عقرب الساعة يدور

اخوي ساير
صباح الخير
اعذرني على التأخير
وتقبل مشاركتي البسيطه

من هجوس اللي قبل يبدى لكم يهدي سلامه =شاعر هتان فكره مثل همال الخيالي
ينتشى حرف المعاني وانحنت للقاف هامه=عند مادندن على انغام الهجوس لها خيالي
بيض الله وجه ساير فكرته حازة علامه =ونالة الاعجاب واطربني بمنهجها المثالي
سج معها البال في قمة سكونه وانسجامه=والقلم دون على الصفحه جميع اللي طرالي
حركت في هاجسي ذكرى شجن سجع الحمامه=فوق غصن الدوح في عصر ٍ مضى ياهملالي
ذكريات اول سنين العمر قبل البس عمامه=وشيطنة طفل البدو في ذاكرة سود الليالي
مرحلة طيش الشباب اجمل عصور العمر خامه=آآآه ليت الوقت لي يعيد الايام الخوالي
قبل لا تقسى سنين العمر ويثور عسامه=يوم كان الوقت لي يضحك وانا صدري شمالي
في مرابعها على ذكرى متيهة الجهامه= انتهت لحظة خيال وترجم الواقع سؤالي
يابنوك الشعر كل ٍ كلمته كنز احترامه= عقرب الساعه يدور وقاف شاعرها ارتجالي
من رضي فالكور والسيف المحنا بالمسامه=راعي الهين حرام ينال لحظات المعالي
السنين تدور وتقربك لحظات القيامه=كل ٍ يحاسب ضميره قبل يخسر شي غالي
لا يضيع العمر كله مع ملذات الندامه= في متاهات الدروب العوج رايح جاي خالي
المفيد المختصر يكفي منه زبدة كلامه= من هجوس اللي مهومع كل طاورق ٍ يلالي

وسلامتكم

صح لسانك ملاييييييييييين يابو غايب وبيض الله وجهك

اي والله ليت الزمان يرجع شوي

وشيطنة طفل البدو في ذاكرة سود الليالي

الله يعافي قلبك ويسعد دنياك ياشيخ .


وصح لسانك مليون

بيض الله وجه تركي يوم جمل في كلامه .. وطول الله عمر رجالاً عيونه للمعالي


مالحقني شك فيكم يامواريث الزعامه .. وياعسى الأيام تبقي مثلكم ياراس مالي

هلا ياعيد
صح بدنك
شاكر لك مرورك

		المشاركة الأصلية بواسطة : وحي الألم اقتباس
	الله يعافي قلبك ويسعد دنياك ياشيخ . وصح لسانك مليون بيض الله وجه تركي يوم جمل في كلامه .. وطول الله عمر رجالاً عيونه للمعالي مالحقني شك فيكم يامواريث الزعامه .. وياعسى الأيام تبقي مثلكم ياراس مالي

صح بدنك اخوي
ساير
وصح لسانك على
البيتين اللي على الطاير

كفو والله يعطيك ألف عافية
والله يحييك وصح لسانك ملايين
شاركت وأبدعت
ونظمت وأجزلت وما قصرت

		المشاركة الأصلية بواسطة : السلطان اقتباس
	كفو والله يعطيك ألف عافية والله يحييك وصح لسانك ملايين شاركت وأبدعت ونظمت وأجزلت وما قصرت

هلا يابو نوره
الله يعافيك
وصح بدنك
يالغالي

تركي
صح لسانك وبيض الله وجهك
شاعر جزل ولايجي منك إلا كل جزل
واصل بداعك وفقك الله

اخوي/تركي الحارثي
صح لسانك وسلم بنانك وبيض الله وجهك
على التفاعل مع الفكره وعلى هالشامخه الدره الياقوتيه
لاهنت ولاهان غليك ياسنايدي
تقيل مروري وخالص تحياتي

		المشاركة الأصلية بواسطة : خيال الشدادين اقتباس
	تركي صح لسانك وبيض الله وجهك شاعر جزل ولايجي منك إلا كل جزل واصل بداعك وفقك الله

صح بدنك يابو مشعل
لاهنت يالغالي
شاكر لك عذب مرورك
لاعدمتك يالغلا