الجاذبية

الاخوه الاعزاء اداري واعضاء
((شبكة الشدادين الرسميه))
اسعد الله اوقاتكم بكطل بكل خير
اطرح على انضاركم هذه القصيده المتواضعه املي ان تحوز على رضاكم
والسلام عليكم ورحمة الله وبركاته

خط القلم يامحتمين القفيه=وحق النواصي لاقبلت في حماها
بالماضي أول نفتخر بالحذيه=واليوم راعيها معى من حذاها
مازاد غلب الوقت وألأغلبيه=والغلب هين فالغلا من غلاها
عيه ثقافتنا والافكار عيه=ونفوسنا لحلوقها في عياها
الخير مامن خير والشر جيه=والطيبه كلن قصر مستواها
اجي على نفسي من اجل الحميه=واجي على عمري يعله فداها
دام الليالي خرملت بالحضيه=منين تبدي البيض للي حزاها
التضحيه لازم تقدم ضحيه=والكل يعرض وقتها عن رضاها
والابجديه تحرق الابجديه=ولاتشب اللي كتب ماقرها
كم في دواليب النفوس الخفيه=من صيغتا خنقتها في خفاها
أدرى وادري والمدارى عنيه=ماشوف باوجاعي على مستواها
أذكى العقول أتعود ممكن غبيه=واغبى العقول أمبلطه في غباها
العمر ينفع باوله والبقيه=أنته وحضك لاخذا ماعطاها
لاعذر الشاكي طناش الشكيه=ليته سبقها واندرق ماشكاها
اليوم علم وفكر والامس نيه=والنيه افصح بالجميله مداها
والجاذبيه حكمة الجاذبيه=تشدنا لترابنا من سماها
من العدم ياموجد النفس حيه=سويتها واقديتها في سواها
لو النفوس اللي بذكرك غنيه=ذاب الشناء فالمحتوى من شناها[/poem

وعليكم السلام والرحمة

حياك الله شاعرنا
قصيدة جزله
صح لسانك
واعتلى بالخير شانك
ولاهنت

ارحب يابوفهد
وصح السانك وقلبك مليون
ابدعت بماء كتبت ياجزل البيان
يعطيك العافيه
اعذب التحايا

حياك الله يا شاعرنا الكبير
أبو محمد
ويا هلا والله بك في منتداك
سعدنا والله بتواصلك معنا
ونسعد أكثر بقراءة كل جديد ومميز لديك
لا هنت وصح لسانك

.
.














الله الله عليِكْ يَ الجَزلْ . . أُسلوُبْ السَهلْ المُمتَنِع نَّصُ إِرتَشَّفْ الإبداع بِحَرفنَّة
صَّح الله البوُح وَ النبَضْ وَ سَلِمْ البنَانْ لاهِنتْ ’

صح لسانك ولاهنت ابد

في كلمة مافهمتها ..خرملت ..ايش المقصود منها


وتسلم ويعطيك العاااافيه شاعرنا

		المشاركة الأصلية بواسطة : بنت النشامى اقتباس
	وعليكم السلام والرحمة حياك الله شاعرنا قصيدة جزله صح لسانك واعتلى بالخير شانك ولاهنت

اختي/بنت النشامى
صح بدنك وسلمتي
شكرا على الاطراء العطر والمرور الراقي
تقبلي تحياتي وصادق الود

		المشاركة الأصلية بواسطة : عدو المناقيد اقتباس
	ارحب يابوفهد وصح السانك وقلبك مليون ابدعت بماء كتبت ياجزل البيان يعطيك العافيه اعذب التحايا

اخوي/عدو المناقيد
صح بدنك وسلمت يالغالي
شكرا على الاطراء العطر والمرور الراقي
تقبل تحياتي وخالص الود

		المشاركة الأصلية بواسطة : السلطان اقتباس
	حياك الله يا شاعرنا الكبير أبو محمد ويا هلا والله بك في منتداك سعدنا والله بتواصلك معنا ونسعد أكثر بقراءة كل جديد ومميز لديك لا هنت وصح لسانك

اخوي/ الغالي
((السلطان))
صح بدنك وسلمت
شكرا للاطراء العطر والمرور الراقي
تقبل تحياتي وخالص الود

حضور متميز ومشاركة من شاعر كفو

لا هنت جزل البيان

صح لسانك يالذيب