رثائي في والدي محمد بن عطيه رحمه الله

عندما يفقد الانسان اعز مايملك فإنه لايملك سوى الصبر
مرثية في والدي الشاعر محمد بن عطيه الذيابي الحارثي
رحمه الله
.
.

ياليل انا ويّاك ياليل عشاق=اهواك وانته فالشقا مهتويني
من بيننا لمجالد الهم ميثاق=انته وانا نحميه طول السنيني
اشتاق لمسامر دياجيك لاضاق=صدري وضاق الكون كله بعيني
وتشتاقلي مادام للشعر مشتاق=يحكي معاناة الفواد الحزيني
ابوح لك بالهم من جوف الاعماق=مابحت لين الوقت بيّح كنيني
همٍ سطى واحتل مابين الاحداق=واصبحت اشوف بعينه الياس فيني
صبرت مير الصبر ماعاد ينطاق=والهم وجروح الزمن تحتويني
ياليل قلبي من عنا الوقت خفاق=واحيان من خافيه ترجف يديني
فقدت غالي والبطا زاد الارهاق=وغلاه من خلف الحنايا دفيني
وين انت يارمز المراجل والاخلاق=وين انت يالحصن الحصين الزبيني
وين انت يانورٍ على العز شعاق=وين انت ياسد الرجال المتيني
وين انت .. يابو ذياب وتشوف الاشواق=اللي ليا هب الهوى تمتطيني
مشتاق لاقبل كفوفك ومشتاق=على علومك ياهوى الغانميني
سمعتك نبراسٍ له الناس تنساق=ياكاسب الامداح في كل حيني
ياعز ربعك ياعمى كل بواق=ياستر خضّاب الشعر واليديني
على الكرم والجود والخير سباق=عون الضعيف اللي يجر الونيني
يافايزٍ بالجود عن كل رماق=تدريبك الاجواد والطيبيني
كرمك يازبن الرياجيل طوّاق=لاتمّوا الضيفان فوق السميني
كم لحيةٍ من شاربك حظها فاق=فوق الكرم محسن من المحسنيني
بأمر الولي فتّحت بيبان الارزاق=لمقدرين الجاه والخايبيني
ياعنك ماظليت للخبث سواق=ولاشمتتبك هرجة الشامتيني
وش عاد اوصّف والقلم فوق الاوراق=والوصف فـ وجيه النشاما يبيني
يابوي ترخص لك على الموت الاعناق=ويفدونك الحيين والميتيني
يابوي .. عقبك دمع الاعيان دفاق=ضاقت بي الدنيا ولا لي عويني
غير البكا والياس في وقت الاشفاق=ومنادم الذكرى بعد تعتريني
وصدق الدعا لاخرمس الليل واحتاق=حزن المشاعر والوله والحنيني
يالله ياللي تحفظ الدم لاراق=مرسل ذعاذيع الهوى والغشيني
طالبك ترحم من دعيتله بإعتاق=انت الكريم وخالق العالميني
وارسل على قبره من المزنه احقاق=وبرّد عظامه يااكرم الاكرميني
وصبّر قليبٍ حده الوقت ماذاق=طعم الفرح ومنادم المازحيني
بيني وبين اسم الفرح فرق وافراق=كيف اطعمه الحزن بينه وبيني
ياليل بان الصبح واشعاع الاشراق=استاذنك حتى وعدنا يحيني
مادام انا وياك ياليل عشاق=اهواك وانته فالشقا مهتويني

تحياتي .. بشـــير الذيابي

يا هلا والله بشاعرنا بشير
والله يرحم شاعرنا الكبير محمد بن عطيه الحارثي
ونعم الرجل والله
وسيرته الطيبة لا يزال يتذاكرها الناس بينهم
يستحق والله كل هذا الرثاء
نسأل الله أن يدخله فسيح جناته وأن يجمعنا به في الرفيق الأعلى
صح لسانك يا شاعرنا بشير والله لا يهينك يا الذيب

صحّ لسانك ، وعلا شــانك أخوي بشير ،
والله يرحم والدك ويسكنه فسيح جنّاته ، ويجمعك به في
جنّات النعيم إن شاءالله تعالى.

لاهنت أخوي وننتظر جديدك ..

اخوي بشير الذيابي رحمة الله علي الشاعر الكبير محمد بن عطيه الذيابي وصح لسانك
تقبل تحياتي,,,,,,,,,,,,,,,,

اهلا اخوي بشير

صح لسانك وعلاشانك

والله يرحم والدك ويسكنه جنات النعيم

ويحفظ لك اخوانك ومن خلف رجال مثلكم مامات

نسال الله للجميع التوفيق واسداد ودمت بحفظ الله

تحيتي لك

بشير لله درك

صح لسانك

رائعه في حق من يستاهلها

أسال الله جل في علاه أن يغفر لوالدك

وأن يرحمه ويسكنه فسيح جناته

وان يجعلك له عملا ً صالحا ً بعد مماته

وتقبل مروري وتحيتي لإبداعك

صح لسانك يا بشير .

والدك - رحمه الله تعالى - من أعظم الرجال الذين عرفتهم . ولو أطلقت للقلم العنان لكتبت له ديباجة يستحقها - لكن المقام لا يسمح - ، فأنا من الملاصقين له ، وليس الذي رأى ، كالذي لم ير .
تذكرت عند وفاته ، قول أبي تمام :

كذا فليجل الخطب وليفدح الأمر ***** فليس لعين لم يفض ماؤها عذر .

دمت مبدعا ومتميزا .

بشير الذيابي
صح لسانك , قصيدة في قمة روعة الأسلوب
وجزالة المفردة ,نسأل الله عزوجل أن يتغمد والدك بواسع
رحمته ويسكنه فسيح جناته وجميع المسلمين الحيين منهم والميتين
دمت بخير ,,,

اخوي بشير قصيدة في قمة الروعة
اسأل المولا ان يرحم والدك ويسكنة فسيح جناتة ويجمعك بة في الفردوس الاعلى.

صحت ابدانكم والله لايهينكم على مروركم الجميل
والله يرحم موتانا وموتى المسلمين جميعاً