قالت غشيمه فالهوى وانت دكتور

قالت غشيمه فالهوى وانت دكتور = وابيك تشرح لي عن الحب كلمات

هل فيه للعشاق والحب دستور = منهاج عشق ٍ ثابت ٍ طول الاوقات

وابيك تشرح لي عن العدل والجور = والبعد هل هو في بعيد المسافات

قلت الهوى لعبه وكل ٍ وله دور = والفايز اللي مايجي فيه صدمات

احد ٍ يعيش الحب ضحكات وسرور = واحد ٍ يعيشه هم واحزان واهات

قالت يقولون الهوى كله بحور = قلت اي نعم هذي حقيقه لها اثبات

ان الهوى راعيه في بحره يدور = يبغى السلامه مير مامن سلامات

راعي المحبه طول الاوقات مقهور = ويشاف في خده من الحزن دمعات

قالت واذا حبيت لي شخص مغرور = مثل الذي نقرا عنه في الروايات

ابيك تعطيني نصيحه ومشكور = تراي اخاف من الهوى والعلاقات

قلت الغرور يحول الحب لقبور = مثله مثل من يعشق انسان قد مات

والحب وش هو غير احاسيس وشعور = واحساس غامض يربط الذات بالذات

وقلبين ينبت وسطهن ورد وزهور = ووقت الوصل تصبح حدايق وجنات

وساعة جفا في حسابها عدة شهور = والثانيه عند المفارق بساعات

وسكت ماكملت يوم ٍ بدا النور = واشوفها مني تدنت بخطوات

قالت علامك قلت يابنت مجبور = من جرب الفرقا يجي فيه لوعات

قالت مفارق قلت عاشق ومهجور = وشوفي على خدي من الدمع رسمات

قالت اشوفك خاطرك دوم مكسور = ودايم عن الفرقا تغني لك ابيات

قلت ايــه خلي خافي الحال مستور = انا تراني عايش ٍ في معانات

ياما بنيت من الهوا صرح وقصور = وانهد كل اللي بنيته بلحظات

لكن تراي انسان منهي ومامور = ولانيب ندمان ٍ على كل مافات

وان كان ودك فالهوى نبني جسور = واعيش من عقب العذاب المسرات

قالت غشيمه فالهوى وانت دكتور = وابيك ترسم لي طريق البدايات

مما راق لي

جميـــــــــــله

جميلة


قصيدة رائعة جداً وماراقت لك ألا لذوقك الرفيع

تشكرين وينطيك العافية

البنت هذي مهولة وهو مايباعدها :4:

عرفوا كيف يخطون الخطوة الأولى في بحر الحبّ ولذّاته بلكاعة وفبركة :4:

> الله لايجيب المفارق !

لاهنتي جميلة
وقصيدة للأمانة لها من إسمكِ نصيب

والحب وش هو غير احاسيس وشعور = واحساس غامض يربط الذات بالذات

وقلبين ينبت وسطهن ورد وزهور = ووقت الوصل تصبح حدايق وجنات



تسلمين جميله قصيده رااااااائعة وذوق أروع

^
^

رائعه كعادتك جميله ...

قصيده رائعه ^ ^


دمتي بود ^ ^

طارق الشدادي
النايف
غالي
شغب أنثى

أسعدني تواجدكم وردودكم الأكثر من روعة

لا اخفي اعجابي بهذا النص
جميل جميل
بما تعنيه الكلمه
نص راقي
ولا يكتبه الا راقي بالشعر
وراقي باحساسه

تشكرين على النقل
جميله
تقبلي مروري
ودمتي بخير

أسعدني تواجدك أخوي فايز

مشكور على المرور

قلت الغرور يحـول الحـب لقبـورمثله مثل من يعشق انسان قـد مـات

والحب وش هو غير احاسيس وشعورواحساس غامض يربط الذات بالذات

وااااااااااااااااااااااااااو روعه حيل يسلمو ياقلبي

هلا بك عسولة
أسعدني تواجدك يالغالية