يَا مَا حَلا وَالنَار يِضوُيْ لَهبها

ماشاء الله تبارك الله

صور وقصايد وعلوم طيبه

ابشروا بالخير ان شاء الله

( اصلن عادي البر مهاب زين )

.






اذبحوني دون ذا الادمي الله يستر عليه





ترقبوا المزيد الفريد الجديد


.

.
.

# حيَّ هَلا بكْ يَ ابنْ جَبريْ تسلَّم يمنَاكْ وَ لاهِنتْ
عَلىْ مَاجِبتْ وَ نترَقَّبْ جوُدكْ وَ كَرمكْ ’

حزم"ن" خلا مدهال ريم"ن" ليا حاز =إليا جفل . . من مرتعه فيه حازي
خشف"ن" يرب القفر مع كل محواز = مايدهل إلا عارض"ن". . مايهازي
زهور نبته . . تقول سجاد شيراز = ومويا الخباري مثل صاف القزازي
ونشب نار الكيف لرجال"ن" عزاز = كيف"ن" . . مفقد مايجيله موازي
والصبح نبدي في حجا . . كل مكراز = في العاليات النايفات . . النوازي
عن صافق الريح . . انتحرز تحراز = وأهل الولع تعرف . . دروب المغازي

.

.
.

يازينها لاقيل شبوا الغراميل = واركوا على النيران صفر الدلالي
وابنوا خيامٍ مثل روس المصاطيل = منها تصاغر شامخات العوالي
وتليموا طاب السهر والتعاليل = وهاتوا العلوم الطيبات الجزالي
وصَفوا القلوب من الغثا والغرابيل = وتمتعوا بالبر والعمر بالي
في راس طعسٍ حاير بجاله السيل = بأرضٍ خلا بأقصى النفود الشمالي
ماداج فيها راعي الفطر الحيل = ولا رعووها مالكين الحلالي
صورت حال مولع البر بالحيل = لاقيل ضفوا العفش عقب الزوالي

.
.

.
.

















أمطري يـَ ( المملكـه) وأرعدي !
و إغسلي كل الشوارع من بقايا الأتربه ?
و أمطري أكثر و أكثر ..
و لو سمحتي يا سحابه ..
دوري على كل البيوت و إغسليهم بيت بيت ..
و إن حصل و شفتي قلبٍ من همومه إنفطر ..
ما أوصيك يا سحابه ؟
إغسلي قلبه و خلي حزنه ينجلي ..
و إن شفتي بسمه في شفاته إرحلي .....
بعدها بتلقينه ساجد يدعي ربه ويشكره ....
آه يا حلو المطر يرسم البسمه في الوجيه ....
و ينجلي هم الصدور ....
أمطري يـَ ( المملكــه )

.
.

متى على الله تبتدي رخصة الطير = وعقب الرباط يصف ريش القرانيس
والمزن بالمنشأ نشوفه مزابير = والبرق تالي الليل مثل المقابيس
أبي إليا قالوا مشينا على خير = والراي شدوه العيال المدابيس
وتواعدوا عقب العتيم المناعير= مسرى تحت داج الظلام الغطاليس
ربع لهم عندي معزه وتقدير = مدلهين اللي بقلبه هواجيس
وافين باللزمات ماهم مثابير = شيالة الكايد إليا دنق الهيس
يبون من خشم المسمى محادير = نشمل إلى لوقه ونجنب الى التيس
لاوقفوا بأرض"ن"بها أثرة وتأثير = وفكوا براقعهن حرار"ن"فواعيس
والطير تل وشافهن بالعثامير = الخرب كوبر والطباين مفانيس
وأعلق به اللي مزر الريش تمزير = اللي مخاليبه سواة الدبابيس
واللي تروح طيار ما عينت خير = شيهان نكسها على القاع تنكيس
نادر بحر ياخذ عليها مشاوير = ماهو بوكري"ن"يهاب الدماميس
وإليا تلافوا بالمعشى مناعير = في خايع"ن"جرمه سواة الكناديس
وشبوا وقادوا للسوالف تعابير = النجر يلعي والمباهر متاريس
خفاف النفوس رجال ماهم مثابير = ولافيهم اللي فيه كبر"ن"ولا فيس
وجوهم يبون الكيف ربع"ن"مسايير = قا لوا علوم الربع قالوا عواسيس
نذكر لكم جول"ن"رثعنابه عصير = حازن من الخبه يبن الطعاميس
في ماقع"ن"عقب المطر مابعد ذير = تومي بنواره هبوب النسانيس
والصبح مدوا للحراوي مداوير = وطاحوا بجرتهن جداد ومداريس
وحثوا بهن بالخور مثل الطوابير = وتزارقن قوع الشجر والمتاريس
وتنهض اللي كن عينه سنا الكير = قد ذوقوه من الثنادي تلاميس
والخرب قام يحوز دون المعاشير = وز ته وطار الريش مثل القراطيس
ومدوا عليهن مبهمات المواصير = شغل الفرنج مقولمات النواديس
وصادوا و وفقهم ولي المقادير = واهل الوكارى ربطوهن مفاليس
هذي حلاة الصيد وقت المخاضير = وبعض الصقاره يالنشامى مطاريس

