|
||||||||||||||||||
طيـــر حـــــوران
السلام عليكم ورحمة الله وبركاته مساكم الله بالخير هذي القصيده موجهه للشاعر/ حمود بن جربان وأرجوا أن تنال إعجاب الجميع
ياحمود بشرني عسى طير حوران=فكة مسابيقه وجاب الغنايم
هات البشاير ياولد ذرب الايمان=متى بشوفه في سماء نجد حايم حراً له بقلبي معزه وله شان=ماطعت فيه منقلين النمايم حراً لو امدح فيه بتشيب قيفان=تشيب موفي حق واف الخصايم صيده مع هل الصيد جزلات وسمان=ويشوم عن صيد الهزل والهلايم في شيمته ذكرني الشيخ راكان=اللي عن الدسعات ياحمود شايم وفي هيبته ذكرت غلاب حمدان=متعب ظهور ملاعبات الشكايم وفي قو باسه كنه الذيب سرحان=اللي يجر الصوت في كل قايم له ضربة(ن)بالكف لاصار حدمان=منها ابرق الجنحان ريشة قسايم ماطعت فيه اللي يسوقون الاثمان=ولاطعت فيه اللي بالاموال سايم بس المصيبه في حراوي مسيان=تل السبق ثم طار والجو غايم يطرد ورى جول (ن) مذيروعجلان=يبغى العشا منها قوي العزايم وابطيت انا اوميله وناديه يافلان=والليل جايله علينا ظلايم واخطيت منه وعدت ياحمود ندمان=والقلب من فرقاه ياحمود ضايم واخذت لي مده وانا ادوج الاوطان=وانشد مع اللي يضربون الخرايم وجاني خبر كنه على القلب بركان=منه الضلوع العوج راحت حطايم علم (ن) لفونيبه موكد برهان=جابوه الي من يثبتون العلايم قالولي انه كان في يوم جوعان=وهوى على شبكِ(ن)فتيل البرايم مايدري انه فخ سووه رديان=يبغى العشا من بعد ماكان صايم وصادوه واقفوبه على جيب نيسان=ومن الفرح قاموا بنطل العمايم مايعرفون انه سلايل كحيلان=يا سرع ماشلع وخل البهايم واختامها يالله يا عالي الشان=انك ترد الطير واف الخصايم
التعديل الأخير تم بواسطة صالح بن هميجان ; 10 Oct 2006 الساعة 02:40 AM
|
10 Oct 2006, 02:36 AM | [ 2 ] | |||||||
شاعر
|
وجاني خبر كنه على القلب بركان=منه الضلوع العوج راحت حطايـم
صح لسااااااااااااااانك جزل ياصالح قصيده رائعه بجد وفي انتظار حمود ابن جربان |
|||||||
|
||||||||
10 Oct 2006, 02:39 AM | [ 3 ] | ||||||||
عضو متميز
|
مساك الله بالنور والسرور يالغالي صح لسانك ولا هنت على القصيدهـ |
||||||||
|
|||||||||
10 Oct 2006, 02:49 AM | [ 4 ] | ||||||
|
الرهاوي و سيف الشدادين اشكركم على مروركم المميز |
||||||
10 Oct 2006, 05:32 AM | [ 5 ] | ||||||||
عضو متميز
|
صالح بن هميجان شاعر نتابعه بشغف وننتظر جديده بلهفه فأهلا بجديدك اخوي صالح دائما |
||||||||
|
|||||||||
10 Oct 2006, 06:50 AM | [ 6 ] | |||||||
|
تميز واضح يأبن هميجان.. سبك وحبك من النوع الفاخر.. تحياتي وأعجابي..وعجل بالرد يأبن جربان!! |
|||||||
|
||||||||
10 Oct 2006, 05:11 PM | [ 7 ] | ||||||
|
بدوي فاهم و سعود سليمان مدحكم لي يزيدني حافز وشكركم من كل قلبي |
||||||
10 Oct 2006, 11:44 PM | [ 8 ] | |||||||
نائب المشرف العام
|
صح لسانك ياصالح وبيض الله وجهك على القصيده الراااائعه لاهنت |
|||||||
|
||||||||
11 Oct 2006, 02:22 AM | [ 9 ] | ||||||
|
صح بدنك يابوعابد واشكرك يالغالي على المرور |
||||||
11 Oct 2006, 03:23 AM | [ 10 ] | ||||||
|
ابدااااااع رائععععععع اخوي صالح |
||||||
|
|||||||
الذين يشاهدون محتوى الموضوع الآن : 1 ( الأعضاء 0 والزوار 1) | |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
ضيفكم حـــــوران | حـــــوران | الترحيب والتهاني | 17 | 21 Feb 2008 07:07 PM |
|