صهيون صاروا في زمنا مناعير

اشوف لي حاجات فوق التصـاوير=من هولها دمعي على الخــــد راجي
عــــلو عـــلينا آكـــليـــن الــخنازير=عبادة الاوثـــــان وصـــــلو افـــواجي
بالـقدس دايم يحـملون الصواطير=ويذبــــحون الشعب مثل النعـــــاجي
فعيونهم صرنا ســــوات العصافير=وفـــــــعيوننا مثل البحر اذا هــــاجي
صهـــيون صارو في زمنا منــاعـير=واخـــــواننا صارو سوات الــــدجاجي
خمسين عام ولا حصل فيه تغيـير=نستـــــنكر ونشجب ولابه خــــراجي
هم يقصبون اخــوننا ظهر واعصير=والعـــــــذر ارهابي وفالحــــد داجي
نــــــسوي تجمع والحصيله تقارير=والشعب يحذف بالحصى والزجاجي
وبأرض العراق ايغــــصبن الغنادير=ياقــــــل من عرضه بهالشعب ناجي
هذي حــــريه بوش مع توني بلير=جابولكم دائن ومـــــــــــــاله علاجي
وزداً عـــــــــليها جابو السم تصدير=جابولكم بلواً تجـــــيــــــب ارتجاجي
حشيش وحبوباً وهـــدماً بقصدير=هروين مــن فعله ترى العقل ماجي
ليا صـــار مجنوناً على ويش بيغير=يبــــيع حتى العرض وسط الحراجي
وامور مبغى ذكرها وعارف اتـصير=قـــولو معي يالــلــــه منها الخراجي
ماشفتو انصلي نبي ينــزل الخير=نبـــي المطر رحــمـه تجينا العجاجي
رباً خلقنا عــنه رحـنا مـــــــــدابير=فالبنك والمعرض اوســــــط الكراجي

قصيدة جزلة
من شاعر مبدع
صح لسانك مليون ولايسدون
ولاهنت

مشكوره على مرورك
يابنت النشامى
والله يحفظك

صح لسانك واعتلى شانك


اخوي لاهنت

		المشاركة الأصلية بواسطة : اقتباس
	صهيـون صـارو فـي زمنـا مناعـيـر واخواننـا صـارو سـوات الدجـاجـي

خسئوا ورب الكعبة
،’
صح لسانك واعتلى بالخير شانك
لااااااااا هنت شاعرنا

.
.



يِجيِبْ الله خيِر يَ سَعد الشِعر وَ الليِْ عِند رَبكْ موُبْ بعيِد
صَّح الله البوُح وَ النَبضْ دوُماً هَامَّة قافُكَ مُعتَليَّة لـ السَحَابْ
لاَهِنتْ عَسَاكْ عَ القوُهـ ’

كفو والله يا أبو سلطان
مبدع ومتميز وراقي جداً
وما هو غريب عليك كل هذا العطاء
لا خلا ولا عدم يا البناخي

شاكر
مروركم

جميعاً

حفظكم

الله

	يـالـله مـنهـا الـخـراجـي .......اللهم آمين

سعد الروقي
صح لسانك وعلا شانك
وعسى الله يصلح الحال والأحوال
تقبل مروري
دمت بخير ,,,

صح بدنك
ياواعي

ولاهنت

على

مرورك