كلّي في حراك

أبيات متواضعة أتمنى أن تنال استحسانكم

ارخصتلك قلبي وصرنا لك فدا = انت الوحيد اللي تسببلي هواك
من اول في البر في برد وندا=والا هجير الصيف لاحد الهلاك
هوايتي في الصيد وأبدي مابدا =واليوم ماغادر وكلي في حرآاك
هملت أنا طيري وذودي لو غدا = ماني بمثلي قبل مانكسب رضاك
إجهد على مطلوبي لا يذهب سدا = ابا اتكافح داك من بلسم دواك
ماعاد لي حيلة ولا فيّه جدا = لو كان ترويني يعاودني ضماك
اسمك مابين الناس يسمع له صدا= يا نادر بالحسن مدري من ملاك
أنت الوحيد اللي له القلب اهتدى = كنك لحالك في الزمن محدٍ معاك
يطربك الهاجوس لامنّه هدا = ويجر طرق الحب والمعنى علاك
أنشهد ان الحب ألد من العدا = لاكاد لك وقته وهو ميت يبااك

وسلامة الجميع

الله الله
وهو ميت يباك .. ميت يباك !!
صح لسانك
.............................

		المشاركة الأصلية بواسطة : الطاري اقتباس
	الله الله وهو ميت يباك .. ميت يباك !! صح لسانك .............................

حياك الله يالطاري
سعدت بمرورك وصح بدنك
ودمت بخير ,,,

يا هلا والله وألف مرحبا بشاعرنا العزيز
أبو عبدالله

منوّر المنتدى بعودتك يا بعدي
والله يحييك وبكل جديد ومميز
وأنت راعي الجزال أول وتالي
والله يبيض وجهك

صح لسانك
لاهنت على القصيدة يا شاعرنا

صح لسانك وبيض الله وجهك
مبدع لاهنت

.





سُلطانْ القَافيّة وَ عوُدة بـِ غزليّة مُترنِحّة وَجداً وَ جوُداً
وَ إِنسِكابُ فَاتِنْ وَ كأنهُ إِنهِمار العذبْ الزُلالْ منْ رَحمْ غيِمةُ طَاهِرة
الواعيْ سُلطانْ ..تَحيّةُ تَليِقُ بِـ/ هذا التفرُد وَ الجمالْ
صّح الله منطوُقكْ وَ سَلِمْ إِحساسُكْ .

# حيثُ الغيمْ عُلِقّتْ وَ بـِ / التَميُز وِشِمّتْ

هلابك واعي ماشاء الله تبارك الرحمن
قصيدة ابياتها رائعه وحضور مميز طاب الحضور والتميز ونطمع بالمزيد من ذائقتك

		المشاركة الأصلية بواسطة : السلطان اقتباس
	يا هلا والله وألف مرحبا بشاعرنا العزيز أبو عبدالله منوّر المنتدى بعودتك يا بعدي والله يحييك وبكل جديد ومميز وأنت راعي الجزال أول وتالي والله يبيض وجهك

الله يبقيك يابو عبدالله
وينور حياتك بطاعته ولا عليك زود
علومك غانمة ووجهك ابيض , سعدت بمرورك هنا
ودمت بخير,,,

		المشاركة الأصلية بواسطة : ضياء القمر اقتباس
	صح لسانك لاهنت على القصيدة يا شاعرنا

حياك الله ضياء القمر
ولاهنتي , سعدت بتواجدك هنا
دمتي بخير ,,,