طيـــر حـــــوران

السلام عليكم ورحمة الله وبركاته

مساكم الله بالخير

هذي القصيده موجهه للشاعر/ حمود بن جربان
وأرجوا أن تنال إعجاب الجميع

ياحمود بشرني عسى طير حوران=فكة مسابيقه وجاب الغنايم
هات البشاير ياولد ذرب الايمان=متى بشوفه في سماء نجد حايم
حراً له بقلبي معزه وله شان=ماطعت فيه منقلين النمايم
حراً لو امدح فيه بتشيب قيفان=تشيب موفي حق واف الخصايم
صيده مع هل الصيد جزلات وسمان=ويشوم عن صيد الهزل والهلايم
في شيمته ذكرني الشيخ راكان=اللي عن الدسعات ياحمود شايم
وفي هيبته ذكرت غلاب حمدان=متعب ظهور ملاعبات الشكايم
وفي قو باسه كنه الذيب سرحان=اللي يجر الصوت في كل قايم
له ضربة(ن)بالكف لاصار حدمان=منها ابرق الجنحان ريشة قسايم
ماطعت فيه اللي يسوقون الاثمان=ولاطعت فيه اللي بالاموال سايم
بس المصيبه في حراوي مسيان=تل السبق ثم طار والجو غايم
يطرد ورى جول (ن) مذيروعجلان=يبغى العشا منها قوي العزايم
وابطيت انا اوميله وناديه يافلان=والليل جايله علينا ظلايم
واخطيت منه وعدت ياحمود ندمان=والقلب من فرقاه ياحمود ضايم
واخذت لي مده وانا ادوج الاوطان=وانشد مع اللي يضربون الخرايم
وجاني خبر كنه على القلب بركان=منه الضلوع العوج راحت حطايم
علم (ن) لفونيبه موكد برهان=جابوه الي من يثبتون العلايم
قالولي انه كان في يوم جوعان=وهوى على شبكِ(ن)فتيل البرايم
مايدري انه فخ سووه رديان=يبغى العشا من بعد ماكان صايم
وصادوه واقفوبه على جيب نيسان=ومن الفرح قاموا بنطل العمايم
مايعرفون انه سلايل كحيلان=يا سرع ماشلع وخل البهايم
واختامها يالله يا عالي الشان=انك ترد الطير واف الخصايم

وجاني خبر كنه على القلب بركان=منه الضلوع العوج راحت حطايـم

صح لسااااااااااااااانك جزل ياصالح

قصيده رائعه بجد وفي انتظار حمود ابن جربان

مساك الله بالنور والسرور يالغالي


صح لسانك ولا هنت على القصيدهـ

الرهاوي
و
سيف الشدادين
اشكركم على
مروركم
المميز

صالح بن هميجان

شاعر نتابعه بشغف وننتظر جديده بلهفه

فأهلا بجديدك اخوي صالح دائما

تميز واضح يأبن هميجان..
سبك وحبك من النوع الفاخر..
تحياتي وأعجابي..وعجل بالرد يأبن جربان!!

بدوي فاهم
و
سعود سليمان
مدحكم
لي
يزيدني
حافز
وشكركم
من
كل
قلبي

صح لسانك ياصالح وبيض الله وجهك

على القصيده الراااائعه لاهنت

صح بدنك يابوعابد واشكرك يالغالي على المرور

ابدااااااع رائععععععع
اخوي صالح