|
||||||||||||||||||
(الدرّة) .. اهداء خاص لأحمد هزاع الحارثي
الاخوه الاعزاء اداري وعضاء ((شبكة الشدادين الرسميه)) اسعد الله اوقاتكم بكل خير يطيب لي ان اتواصل معكم باخر الانتاج حاليا بهذه القصيده المتواضعه (الدره)التي اهديها لابن اخي/احمد بن هزاع الحارثي املي ان تحوز على رضاكم والسلام عليكم ورحمة الله وبركاته سلم على اللي يطرب الشعر طاريه= يغلى هداه بغالي الدر موصوف كلا يحاول يستقي من معانيه=والاوله ماتنلحق لاي مهفوف احمد ولد هزاع من حسن داعيه=اخر هوى نفسه وقدم بمعروف من قمة المضمون لاقمت اراعيه=لادنى تفاصيله على العز مالوف لاقلت عن جده تأكد بصافيه=اعود بشموخ المعالي ملى الشوف وان قلت عن خاله خواله توفيه=الله عطاه بكل مانال مكلوف ابوه يوم اثبت قواعد مبانيه=نقاء خواله من معالي بمخلوف نقى خواله وأصتفى عرق عانيه=وماهان بالدساس لابان مكشوف يعني حسبها حسبتا تحتمي فيه=ولاحتاجها يلقى دبل طيب مردوف اسمع وانا خالك من الجزل راقيه=قولا على شانك حكمناه معطوف نصيحة الحاضرتجارب بماضيه=نقوة تجارب خال في داير الطوف اثبت على التاسيس خافي وباديه=واتعب لعلم وكون بالعلم مشغوف والدين جود في يمينك عراويه=لارضيت ربك لك رضى الوقت معسوف والوالدين الليا تمكنت ترضيه=توفيقك أكبرمن يحاذيك بصروف من دون ابوك ابرك وحملك توديه=ماتثقل الا لاتوانيت معصوف والضيف حقه منت جاهل بساميه=يقلط شريف ومايقفي بمكسوف والجار وصى به رسولك وكافيه=وغراته اكبر من يعذربك بوقوف والوقت دايم مايجاري مجاريه=ارقب سماك ولاتواطى على الحوف وخويك اللي عن تجارب تخاويه=خلك بماتعنيه يعنيك بالخوف ولاتعتصم بالي ينمق حكاويه=ولاتحتزم بلي يناديك ملقوف وقت السعه خلانك اكثر بضافيه=وقت الشدايد يختفي عنك بصفوف جنب عن اللي مايسرك بشافيه=من لايضرك مايسرك بمحذوف الوقت يابن اخي يطور بلاويه=يدويك بغروره وغرك بمأسوف وبنت الردي لوزينها ذاع جاريه=ميده يغثك تالي الوقت بالجوف يجي ولدها منقطع في مواطيه=ودك تقله مير ينحط مجروف ولك من عطاء برك والافضل بخافيه=وفي ذمتي ماتصفق الغبن بكفوف والدره اللي صاغت اسمك تغنيه=فال اولك من قدم الطيب معروف ياكثر مابالنفس من عز كانيه=بسمك يابو هزاع بالحيل مشغوف
|
10 Mar 2013, 08:10 PM | [ 2 ] | ||||||||
|
رد: الدره !!(اهداء خاص)احمد هزاع الحارثي
صح لسانك مليون ولايسدون
ولاهنت شاعرنا على القصيدة الجزلة |
||||||||
|
|||||||||
10 Mar 2013, 10:34 PM | [ 3 ] | |||||||||||||||||||||||||||
شاعر
|
رد: الدره !!(اهداء خاص)احمد هزاع الحارثي
مبدع مبدع مبدع مبدع صح لسانك حتى ترضى كل بيت يقول الزودعندي هذا ليس بغريب الغريب أنك لاتبدع الله لايضرك تقبل مروري لاعدمتك |
|||||||||||||||||||||||||||
|
||||||||||||||||||||||||||||
11 Mar 2013, 03:33 PM | [ 4 ] | ||||||||||||||||||||||||||||
شاعر
|
رد: الدره !!(اهداء خاص)احمد هزاع الحارثي
يابن خليفة ابدعت بماء كتبت ياغالي ونعم بالخال وبناخيه وان شالله ياخذ أحمد بهاالنصائح ألماسية لاهنت ولاهان راسك يالقرم لك اعذب التحايا |
||||||||||||||||||||||||||||
|
|||||||||||||||||||||||||||||
11 Mar 2013, 05:31 PM | [ 5 ] | |||||||
|
.
. وَ مسَاءُكْ قَافُ مَشبَّع بالبهَاءْ يَ الجَزلْ لله دٌركْ حتىَّ تَرضىَّ صَّح الله بوُحكْ وَ سَلِمَ بنَانكْ كمَا قَالْ عَدوُ المنَاقيِد ماسيَّة وَ أكثَّر أَنعِمْ وَ أكرِمْ بـِ أحمَّد وَ خَاله نصَائِح مٌهمَّة بِكُل مَافيِهَا # مَاسيَّة تَتعليْ الثُريَا إسبوعاً كَامِلاً وَ توٌشَّح بالتَميَّز |
|||||||
13 Mar 2013, 12:15 PM | [ 6 ] | ||||||||
مؤسس شبكة الشدادين
|
رد: (الدرّة) .. اهداء خاص لأحمد هزاع الحارثي
كفو والله يا شاعرنا الجميل والرائع والمبدع دائماً أبو محمد قصيدة في قمة الجمال والروعة والابداع ما هو غريب عليك أبداً صح لسانك ولا هنت |
||||||||
|
|||||||||
23 Mar 2013, 02:43 AM | [ 7 ] | ||||||||
|
رد: (الدرّة) .. اهداء خاص لأحمد هزاع الحارثي
صح إلسانك ولاهان شانك شكري وتقديري |
||||||||
|
|||||||||