إرفع جروحك

إرفع جروحك عن نصال الخناجر =نزفك عزيز ومثلك النجم لاطاح
ولاتنحني للريح والذل فاجر =والخوف ساس الذل والغبن ذبّاح
مادام لك عن خفضة الهام زاجر =إمّا إنكسر ولا تعدّاك الارياح
ماإنته بعشبٍ نابتٍ وسط حاجر =ولا إنته شراع التيه والوقت ملاّح
إنت الّذي باسمك تضيق الحناجر =لو إنطقوا بك همس .. سمعوا بك صياح
تقفي وكن الحرف للحرف هاجر =وتقبل وقلب الصخر بالشعر بوّاح
ولا من رمى صبحك عباة الدياجر =ثم إنتهض ما شع بالنور مصباح
إرفع جروحك عن تراب الخناجر=نزفك عزيز ومثلك النجم لاطاح

بدر بن عبدالمحسن

اختيار القصيدة رائع جداً
مشكور أخوي
ولاهنت

		المشاركة الأصلية بواسطة : بنت النشامى اقتباس
	اختيار القصيدة رائع جداً مشكور أخوي ولاهنت

حياك الله بنت النشامى

العفو ولاتهونين

برق الشدادين
تشكر على حضورك ومشاركاتك
وعلى جزالة نقلك المفيد.
ﻻهنت.

		المشاركة الأصلية بواسطة : خيال الشدادين اقتباس
	برق الشدادين تشكر على حضورك ومشاركاتك وعلى جزالة نقلك المفيد. ﻻهنت.

يسعدني مرورك الرائع الغالي ابومشعل ولله يعطيك العافيه والصحه ولاتهون

هلابك برق الشدادين وهلا بجديدك والله يسعدك

		المشاركة الأصلية بواسطة : نورة اقتباس
	هلابك برق الشدادين وهلا بجديدك والله يسعدك

يسعدني مرورك نورة ولله يعطيك العافيه والصحه

كفيت ووفيت وما قصرت
يا أبو مسلط
والله يرفع قدرك ويبارك فيك
على تواجدك الأكثر من رائع هنا

		المشاركة الأصلية بواسطة : السلطان اقتباس
	كفيت ووفيت وما قصرت يا أبو مسلط والله يرفع قدرك ويبارك فيك على تواجدك الأكثر من رائع هنا

ماسويت الا الواجب وهذا مثل البيت الثاني لنا

وقدرك يارب ويبارك فيك ابوعبدالله

الله يعطيك العافيه والصحه على المرور المميز

عسى ما ننحرم جديدك
ربي يحفظك ويسعدك وين ما كنت
سلاااامي مع ارق التحايا