آخر 10 مشاركات |
مختارات | لا تبع يومًا صالحًا بيوم طالح |
11 Dec 2012, 11:56 PM | [ 61 ] | ||||||||
|
رد: مدونة بنت الطنايا
فارسه منوره يابعدي ياهلا والف ثاني مره خلي مرجيحتس هناء نتونس به ههههه منوره |
||||||||
|
|||||||||
11 Dec 2012, 11:57 PM | [ 62 ] | ||||||||
|
رد: مدونة بنت الطنايا
جـعـل الـسـحـاب الـلــي قـنـوفـه مـرامـيـس يمـطـر عـلـى روحـــي ويـسـقـي ضـمـاهـا ويــبـــل ريـــــق الـــلـــي طـــوتـــه الـهـواجــيــس يــــــــا بــــعــــد رغــــبــــات الــنـــفـــوس وهــــواهـــــا مبطي عـن علـوم المطـر والعواسيـس والــــــــــــشــــــــــــدة لـدار بــــــــعــــــــيــــــــد مــــــــــــداهــــــــــــا والـــــبــــــرد والـــــرقــــــدة بــخـــمـــســـة بـــرانــــيــــس يــــــــاحـــــــــي طـــــاريــــــهــــــا ولـــــــــــــــــذة دفـــــــــاهـــــــــا يــهــديــك يــاحــظــي ويـلـعــنــك يــــــا أبــلــيــس هــيــضــت روحــــــي لـــيـــن جـــاهـــا بـــلاهــــا لــيــت الـبـشــر مـايـجـرحـون الأحـاســيــس أو لــيــت طــيــب الــنــاس يـغــلــب رداهـــــا أضيـق مـن شـوف المـدن والدواعـيـس وأقــــــــول يــــاحــــي الــســـعـــة مـــــــــا حــــلاهـــــا ودي أدوج بـخـــــــايـــــــع مـــــابـــــعـــــد ديـــــــــــــــس قـــــــــــد مــــــــــــره ســــــبــــــاع تــــــــــــدور عــــشــــاهــــا الـــبـــر بـعـيــونــي مــــــن الــضــيــق تـنــفــيــس لــــلــــروح مـــــــــن هـــــــــم الــســنــيـــن وغـــثـــاهـــا لاطرفت شمس العصر ياهـل العيـس شـــــــب الـــجــــروم الــــلــــي يــــدلــــك ســنـــاهـــا مـشــتــاق لأجـــــواء الــشــتــاء والـنـسـانـيــس والــســـيـــل لاغــــطــــى الـــبـــقـــاع وكـــســـاهـــا وأجمل عطر يسوى عطورات باريس ريــــــــح الــحـــطـــب ب ثــيــابــنــا لا مــــلاهــــا
|
||||||||
22 Dec 2012, 04:02 AM | [ 63 ] | ||||||||
|
رد: مدونة بنت الطنايا
مابقى الا القليل وابتعد عن هالمدونه رغم اني تعلقت بهذا المنتدى الجميل الا ان الظروف حكمة على اابتعاد منتدى الشدادين منتدى في قمة الذوق والاخلاق ناس تعاملهم راقي جدا احسست بالامان معهم احسست براحه معهم اشتاق للمنتدى كثير احيانا اصحي من النوم واتصفحه من جوالي عشان كذا ماقدر اشارك واجد لا ان دخولي من الجوال بس صحيح احب هذا المنتدى البنات كلهم هناء عسل ومحترمات جدا الشباب كذالك كلهم محترمين فهم عيال حمايل وقبايل معروفه ولا تهون القبايل الاخرى الكل على عيني وراسي بس اني لاحظة سعد الروقي عصبي حيل صرت اخاف منه هههههههه اما الباقي اشوفه عادي بس سعد لفت انتباهي ومع هذا يعجبني اسلوبه وعصبيته هههههه السلطان كل الشكر ياخوي لك ونعم بك نعم الشخص ونعم التربيه انسان جدا واعي ومحترم للغايه والكل طبعاااا ظروفي القادمه لا اعلم هل ممكن تسمح لي بدخول ام لا وصدقوني لو بيصير لي فرصه بدخل واذا مادخلت دعواتكم لي بتوفيق بجد بشتاق لكم >> تمسح دموعه اختكم عذاري الشمري |
||||||||
22 Dec 2012, 07:47 PM | [ 64 ] | |||||||
شاعر
|
رد: مدونة بنت الطنايا
وش نــــــوحــــــك يامره طي بالرغم انه لم يمضي على تسجيلك بالمنتدى الإ فتره بسيطه الإ انك لفتي الانتباه بمواضيعك المميزه والرائعه لن يكون الجوال عذراً لترك المنتدى |
|||||||
|
||||||||
23 Dec 2012, 12:34 AM | [ 65 ] | ||||||||
عضوة متميزة
|
رد: مدونة بنت الطنايا
لالالالالالالالا آخر مرة نشوف هالكلام .. ولاتناقششين |
||||||||
|
|||||||||
23 Dec 2012, 02:07 AM | [ 66 ] | ||||||||
|
رد: مدونة بنت الطنايا
