أتوقع أي رجال عصبي بيكون محظوظ لأن الحرمة بتراعيه أكثر وبتحاول إنه مايعصب قدر المستطاع فـ اللي لاحظته إن الرجاجيل يحبون يدلعون أنفسهم ع حساب الحرمه والحرمه شي طبيعي بتدلعه وبتتوهق لأنها مابتقدر تغير تعاملها معه بعد وقت من الزواج لأنه بيقول قصرتي معي خاصة إذا هي عودته ع طقوس معينه عشان كذا أنا بخالف كل أبو نصايح العالم وبدال ماأدلعه بخليه هو يدلعني ويمكن أمنعه من النت وأخليه يترك أصحابه والديوانيه ينساها ويستقبلني لاجيت من أي مشوار ويودعني لاطلعت وأهم شي مايهاوشني < ودها تحس بشعور الرجاجيل اللي حريمهم يدلعونهم وينفذون أوامرهم ورغباتهم عادل من بعد اسحب البطانية وسكر المكيف ببيت جدك الله يخليه لك لاتستانس حتى بعد الزواج ممكن تصحيك الحرمه بصوت مزعج مو كل الحريم يتقنون فن الهدوء وعدم التنكيد خخخخ تذكرت سالفة تضحك واحد كان ابوه مدري امه تصحيه للفجر بزنوبه تضرب فيها رجله وهو بعز نومه لان نومه ثقيل وكل يوم يصحى ع روعة ويتخيل الزنوبة تضرب فيه اكثر شي كان يتمناه حرمه تصحيه بصوت خافت وبهدوء يعني حلو الحرمه تعرف نقطة ضعف الرجل وتحاول تكتشف الاشياء اللي كان فاقدها وتعززها لكن ماتكون ع عماها وتدلعه بقوه بقوه لدرجة الجنون لانه بيخرب عليها عشان مايحس انه شي مفروض لازم يحس انه شي مو كل وحده تسويه ولايكون ع مدار الساعه عشان يكون فيه ساعات فاضيه مفروض هو اللي يبادلها العطاء فيها يوم تدلعه ويوم هو يدلعها واذا مادلعها تخفف الدلال عنه عشان تخليه يتعود ع نظام مثل ماتبيني أدللك لازم تدللني بعد لكي لاأشعر بالنقص وإن الاهتمام بس مني ولا أطفش ولا هو يطفش لأن العطاء بيكون متبادل < الله يعين اللي بيآخذها / طولت بقوه بس مو مني من المواضيع اللي اقراها والنصايح اللي أتلقاها ع مدار شهرين كاملين شكراً عادل ويبقى الحوار فن لابد من اتقانه بكل اريحيه وصراحة بين الطرفين للحفاظ ع حياتهم وكل شخص يعرف شنو له وشنو عليه مو يدشون للحياة الزوجية ع عماها ويتخيلون كلها وناسه وأي موقف ومشكله ينهارون ومايقدرون يواجهونها " |
||||||||||||||||||||||||||||
|
|||||||||||||||||||||||||||||
08 May 2011, 01:17 AM | [ 4 ] | ||||||||
عضو متميز
|
رد: أبي أتزوج
والله يا حبيبي عـادل كل من مغط طوله قال أبي وحده طخمه تقط الطير من السماء تجيك البنت فل اوبشن جمال لكن باقي المواصفات سياحي و كثير من الشباب يتزوجون تحت دافع الحرمان العاطفي وبعد ما يترع حنـان يسحب على البيت وإلي فيه و تلاحـقه مسئوليات يحـس أنه توه عليها أذكـر واحد من أصدقاي بالرياض تخرج من الثانويه وانقبل بالعسكريه وتزوج على طـول والحين بلأستراحه مع العيال يلعن اليوم الي طراء عليه يتزوج مع ان البنت الي مرتبط فيها على كلامه مالها شغل بالمسأله وانها حاطته بعيونها لكن المسئوليات والولد الي بذمته و ميزانيته ووووو اشياء كثيره بعدين يجيك الواحد متخرج من الجامعه او عمره 27 او 28 ويتزوج وحده عمرها 17 او 18 بالكثير بالله خلنا نكون صريحين وش الموضوع الي بيجمع إهتمامات الأثنين مستحيل تحصل تقارب حتى في وجهات النظر والي ممكن يؤدي الى مشاكل و عناد وتكبر السالفه وتطور للطلاق هذا الي عندي |
