مسابقة مركاز الطاري الرمضانية لعام 1434 هـ

السلام عليكم ورحمة الله وبركاته
مبارك عليكم جميعاً شهر رمضان الكريم
الليلة هي الحلقة الأولى من مسابقة (مركاز الطاري لشهر رمضان1434هـ).
إليكم مشاهد وحوارات الحلقة الأولى :
ـــــــــــــــــــــــــ
الطاري : ياأم طوران .
أم طوران : سم يابو طوران .
الطاري : انا بروح مركز المستهلك وابي منك تجهزين ورقة مقاضي رمضان .
أم طوران : تفضل جاهزه من البارحة .
ذهب الطاري واشترى مقاضي رمضان بمبلغ 3000 ريال وعاد للبيت .
الطاري : يا ام طوران .
أم طوران : سم يابعدي .
الطاري: ارسلي طوران ينزل مقاضي رمضان من السيارة أهي كثيره بالحيل بمبلغ 3000 ريال واقتصدوا.
أم طوران : وااااو .. وأنت صادق يالطاري؟
الطاري : أيه صادق أجل أمزح ؟
أم طوران : وربي إنك بخيل هات هات بطاقة الصرافة انا بروح أشتري .
أنت ذبحك البخل كانك مابتموت يامسكين . هب عليك.
الطاري : يابنت الحلال المقاضي كافيه والإسراف والتبذير لاخير فيهما وبعدين كم نحن ؟ ماغير خمسة أفراد بالوالدة حفظها الله .
أم طوران : أقول هات بطاقة الصرافة وإلا يدك على 5000 ريال . وين تبيني أودي وجهي عن زميلاتي وجاراتي لوشفن مطبخي فاضي . ودك تكسفني أمامهن يالطاري !!
الطاري : لا مجار عليك ! الله يخارجنا منك يا هالمره . هاك تفضلي هذي 5000 ريال .

أم طوران : ايه كذا زين لابأس . أجل انت اركب وانيتك المقرشعة والحقني أنا ووليدي طوران اسم الله عليه .
الطاري : وراكم ماتاخذون الوانيت أنا متعب ومرهق ودي استريح .
أم طوران : مابقي إلا هيه ! تبيني أنا أم طوران أركب وانيت ؟ ليه شايفني ناقه !! يارجال قوم مافيك الا العافية .
ياوليييدي ياطوران قوم وأنا امك شغل سيارتك الحلوه ، مشينا نبي المستهلك نشتري مقاضي زينه أنت السواق المحترف وأنا برتز قدام . وأبوك يمشي ورانا في الوانيت المعفنه الله لايسفهه .
طوران : سمي يمه أنا جاهز مشينا وبناخذ أختي طوره معنا ..
شاهدوا البنت طوره نايمه وتحت أنقاض المقاضي !! الله المستعان.

الطاري : يا أم طوران وين السحور ؟
أم طوران : السحور جاهز تفضل شوف السفرة اللي تفتح النفس يازوجي العزيز .
الطاري: أووووووففف وش هذا يامره !!؟ حنا ماغير خمسه افراد وهذي السفرة تكفي 15 فرد!! حرام عليك إتقى الله يا أم طوران .
أم طوران : أقول تسحر وخل عنك الهرج .

الطاري : الفطور جاهز؟
أم طوران : ايه جاهز .

الطاري: الله .. الله .. الله !!! وش هذا ؟ (وش الطاري؟!) حسبنا الله ونعم الوكيل هذا إسراف ياناس اتقوا الله .
أنظروا إلى أين وصل بهم الإسراف في نعم الله والتبذير الغير مبرر..!!
ــــــــــــــــــــــــــــــ
بينما تعالوا معي لنرى المشهد الثاني في التواضع والاقتصاد وهم حكام دوله ولديهم أموال طائلة .

وأخيراً إليكم هذا الفيديو الإرشادي من الوجه عام .

http://www.youtube.com/watch?feature...&v=1mMLsN9Plvg
[هذه الآية وردت في تفسير ابن كثير بما هذا نصه :
قال ابن كثير: (أي: ليسوا بمبذرين في إنفاقهم، فيصرفون فوق الحاجة، ولا بخلاء على أهليهم، فيقصرون في حقِّهم فلا يكفونهم، بل عدلًا خيارًا، وخير الأمور أوسطها، لا هذا ولا هذا)
ـــــــــــــــــــــــــــ
سؤال الحلقة الأولى:
ــــــــــــــــــــــــــــــــــــــــــــــــــ ــــــ
( أذكر الآية ورقمها واسم السورة ؟ )
ــــــــــــــــــــــــــــــــــــــــــــــــــ ــــــ

الله يوفقكم ويرزقكم

مشكور اخوي الطاري

شكرا بحر العيون

تم إرسال الجواب

..................................زز

موضوع أكثر من رائع
إن كان حوارات أو مقطع
تبارك الرحمن من جد إبداع
+ تم إرسال الإجابة للأخت بحر العيون

قد انتهت الحلقة الاولى

وشكر لمن شارك معانا

اووووووووووووووووووووووووووبس

نسيت المسابقة

يالله خيرها بغيرها

بكرة باذن الله

فالكم التوفيق ان شاء الله

شكري وتقديري

موفقين خير يارب
للاسف ارتباطات ولا يمكن المشاركه بأي مسابقة معكم لكن
متابعة لكم جهود تشكروون عليها

حياك الله أختي
بحر العيون
والله يعافيك ويبارك فيك
ويكثر خير شاعرنا الطاري ما قصر

ونتمنى للجميع التوفيق والسداد

تم الارــــــــــــــــــــــــــــــــــــــــــــــ ــــــــــــــــــــــــسال