قصة المرتعد مع الشمري

تقول السالفة ان "صياح المرتعد "وجماعته من ولد سليمان من عنزه خرجوا في غزوة لهم ومروا على بيت رجل من شمر يقال له "مطير الحمزي السويدي" ولسوء الحظ كان رب البيت غائبا فرحبت بهم زوجته وقدمت لهم القهوة ،ومضت تبحث لهم عن طعام فلم توفق لذلك لضيق ذات يدها وغياب زوجها



عند ذاك شعرت المرأه الاصيلة بالخجل من ضيوفها وجعلت تبكي حياء منهم ولما بصر بها صياح سألها عن خبرها فأنبأته ،فجعل يهون عليها الامر ويعتذر لها عن الاقامة لانهم على عجل وكان قصده عدم احراجها ومضي هو وجماعته ولما عاد الحمزي الى بيته واخبرته زوجته بأمر الضيوف واسم كبيرهم قام الى ناقة اثيرة عنده ووسمه بوسم لصياح المرتعد واشهد قومه على ذلك ومرت السنوات وانجبت الناقة وتكاثر ولدها وكان الحمزي يسم كل نتاج للناقة بوسم
المرتعد وبعد مدة طويلة جمعت الايام صياح المرتعد بالحمزي الذي سلمه الابل كلها قائلا :

يالمرتعد واجبك حق وصايب=حق على اللي يفهمون المواجيب
وسمتها بحظور كل القرايب=ذبيحتك يامنقع الجود والطيب
لو مابغينا ماعلينا غصايب=لاشك ضيف البيت له حق ومصيب
يفداك منهو ضاري للسبايب=لا ضاق علق بالمعزب كلاليب
جمالة ياشوق ضافي الذوايب=وذي عادة الطيب بستر المعازيب

فقبل المرتعد بأخذ ثلث الابل ورد البقية للحمزي قائلا

الطيب في وجه المشبب وهايب=وطيب الفتى من عند ربه مواهيب
ثلث لنا وثلث لبيتك حلايب=مقسوم بين الضيف هو والمعازيب
ومعزبتنا يافتى وانت غايب=نشمية تسوى كثير الرعابيب
من جرب الدنيا يعرف النوايب=تراه ماينشى ولايذكر العيب
واللي يسب لشبعة البطن خايب=أصل القرا ..البن هو والتراحيب

يعطيك العافيه اخوي بندر النايف
على القصه الطيبه
اللي تدل على اكثر من معنى منها الكرم والستر ورد المعروف والشيمه عند العرب

حياك الله يا سيدي وصدقت والله

وشكرا لمرورك

يعطيك الف عافيه يابندر

على هالقصة التي تحمل صفات العروبه

واكرام الضيف وشيم العرب

اطربتنا والله


تحياتي وتقديري

حياك الله يا أمير الحمادين

وشاكر لك مرورك الكريم

اخوي بندر

يعطيك العافيه على القصه والقصيدة الرائعه بالفعل 0 سلمت يمينك ولاهنت

الله يسلمك وشاكر لك مرورك الكريم يا أبن مهرس

عز الله أنه رجال ووراه حرمة سنافية

الله يرحمهم جميع
وهذي علوم الأولين يازينها


يعطيك العافية يابعدي وسلمت يمينك

ما عليك زود نيابه عنهم

وشكرا لك ولمرورك يا حاتم

الله يعطيك العافيه اخوي بندر على القصه اللي توضح الكثير من الاخلاق العاليه التي اصبحت فانيه في وقتنا الحالي
تقبل مروري