الشاعر:بدر الحويفي

.
.

# يَاشيِنكُمْ وِْشْ هَالتَحطيِمْ هَذا . . ؟!
وَ يِنقَالْ إننَا موُسِم صيِد وَ ربيِع وَ فلَّة حجَاج

يا ما حلا قفرن بذيـك المساحـات = في عزلتن صمدا غطاهـا النباتـي
من بين زرنوقن وسهله ورضمات = فيها الغويلب تحت ظـل الصفاتـي
مرباعها خشم الضلوع الطويـلات = والا المقيـض بسهبـن واسعاتـي
ملعابها في عثعثن ما بـه الشـات = ما به سوا الضبعه تلوفـح وتاتـي
اليا انفجت من دون دعبن وصمدات = يسطـه القرنـاس بالصايـداتـي
يدحرجه بالقـاع لفعـن وخطمـات = يشتالهـا باكفـوفـه المحكمـاتـي
تبي السلامه مير ما من سلامـات = الطير جـا لـه كالريـاح العواتـي
حرن تربى بالضلـوع العسيـرات = في راس لولاحـن يحـوم ويباتـي
في شوحتن باقصى النجود البعيدات = من فوقه نسـور الخـلا حايماتـي
تهفي عليها لضـوا الفـي ميـلات = وقت الغروب بهضلـة السارحاتـي
في خايعن تغشاك فيـه المسـرات = كـل الشغايـا حولهـا معشبـاتـي
عثاعثن بيـن الشجايـر مريحـات = لشعلت من جرم الحطـب يابساتـي
وادنيت ثنتين المحاديـب سفعـات = مهيله واخـرى القرنفـل شهاتـي
واخذت لي في عسعس الليل تكيات = مع رفقتن مـا يتركـون الصلاتـي
خوة سنع ما به خمـال وتفاهـات = ارشاد وشعرن مع مزوح وحجاتـي
ايدامنا صيـدن طبيـخ وشويـات = ومنامنا من بين جـرف وحصاتـي
ما به حسيسن من تناكيد الاصوات = ما غير نسمات بشجـر عازفاتـي
نرقد مريحينـن ولا فيـه ضيقـات = تحت نجومـن بالفضـا ساطعاتـي
صرنا هشاشيلن على كل وجهـات = العصر والا مـع خطـاة السراتـي
نطرد ورا الصيده وسيلن بنجعـات = طبع الولع ما له طبيـب ودواتـي

.
.

.
.




صَبَاح الخيِر آلْ هُنا كَّمْ صوُرَّة لأمطَارنَا يَوُم الإثنيِنْ
لا تدققوُنْ تَرىْ تصوُيِر آيفوُنْ وَ مَاكتبتْ حُقوُقْ
عَ الصُوَّر وَ لا شيْ آللهَّم صغَّرت الحَجم