ياصغيّر حبكم فالقلب واصل حده؟؟!!

ياصغيّر حبّكم فالقلب وصلّ حده = والله ان خطراً عليّ انوح واشلح ثوبي
المحبه دوّجتني في شوارع جده = اتثاقل خطوتي واسير.. دوبي.. دوبي
العرب تقول عنّي ...نعم ابوه وجده = مير شكله قلّد الاجواد بالمقلوبي
قلت لو تدرون عن حالي وش اللي لده؟؟!!= كان يمكن تنثرون الدمع وتحنّوا ..بي
الرهاوي راح في يدها.. وراحت يده = كاتبن فيها (حبيبي لبّ لي مطلوبي)
ياصغيّر دوك قلبي وان بغيت ترده = لا توادعني وتتركني بدون اسلوبي
هوّن الدعوى عليّ ولا تزيد الشده =ولاتفاجئني ترى يمكن تميل جنوبي
يابعد قلبي ياعمري يالخفوق.. ووده = يالطيف الروح يالفتّان يالحبّوبي
هيه يالبّاه.. لابدّ النوى.. لابدّه = ينتهي... وتعود لي بعد الغياب تحوبي!!!

اخوي الهاوي

ابيات منظمه وقصيده رائعه

اشكرك على هذا الابداع

صـــح لسانك ياخوي الرهاوي
على هذه القصيده
الرائعه


ياصغيّـر حبكـم فالقلـب وصـلّ حــده
والله ان خطرا عليّ انوح واشلـح ثوبـي


الله لايلومك إذا وصل فيك الحب لهذا الحد

ياصغيّـر دوك قلبـي وان بغيـت تـرده
لا تودعنـي وتتركنـي بـدون اسلوبـي

إبدااااااااع أكثر من رائع

ولا تبخل علينا بجديدك

هلالالالالا وغلالالالالالالالالا بالوكيل

الهاوي والا الرهاوي شوف زين هههههههههه

صح بدنك يالغااااالي وتسلم على حضورك

هلالالالالالالالالا وغلالالالالالا بصالح بن هميجان

صح بدنك يالغاااالي وشكرا على مديحك وثنائك

تقبل تحياتي والله يعطيك العافيه

اخوي الرهاوي
اذا كان الغلط في الهاوي
ولا تزعل نعدله بالرهاوي
وصح لسانك ههههههه

هلالا وغلالا بالوكيل

ما من زعل يالغالي

وصح بدنك

هيـه يالبّـاه.. لابـدّ النـوى.. لابــدّه=ينتهي... وتعود لي بعد الغياب تحوبي!!!

الله الله صح لسانك يالرهاوي دائما مبدع اخوي الرهاوي << بس عندي ملاحظه يالرهاوي اغلب قصايدك فيها كلمه صغير <<< هلى هي نفس القصيده الاصليه والا صغير تمويه على الاسم الحقيقي اللي مقصود في القصيده << وش عنده المحلل هههههههه

الرهاااااوي شاعر عزيز على قلوبنا لا يختلف على جزالته وجزالة قصيده اثنين نحب ان نقرأ له كل ماهو جديد ولكن يغيب عنا ونقول عسى المانع خير

صح لسانك على هالجزله يا الرهاوي... تحياتي

هيـه يالبّـاه.. لابـدّ النـوى.. لابــدّه=ينتهي... وتعود لي بعد الغياب تحوبي!!!

لابــدّه يالرهاوي لابــدّه
صح لسانك وسلم بنانك..
الأن سجلك السلطان حاظر!!