||||||||
|
|||||||||
08 May 2011, 02:45 AM | [ 5 ] | ||||||||||||||||||||||||||||
عضو متميز
|
رد: أبي أتزوج
هو يشوف نفسه صقر و هي فريسه كل ما أنتهى يحلق في السماء و هي تشوفه فارس على خيل أبيض و تبني أمآلها فيه و أكثر طموحها فيه يكون مثل (( المارد بس شبيك لبيك زوجك بين يديك )) , و كل شئ بينهم صار يحتاج إلى دفع رشوه ثمناً للحصول على شئ , و إدمانهم هو سبب كل ما أحتاج أحداً منهم يتسابقون على طرق أبواباً مواربه و إعتادت على الرشوه و مخبئين الطلب الدفع قبل القبض و من ثمَّ العوده إلى زمناً باهت يخلو من الألوان .. ما قصده ستر و عفاف و هي يمكن وافقت فالعرض دون تفكير (( صفقت العمر )) إمساكن بمعروف أو تسريحهن أول .. الحب يكون بالفعل و يصبرون على بعض ف الحلوه و المره ألحين .. الحب كلام و بثاره و مصاله يصير شئ بينهم كل أهل الحي يعرفون اللي صار , هذا اللي شفت في بعض أصناف المتزوجين >> عزوبي للحين الله يوفقك يا عادل و يوفقنا شكراً لك ,’ |
||||||||||||||||||||||||||||
|
|||||||||||||||||||||||||||||
08 May 2011, 05:21 AM | [ 6 ] | ||||||||
|
رد: أبي أتزوج
حياك الله يا عادل وأنت مشغل نفسك بالزواج تذكرني بأيام زمان والله كنت مدوخ المنتدى بمواضيع الزواجات ومسوي فيها ذاك الولد المقبل على الزواج بس بعد أول مطب تفقعت : ) وألحين ماأحب طاريه هههههه ,, ,, الموهيم الحوار بين الزوجين نادر تجده لأن المرأه قليلة السمع والرجل متكبر كيف ينجح حوارهم ,. والله الكتب لا عاد تنفع لا معنا ولا مع جدك ,. يا لبى قلبك يا عدول وحياك الله ,. |
||||||||
|
|||||||||
08 May 2011, 12:20 PM | [ 7 ] | ||||||||
مؤسس شبكة الشدادين
|
رد: أبي أتزوج
هههههههههه يا حليلك يا عادل أنت وافكارك خاصة يوم تكون خيالية أو تكون عن الزواج بصراحة اللي ذكرته فيه 80 % صح وأنت والله كنت سمح على قولة البدو وحطيتها شهرين وأنا أجزم إنها ما تتجاوز الأسبوعين بالكثير الله يزوجك المرأة الصالحة ويرزقك بالذرية اللي تفكيرهم واقعي ما هو خيالي |
||||||||
|
|||||||||
08 May 2011, 12:51 PM | [ 8 ] | |||||||
عضو متميز
|
رد: أبي أتزوج
مو سالفة تميلح حق الرجال واحلام وفارسها حق المرأة.. فيه أسباب معينه وتلعب دور مهم بالحياة الزوجيه...منها فارق العمر ووغيره....ألخ وألاهم من كل هذا مافيه وعي بالمعنى الحقيقي للحياة الزوجيه....! على فكره.. جدتك كيوت حيل هههههههههههههه تعاااااااااااملها راقي ويندرج تحت عملية الأسقاط في علم النفس ههههههههههههههههههه وبعد جيراننا بقوم تهقى بقربون حق بعض هههههههههههههه |
|||||||
|
||||||||
08 May 2011, 01:01 PM | [ 9 ] | ||||||||
عضو متميز
|
رد: أبي أتزوج
آقول ياحظ المتزوجين بس متى على الله تنتهي جمرة الصيف >> وش دخل ذي المهم ياعادل الله يرزقنا ويرزقك بالزوجات الصالحات وبث |
||||||||
|
|||||||||
08 May 2011, 01:37 PM | [ 10 ] | ||||||||||||||||||||||||||||||||||||||||||||||||
عضو مرشح للإشراف
|
رد: أبي أتزوج
و أسلم حلّ هو ( الطلاق )
شكرا ع تواجدك الطيب ( جواهر ) |
||||||||||||||||||||||||||||||||||||||||||||||||