باب النسيان (لفهد المساعد)

كل مــافي الأرض ينذر بـالـمفـارق والـغيـاب=اللقا .. والشمس .. وحـــروف الرسايل .. والقبور
وش بقى يوم أكتشفت أن آخر الدرب السراب ؟!=والـبحـر دمـع لـسـواحـل هـاجـرت عـنها الطيور !
مالحزني صوت ؟ .. مدري هو خطأ والا صواب =بـس أعـرف أنـي حـزيـن وصـوتـي الـلـيـلـه جـهور
مـن يـدّثر صـوتي الـلـيـله ويكسـب لــه ثـواب ؟!=مـــالـــها يــالشــعر غيرك أنـــت .. ياجبر الكســـور
يـكـفي أنـي .. لابـكـيـت بـدونـك أشـعـر بـإرتـيـاب=وكل ماأبكي فيك .. أشوفك لي .. عن اللي فيّ .. سور
أدري بــيــوتــك عــرايــــا .. لـكن أوزانـك ثـيـاب=لبّس جـروحـي مـن أحـزانـك وألـبّـسـك الـصــــــدور
كــان يــامــا كـــان والنـسيـان للـعـشّـاق بــــــاب=عــاشــق ٍ لاشـدّ درفــة بــاب .. صـاح بـلا شـعـور :
يـقـدر الـنـسـيـان يـنـزع غــصــن من فوق التراب=بــس مـايـقــدر يــقـــرّب لـــلـــتراب ولـلـــجـــذور
كـيف أبـنـسى ذكـريات الـطيـش الأول .. والشبــاب=ورفــقـة الـلـيـل الـعـتـيـقـه .. وأول الـفـجـر الـطهور
والــمـواعيـد وشـغـبـهـا .. والـولـه قـبـل الـعـتـاب=وســاعـة ٍ كـم كـنـت أحـاول فـي عـقـاربـها تـــــــدور
والـمـكان اللي وهـن سـقـفـه مـن الـفـرقـا وشـــاب=مــن بــعــد مـــاكـان يـحـضّــنـا مـثـل طـفـل ٍ غـيــور
والـمـطر لا لـوّن الشـــارع .. وقـلـنــا لـلـسـحــــاب :=بللّ أيدينا .. تــرى الـــعشّـــاق أيـــاديـــهـــم زهـــور
كـيـف أبـنـسـى والـريـاض لـسـيـرتـي مـثـل الـكتاب !=حــافـظـتـني بـيـت بـيـت .. و حـي حـي .. و دوُر دوُر
مـن كـثـر مـاكـنـت أدوّر فـي شـوارعـهــــا جـــــواب =هو صحيح الحب أعــمى ! أو عيـون النـاس عــور ؟!
كــنت أشــوف الـحب عذب .. وهـم يـشـوفـونـه عــــــذاب !=كــان هــذا الـحـب سـر ! .. وقـلـتـه وكـلي ســــــرور
عـلمّونـي فـي الـمـديـنـه كـيـف لاحـبـيـت أهــــــــــــاب=لـكـن الـقـريـه قـمـرهــــا قــــال : كـُـن لـلـحـب نــور
فـي بـلادي كـنـت عـاشـق .. بـس شـاعــر بــإغــتراب !=لين صرت الشـاعـر اللـي تـعـشـقـه كـل الـبـحــور
عـلمّـيـني يــالـقـصـايـد هـــو خـــــطأ والا صـــــواب ؟!=لارفــضــت أنـسى عـيـون ٍ عـشـتـها شعر وشعور
هـــذا أنـــا لحالي .. هزيل الحــــال .. وأشعـــــر بإكتئاب=كـن قلـبـي جـال بـحـر ٍ هــاجـرت عنـه الـطـيــور
أجرع الفــرقا وأقـــول الـحــب عـــذب .. وللــعــذاب =كـــل قــــلب ٍ لاحـــرمه الـــوقـــت مـــن خلّه .. يبور
ولـيـن هـذا الـيـوم أدوّر فـي الـمـديـنـه عـن جـــواب :=ليه في شرعك .. يكــــون الحــب معنى للفجور ؟!!

إحسنتِ الإختيار عزيزتي


الله يعطيك العافيه

صح لسان الشاعر فهد السعيد وتسلم يمينك أختي الجازي

تحياتي

		المشاركة الأصلية بواسطة : فاقدة أبوها اقتباس
	إحسنتِ الإختيار عزيزتي الله يعطيك العافيه

يعافيك ربي يافاقده

والف شكر لك على المرور

		المشاركة الأصلية بواسطة : أبن مهرس 911 اقتباس
	صح لسان الشاعر فهد السعيد وتسلم يمينك أختي الجازي تحياتي

صح بدنكـ اخوي ابن مهرس

والله يسلمكـ

والشاعر اسمه فهد المساعد

شاكرة لك مرورك اخي الكريم

صح لسان الشاعر فهد المساعد
والله يعطيك الف الف عافية

		المشاركة الأصلية بواسطة : رعد الجبوب اقتباس
	صح لسان الشاعر فهد المساعد والله يعطيك الف الف عافية

صح بدنك يارعد

والله يعافيك

شاكرة لك مرورك

صح لسان الشاعر
قصيدة في قمة الجمال

انتقاؤك الرائع الجميل
من القصائد اعتدنا عليه منك

قصيده راااائعه
واختيار في قمة الذوق والرقي