سكيني القشرى

الاخوه الاعزاء اداري واعضـــاء
((شبكة الشدادين الرسميه))
اسعد الله اوقاتكم بكل خير اضع بين انظاركم هذه القصيده المتواضعه
للتواصل كلي امــل ان تحووز على رضاكم...
السلام عليكم ورحمة الله وبركاته.

نفسك ليا عديتها طيب قيمه=من قيمتك ترقى الافق للتسامي
وسليمه الدنيا وماهي سليمه=وممكن تلومك ماعليها ملامي
وسقيمه اكثر من حكاية سقيمه=ونظيفه اكثر من جناب المحامي
حكيمه ان فكرت فيها حكيمه=وعديمه ان دورت درب العدامي
اليا اقبلت صوبك تجنتل وسيمه=وليا ادبرت ورتك وجه الحرامي
قديم تفكيري واحدث قديمه=وسكيني القشرى في وسط الحزامي
ودنياي يومي بالدعاوي مقيمه=دعوه ولايمكن ثبوت أتهامي
نحتاج لاكثر من تمدن بشيمه=تضبط بشرع الله حدود النظامي
وليا بدى التفكير ضارب خريمه=معناه عَذر من بلوغ المرامي
والغا حساباته بحرب وهزيمه=يهمه اكثر جا وراح الدوامي
ومال للزعيمه غير راس الزعيمه=ومال للحريمه غير راس النعامي
كل المآسي والحروف الأليمه=جنون مبدع للفقه بالتمامي
ونفسآ تواطى لاحدود البهيمه =إفطارها واجب نهار الصيامي
كل الخطوط الدايره مستقيمه=تدور ولا تعتدل في المقامي
ومن كان له شُورى ويملك عزيمه=مخدوم ماأمكن وممكن ينامي
الوحده اول ماتهد الشكيمه=ومال للحضر حاجه بوجه التهامي
كل المفاهيم انجلت بالفهيمه=وكل الشعر حب وقصائد غرامي
محصور دوره بين شمسه وغيمه=نفسه مكرر كل مافي الكلامي
(مابه رعد لابرق هتان ديمه)=ماحرك الساكن قليل اهتمامي
الشعر للاكثر قلوب ورحيمه=كل البشر بقلوب ترحم قوامي
وماقامت الغنمه ولاهي غنيمه=لافات مقسومك بشحم السنامي
ولاطاحت اللحيه يعزي نعيمه=وجه الرجل كله سلام بسلامي

وجه الرجل كله سلام بـ سلامي
,
جزل البيان وسحر الكلمة وثقافة الشعر اللآمحدودة .. أبدعت ولك فلك خاص بك في الشعر تُحاكي به كل مُفكر وتدآعب ثقافتة وقواعده .

رائع أنت وصراحة نص قوي وأعجبني كثيراً ماشاء الله عليك تبارك الله

صح إلسانك مدد بلا عدد وأسعدك الله .

رائعه جديدة من روائع جزل البيان

ابيات مثقلة بالجمال

صح لساااااااانك ملايين

تقبل مروري
معزوفة الرحيل

شاعر كبير ومتميز
وقصائدك قمة في الذوق والجزالة
جزل اسم على مسمى

صح لسانك يا أبو فهد
والله يطول عمرك

صح لسانك يا جزل البيان
على القصيدة الرآئعه

ولاهنت ولاهآن غاليك

شهادتي فيك مجروحه انت شاعر كبير ياجزل البيان
ابدعت وامتعت صح لسانك وبيض الله وجهك

سجل اعجابي

نحتاج لاكثر من تمدن بشيمه
تضبط بشرع الله حدود النظامي
.

جزل البيان قامه شعريه فذه
وشهادتنا بك مجروحه
وابداع متواصل
وفلسفه شعريه بتمكن عالي
صح لسانك
ملايييين
دمت
بخير

جزل البيان
الشعر
الثقافه
الصوره الشعريه
التمرد على المعتاد
يعلن العصيان على المفرده ليعسفها ويكتب المتميز
شكرا على امتاعنا
وتفضل بقبول فائق الاحترام

		المشاركة الأصلية بواسطة : بندر النايف اقتباس
	وجه الرجل كله سلام بـ سلامي , جزل البيان وسحر الكلمة وثقافة الشعر اللآمحدودة .. أبدعت ولك فلك خاص بك في الشعر تُحاكي به كل مُفكر وتدآعب ثقافتة وقواعده . رائع أنت وصراحة نص قوي وأعجبني كثيراً ماشاء الله عليك تبارك الله صح إلسانك مدد بلا عدد وأسعدك الله .

اخوي/بندر النايف
صح بدنك وسلمت يالغالي
شكرا على الاطراء والمرور الراقي
تقبل تحياتي وخالص الود

		المشاركة الأصلية بواسطة : معزوفة الرحيل اقتباس
	رائعه جديدة من روائع جزل البيان ابيات مثقلة بالجمال صح لساااااااانك ملايين تقبل مروري معزوفة الرحيل

اختي/معزوفة الرحيل
صح بدنك وسلمتي
شكرا للاطراء المرور الراقي
تقبلي تحياتي وخالص الود