|
||||||||||||||||||
الادنى بالادنى والتعدي زريه
بسم الله الرحمن الرحيم السلام عليكم ورحمة الله وبركاااااااااااته مساااااااكم ..او صبحكم الله بالخيييييييير ..... ياهلا والله وغلا فيكم .. ... منووورين والله القسم بحضوركم ومشاااااركاااااااتكم الفتاااااكه والنيره <<اقوول سووقيهاا بص.. اليوم ياحلوووين عندي لكم مثل خفيف وحبوب وبسيط يعني باذن الله انه بينال اعجاب الجميع.. فعشان كذا خلوونا نرووح مع بعض ونقرا سالفة مثلنا اليوم قبل لا امسك بكم خط واطول عليكم في المقدمه ..
يقولك ان الشاعر/ مخلد القثامي .. رحمه الله .. حب بنت البنت هاذي اسمها جزوى العطاويه ... طبعا البنت كانت مررره حلوووه... فيها جمااال وعفاااااف ..سبحان خالقها ... المهم تخبرووون اول مافيه شي مايحكون فيه...الا ومن سوالفهم عنها وعن جمالها وعفتها ...ذاع صيتها بين العرب... ومخلد مدهر فيها قصايد... <<موب الحين محد يرد فيناا قصاائد..هههههههههههه.. كل قصيده تدق على الوتر الحساس .. ويوم سمعت جزوى قصايد مخلد مال قلبها له .... وبدت تهضمه ويخش مزاجها......ومثل ماتعرفون البنت اللي في هالمواصفات.. ماتقعد في بيت اهلها ...على طوول تطير<<..قصدي يعني تتزوج وبالفعل .. في يوم من الايام تقدم مخلد لاخوها.. يبي يخطب البنت ..يوم دخل المجلس والا هناك ثلاثه امراء من قبيلتهم ..جايين للغرض نفسه طبعا .. يوم شافهم ..طبعا تحطم وتكسرت مجاديفه... وكان بيهون الا شووي ..بس قال دامني دخلت لين دخلت خلني اجلس واشوف نهايتها .. يعني اكيد امراء ودراهم وخير...تبي البنت تخليهم وتاخذك يامخلد >> طبعا هذا حديث نفس .. يوم جلسوو وشربوو القهوه وتعشوو طلب كل واحد فيهم طلبه من اخوها ... فبصراحه الموضوع محرج..يعني عندي هنا اربعة رجال.. ومنهم ثلاثه امراء.. من ارضي ومن اخلي بس .. قال مالي الا اني اسمعهم ريا البنت بنفسهم... وقم انت ياخوها وقل بصووت عالي .... ياجزوى ؟؟ هذا الامير فلان وفلان وفلان ومعهم مخلد القثامي جايين يطلبونك مني ..؟؟ انتي من تبين منهم ...تكلمي وطلعيني من اللي انا فيه .. وهي عاد كانت تبي مخلد من بينهم..موب مثل ماتوقع مخلد وقال امراء اكيد انها بتاخذ واحد منهم وتخليني ... المهم كانت تعرف وين مخلد جالس...<يمكن ان عندهم اول في الجدار عين سحريه ولا شي وشافتهم كلهم .ههههههه... لا بس قصدي عرفت وين مكانه باي طريقه ... قالت جزوى وهي كنها ماتدري ان مخلد اقرب الجلوس حول الباب ولا مقدمة البيت ..قالت ((الادنى بالادنى والتعدي زريه)) يعني اختار اقربهم ولا ابي اتعدى .... والله وعقدوو عليهم وتزوجها مخلد وحقق رغبته ورغبتها وعاشوو مع بعض الين جا يومه وتوفى عام 1237هـ رحمة الله على المسلمين والمسلمات ... توفي بعد ماجابت له طبعا العيال والبنات... وخلفت قبلهم هذا المثل اللي يمكن اغلبكم ماسمع فيه .. ويمكن بعضكم سمع عنه كثير .... والي هنا عاد اكوون وصلت معكم اللي نهاية مثلنا اليوم اللي اتمنى من الله ان ينال على القليل من رضاكم واستحسانكم ...... فمان الكريم ..
|
19 Oct 2012, 04:21 PM | [ 2 ] | ||||||||
مؤسس شبكة الشدادين
|
رد: الادنى بالادنى والتعدي زريه
عز الله فاز بها مخلد هذي فائدة القصائد والشعر والا بلاش تسلمين والله يا شيهانة والله يمسيك بكل خير وسعادة |
||||||||
|
|||||||||
19 Oct 2012, 10:44 PM | [ 3 ] | ||||||||
|
رد: الادنى بالادنى والتعدي زريه
والله الدراهم والجاه ماهي كل شيء بالدنيا والنصيب ماله حيلة شكري وتقديري |
||||||||
|
|||||||||
19 Oct 2012, 10:53 PM | [ 4 ] | ||||||||
شاعر
|
رد: الادنى بالادنى والتعدي زريه
زين والله المثل صار نافع للحين ههههههههاي |
||||||||
|
|||||||||
21 Oct 2012, 08:00 PM | [ 5 ] | |||||||
شاعر
|
رد: الادنى بالادنى والتعدي زريه
شيهانه يعطيك العافيه على مانقلتي |
|||||||
|
||||||||
22 Oct 2012, 11:53 AM | [ 6 ] | ||||||||
|
رد: الادنى بالادنى والتعدي زريه
هلابك يا السلطان منور |
||||||||
22 Oct 2012, 11:54 AM | [ 7 ] | ||||||||
|
رد: الادنى بالادنى والتعدي زريه
ارحبي ياشذاوي والله انتس صادقه الجاه ماينفع منوره يا الغلا |
||||||||
22 Oct 2012, 11:56 AM | [ 8 ] | ||||||||
|
رد: الادنى بالادنى والتعدي زريه
قديمك نديمك ياوحي والمثل مازال دارج للحين |
||||||||
22 Oct 2012, 11:57 AM | [ 9 ] | ||||||||
|
رد: الادنى بالادنى والتعدي زريه
الله حيه ياسعد الروقي لاهنت على المرور |
||||||||
22 Oct 2012, 12:59 PM | [ 10 ] | ||||||||
شاعر
|
رد: الادنى بالادنى والتعدي زريه
الله يعطيك العافيه ومشكورة على طرح القصه الشعبية |
||||||||
|
|||||||||