يمه زهره خلاص >> بلعت العافيه ههههههههههههههه لا ياقلبي قلت لتس ظروف فقط وكم يوم بس وبرجع >> سر ماتبي تقوله هههههههه سعد الروقي مانوحي ياخوي ههههه وربي احرجتوني سعد الروقي المميز حضورك ومشاعرك الجميله وان شاء الله كلها ظروف وتعدي وصدقوني غصبن علي مو بالكيف اشكركم من كل قلبي على احساسكم احساس الاخوه الف شكر |
||||||||
23 Dec 2012, 03:41 PM | [ 67 ] | ||||||||
مؤسس شبكة الشدادين
|
رد: مدونة بنت الطنايا
مدونة رائعة وأكثر من مميزة بكل ما تحتويه آلمنا كثيراً والله تنويهك بالرحيل واطرائك للفراق وهذا ما لا نرضاه أبداً ولا نريده أتمنى العدول عن هذا القرار فلك هنا بيننا أرقى مكانة وأجلّ تقدير |
||||||||
|
|||||||||
23 Dec 2012, 09:13 PM | [ 68 ] | ||||||||
|
رد: مدونة بنت الطنايا
اخوي السلطان والله انا اتالم بشكل اكبر ومثل ماقلت لكم غصبن علي عاد هاليومين معكم وماندري يمكن تتغير الامور ماحنا مستعجلين نشوف وش يصير اشكركم على المشاعر الجميله عسى ربي يحفظكم ويطول في عماركم |
||||||||
29 Dec 2012, 07:19 AM | [ 69 ] | ||||||||
|
رد: مدونة بنت الطنايا
مادري وش عندي اليوم قمت استرجع بعض الذكريات وتذكرت سالفه قلت بسدحه هذا قبل 9 سنوات وبعز البرد كانت امي توها والده بنوته القعده الحين يالبى قلبه المهم امي توه له يومين وتعبانه وعندنا ضيوف المهم خلصنا شغلنا انا وخواتي وعزلنا البيت واللي مشى واللي نام يوم صارت الساعه 2 باليل وانا اطفي كل لمبات البيت ماعاد الحوش خليته لان حارتنا به شباب فا نخلي لمبات الحوش شغاله عشان يخافون المهم اني طلعت غرفتي وخليت خواتي بصاله مع امي .... المطبخ يفتح عى الصاله وشباك المطبخ مفتوح وماحسيت الا خواتي قامن يصحن طلعت لصاله وش فيه قالن حرامي حرامي عاد وكل سهوله يقلنه بوجهي وهن يقمن هجيج كل وحده منحاشه واولهم امي طارت تركض تركض الا هي بغرفته وقفلته وخلتنا احسبه تبي تفزع احد اثريها انحاشت اي مقيوله العمر ياشامان هههههههههههههههههه كل يوم بسال امي ابي اقول ليش تهربين وتخليننا بس خفت افشله ههههههههههههههههههه يابعد قلبي المهم الكل انحاش وانا ناظرة للمطخ الا وهو مع الشباك يقول هييه يمه رعب طبعا ابوي نايم بالمشب اللي بالحوش واخواني صغار مامن احد وخواتي شوي يفتحن الباب وشوي يسكرنه عليهن قلت بنات بطلع مع الباب الثاني اللي يودي لحوش الرجال واذا طولت افزعو لي طبعا انا البطله الوحيده اللي مبين اخواني وانا اعض الثوب واسوي ستعدادواركض واركض لا شعوري طيران الا انا فوق راس ابوي وقته عرفت اني محد يسبقني قام ابوي يقول وشبك قلت افزع حرامي ماشفت الا غبرته يركض قدامي يركض وطار لحوش الحريم وانا دخلت مع الباب اللي طلعت منه واجي عند خواتي قلت ابشركم جبت ابوي والله اني بطله المفروض مانحيني وسام البطوله ههههه عاد ونقوم نطل عليهم الا ابوي ماسكه بالحوش واطي عليه قال ابوي وش عندك وش تبي قال غلطان ههههههههههههههههههه يعني يبي عرب غيرنا امحق ههههههههههه سطره ابوي كم كف وانا اخذت يومين ماتحرك من قوة الركض اللي ركضته هههههههههههه هو شاب صغير عمره18 سنه ومعروف بالحاره راعي بلاوي وسرقات ومامن عقل حيل الله لايبلانا الغريب انه توظف ودخل الشرطه وتزوج السنه اللي طافت وكل ماشوفه بالحاره اتذكر موقفه واتذكر موقف امي يوم تنحاش ههههههههههههه ياقلبي يامي ماعنده قلب وكل يوم قاعد على باب البقاله لا مني جيت من عنده تصكني الضحكه على موقفه الله يذكره بالخير حرامي لطيف اشوى انه ماضر احد منا يازين الذكريات وقت هاصبح |
||||||||
29 Dec 2012, 07:48 PM | [ 70 ] | |||||||||
عضوة متميزة
|
رد: مدونة بنت الطنايا
|
|||||||||
|
||||||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|