بعيد لكنك هنا بين الضلوع المرهفات

بعيـد لكنـك هنـا بيـن الضلـوع المرهفـات
أضم وجهك واتحسس صورتـك صبـح ومِسـا


وبعيـد لكنـك مشاركنـي تفاصـيـل الحـيـاة
ومعانق أوردة العـروق اللـي تشربتـك حِسـا


وبعيـد لكنـك مقيـد داخـل أجـزاء الكُـرات
اللي بدمي تزرعك بعد ووصل .. ليـن وقِسـا


تعال أبغرق في عيونـك سيـدي حـد الممـات
تعـال كفنـي بوسـط القلـب وألبسنـي كِسـا

تعال يادجلـة عروقـي ياشهـد نهـر الفـرات
تعال يانيل الغـرام اللـي بـه إحساسـي رسـا

تعال شف كيف المزاج إن ضاق ياسكـر نبـات
تعال ياحلوة نخيـل الجـوف .. ياتمـر الحسـا


تعال وأسهرني مـع ليلـك ولاتطـري سبـات
تعـال ياجعلـي فـدى كلـك بكلـي ياعـسـا


تعال زملني بحضن القلب مـن أربـع جهـات
تعـال واجمـع بعثـرة نفسـاً تساقـط أنفُـسـا


كم جعت لك وأنا ارتضي من قوت حبك لو فتات
أحيـا وتحيـا بـه معـي هالجايعـات النِعسـا


أبـ/ أوعدك ياموطني لو يصبح الخافق رُفـات
والله لاابقى العاصمه وانـت السـراج المؤنِسـا


عاداتنـا وظروفنـا وخنجـر تقاليـد الشـتـات
ماتبعدك وإنت القريب اللـي مـع الـدم اكتِسـا

اختيارك حلو كثير
مشكورة ملاك
ولاعدمناك

جميلة جداً هذه القصيدة
احسنت اختيارها يا ملاك
تسلم يديك والله يعافيك
وألف شكر لك

الله الله روعه ملاك والله يسعدك وفقك الله ورعاك

الله الله

سلمت يمينش و صح منطوقش

طرح موفق

سلمت يداكم ..على ردكم وتواجدكم

يعطيكم ربي ألف عافيه..
لكم مني جزيل الشكر والتقدير والاحترام...