انتم أهم اشغالنا وانتم الساس

انتم أهم اشغالنا وانتم الساس
يأ صفوة الصافين ياهل الأوائل

ي قطعة مني ويا خيرة الناس
يأ محزمن يشفي القلوب الغلايل

يزود طيبي طيب ويشوش لي راس
واخامس الموت الحمر بالصمايل

منكم يجود الجود ويطيب بي الباس
لاشفت لي ناس تمن الجمايل

واليا ذكر لي طيب أحد منكم انحاس
لا صار له وقع قوي ودلايل

انتم فخر لطيب مكسب ونوماس
وخويننا ننقاه بين الحمايل

له جاه ماينرد مع كل الأجناس
وله حق بين الناس لاعال عايل

والكم مع اهل الطيب مركز ومجلاس
وبحظوركم تجزل جميع الهزايل

الكم جناب سمح ماهوب ينداس
صعب على الرديان يمه تمايل

مآ نستضيف إلا حرار وقرناس
ناس تشرفنا بفعل الجزايل

ياكبر حجم القدر في كل مقياس
الهم بوسط اصدورنا عز طايل


نبقى على الفطره ولا نظرب الفاس
في الغصن الأخضر لو له اشهور مايل

مانظرب إلا الي لها وقت يباس
ونشب منها نارنا بالجلايل

خشيبنا ماشب به غير ب اعراس
وحنا نحط اجلالها بالقوايل

ماتطفي النيران في الي به احساس
ولضيف حق وسلم لأهل الاصايل

لاكرام ضيفك حط كنزك والاماس
خلك كريم في جميع الوسايل

وعنوان طيبك لاتجيبه بقرطاس
الضيف ضيف الله ماني بقايل

اني بضيق افلان قربت الإفلاس
وسويت لجل افلان كل الهوايل

عيب تنومس وانت ماتذخر الكأس
كاس من الماء ل الضعوف القلايل


تفعل لجل تكسب من أفعولك أخساس
وتخيس بالي جاك بالوصل شايل

يكره مجيك شخص عزه له الباس
يلبس بستر الله عزه عزايل

خلك من الي يكرهون التغطراس
اطفح بكيلك لآ طغى كل كايل

لأن الصفه هذي صفه اضعف الناس
اليا طمع يطمع بما هو زايل

اليا طمعت اطمع الى هب نسناس
وجاك المطر وأصبح بها السيل سايل

اطمع بجنه عرضها ماله اقياس
اعملها أن كان عندك عمايل

وفي دنيتك لازم تحدد بكراس
وتحط لك اعمال لاحال حايل

خل الصدأ بالذكر ماهو بوسواس
والحق قوله لآ تدور بدايل

فاتك حضوري لله درك جمليه القصيدة و رائع بحضورك وجديدك تقديري والله يسعدك

الله الله

بيض الله وجهك يا شاعرنا العزيز
أبو نايش
ولا هنت على هذا الابداع وهذه الأبيات المميزة
كفيت ووفيت وما قصرت
وعسى عمرك طويل

صحة ابدانكم جميع وشكرا لكم ولمروركم الكريم

فاتك حضوري ابيات جميله اسعدك ربي ع طرحها
دمت بخير

صح بدنك وشكرا لك ولمرورك الكريم

صح لسانك
لاهنت على القصيدة
وكل الشكر لجهودك المتواصل هنا

صح لسانك
وعلا شانك أخوي
ولاهنت كل الشكر والتقدير

صحة ابدانكم جميع وشكرا لكم ولمروركم الجميل