عقارب

الاخوه الاعزاء اعضاء منديات الشدادين والقائمين عليه
اسعدالله مسائكم بكل خير
اطرح امامكم هذه الابيات المتواضعه
راجيا ان تحوز عل رضاكم

ليت العقارب في عالمنا مجرد خيال=ولم يلدغ الجحر لامره ولا مرتين
كان استرحنا وريحنا القلق والسؤال=الي كتبناجوابه واستباح الانين
واتوسعت في خواطرنا من الضيق بال=وتسامحت من مشاعرنا غياب وحنين
وتفاعلت منتصف نضره بنضرة قبال=واتناقشت وين مع ممكن وممكن ووين
الى متى والمساحه ضيق والضيق طال=وادروبنا تنبض استنبات للاخرين
شعورنا حسه المرهف يبيله مجال=عشان يقضي على الاحباط في كلمتين
يااصحابنا لاقضينا الوقت روح وتعال=على امل كل رجوى مع مرور السنين
كل النجاحات في عصر الرجال ارتجال=وطموحهم باالعزيمه عسر ولا بلين
قاده وتفكيرهم ذاتي بليا جدال=واصرارهم ماشكت يسراه بطش اليمين
كانو خطاب امتلائاته بعيدة منال= يستشرف المقبله ويصحي النائمين
كانو ليا ضاقت الدنياعلى كل حال=تجاوبة ساعة العازه كفوف اليدين
يااهل السبات العميق الوضع فيه اختزال=لااحلامناوالسبب شله من الخائنين
ياليت فينا صلاح الدين ماكان جال=بحدودنا الرافضه وابلادنا الكافرين
وليت السؤال اختزل نفسه مجرد سؤال=وماكان عدنا الى الماضي بغزوة حنين
واصبح من الوعي مايبري جروح الرجال=واضحو هل الشام داخل شامهم امنين

حطاب
صح لسانك ملايين وبيض الله وجهك شاعر
جزل وفقك الله

صح لسانك ولاهنت وبيض الله وجهك

شعور يُخالط كل نبض حي .. ولكن يمحوه بعضاً من التفاؤل وقليلاً من الأمل ,
والحياة كما ذقنا حلوها لابد أن نقتسم مرها ,.

والله يخارجنا من الخذلان ,

وكلمة يا ليت ولو ماتنفع الحكاي وتفتح عمل الشيطان ,.

سر إلى الأمام يا شاعرنا فـ لحرفك لسعات إحياء لقلب كل مُدَكر

صح إلسانك مدد بلا عدد .

الله الله
يا أبو الوليد
كفو والله يا راعي المفيد وكل جديد
احسنت وبيض الله وجهك كالعادة مبدع
وصح لسانك

صح لسانك يالشاعر


سلمت ولا ندمت

تحياتي

		المشاركة الأصلية بواسطة : خيال الشدادين اقتباس
	حطاب صح لسانك ملايين وبيض الله وجهك شاعر جزل وفقك الله

خيال الشدادين
صح بدنك
تفضل بقبول فائق الاحترام

صح لسانك وبيض الله وجهك
بارك الله فيك اخوي حطاب
تحياتي...

ياليت فينا صلاح الدين ماكان جال
في اطرافنا الرافضه وابلادنا الكافرين
نعم يابو الوليد صادق ولاقلت الا الصحيح وهذا اللى ينقصنا لكن الله يجملها ويصلح الحال وينصر المسلمين الموحدين فوق كل ارض وتحت كل سماء وصح لسانك مليارات على الطرح الرايع والفكر النير ودمت مبدع
تقبل تحياتي,,,,,

صح لسانك وقصيده طيبه وفي الصميم