صبراً جميل .. لملامح الرحيل

اتمنى ان ترتقي لذائقتكم
.
.

الله يبارك فيك يابنت الاجواد=دايم جميع امبادراتك جميله..
كتبتي اوصافٍ على عيد تزتاد=لكن ماهي فالزمن مستحيله..
مع دورة الايام بتزيد الامجاد=بس التميز مارضيت ابديله..
يازين يوم العيد واوقات الاعياد=ياليتها تنعاد في كل ليله..
بس الزمن للطيب بالحيل جحاد=وافراح هذا الوقت دايم بخيله..
لكن دام ان اخر الاسم شداد=ماهمني لو المسافه طويله..
عندي طموح مايجي دونه احياد=وان عاش راسي لوصله واعتني له..
بحقق احلامي وابا اكمل الماد=وانا وريث الطيب وايضاً زميله..
لكن دام الجو به غيم وبراد=تقبلي كل القوافي جزيله..
من شاعرٍ ماهمه احباط وعناد=مايبدي الا فالرجوم الطويله..
يشوش راسه دون ربعه ويرتاد=صرح بناه اللي يفيد الجميله..
من شان ياقف وقفة رجال واسياد=ولا الردي فالوقت يحسب حصيله..
وانا على الابداع بالحيل معتاد=واطعن مثل طعن السيوف الصقيله..
لكن عندي علم يالاد شداد=يمكن يزعلكم ثواني قليله..
قضيت معكم عدة سنين واعياد=وسهرت انا معكم ليالٍ طويله..
وصبرت صبر ايوب لهروج حساد=من شان خدمة لابتي والقبيله..
واليوم جانا عام وايامٍ اجداد=ويمكن عيد الشعر يعلن رحيله..
لكن يبقى المنتدى صرح الامجاد=شامخ ونوره ماطفى كل ليله..
واختامها يالربع عندي خبر جاد=ياحظ من له مثل ربعي قبيله..

.
.
اخوكم الغربي

عيد الشدادي

صح السانك مليون جزله من راس جزل ياغالي
ويستاهل ابوعبدالله
والصرح اللي ترتاده ياعيد يفخر بك وبتواجدك ياسنافي
ورحـيــل مانقبله منك فانت احد اركان هذا المنتدى
اعذب الود

		المشاركة الأصلية بواسطة : رمح الشدادين اقتباس
	صح السانك مليون جزله من راس جزل ياغالي ويستاهل ابوعبدالله والصرح اللي ترتاده ياعيد يفخر بك وبتواجدك ياسنافي ورحـيــل مانقبله منك فانت احد اركان هذا المنتدى اعذب الود

هلابك يارمح الشدادين

صح بدنك ولاهان راسك ياطويل العمر

والله يكتب اللي فيه الخير

اخوي الغربي
قصيده جزله من شاعر جزل
وصح لسانك ولاهنت

		المشاركة الأصلية بواسطة : ابوعبدالله العواضي اقتباس
	اخوي الغربي قصيده جزله من شاعر جزل وصح لسانك ولاهنت

حيااااااااااك ربي يابو عبدالله

وصح بدنك

لاهنت

بس الزمن للطيب بالحيل جحاد
وافراح هذا الوقت دايم بخيله
وانا اشهد انك صادق ومتالق وشاعر متمكن قصيده جزله من شاعر جزل صح لسانك مليارات يابو عبيد والله يعطيك الف عافيه
تقبل تحياتي,,,

الإنسـان تتبـدل ملامحه بـ حسب مراحله العمريـه
وكذلك الرحيـل ربما يتبدل لـ عوده
ولكن الرحيـل المـر ماكان رحيـل بلاعوده للجمـيع
صح لسـانك ملايـين ولاهان شانك
بيض الله وجهك
لاهنت يامراقبنا

واليوم جانا عام وايامٍ اجداد=ويمكن عيد الشعر يعلن رحيله..
لكن يبقى المنتدى صرح الامجاد=شامخ ونوره ماطفى كل ليله..
واختامها يالربع عندي خبر جاد=ياحظ من له مثل ربعي قبيله..

.
عيد
صح لسانك وبيض الله وجهك
شاعر ومتمكن من تسطير جزل القصيد.

صح إلسانك ملايييين ,, والنعم بالاد شداد

ابدعت بالقصيده رائعه جداً كابداع شاعرها
بيض الله وجهك


دمت بود

يازين يوم العيد واوقات الاعياد
ياليتها تنعاد في كل ليله ...
~

صح السانك ياعيد
عجبتني بالحيل القصيده وبيض الله وجهك

ولاهنت