قصيده ورد( 2 )

هذه القصيده مساجله بيني وبين الاستاذ عيد ابن مسلط (ابو فوزي) ومناسبتها انا كنا في اواخر رمضان في مزرعة سعيد ابن عياد وقد قرات في ذلك اليوم قصيده لابو فوزي منشوره في الجريده ولم اكن اعلم قبلها انه يكتب الشعر وتناقشت في الموضوع انا والشاعر المعروف عبيد ابن سلطان واكد ان ابو فوزي شاعر ولكنه لا يكتب في الغزل وقد صار تحدي بيني وبين الشاعر عبيد في ان اوجه قصيده غزليه لابو فوزي ويرد عليها عكس مايقوله الشاعر عبيد في انه لن يرد وقد كتبت القصيده لحظتها والتي اقول فيها:-

هل الهلال وباركوا بالجريده= وعبر الاذاعه للخبر صار توكيد
شهر الصيام الله علينا يعيده= مسك الختام اليوم والليله العيد
ايام تمضي حسب مالله يريده= نبدا العدد ويعدنا الوقت ويعيد
نعمل ونرحل والليالي جديده=نبكي. وتضحك. ينشط الوقت وانبيد
والعيد بسمه في جبين العقيده=رمز الفرح للناس من دون تحديد
والعيد فرحه للنفوس السعيده= ولا يجتمع في قلب حزن وزغاريد
وانا هواي وريف قلبي وعيده=باهي حلا.. هافي حشا..ناقض الحيد
الروح تجري في يديني من ايده= ولي تصور ضحكته فرحة العيد
ياعيد حدتنا الليالي العنيده= والوقت وثق في يدي جارح القيد
والدرب مظما والموارد بعيده= وحس الرمي من سكتي جفل الصيد
في رحلتي للقنص شفت الفريده=ترتع.وتجفل.تنفر اشوي واتعيد
كنت الوحيد اقنص وكانت وحيده= تمرح وانا ارمي بالنظر فتنة الغيد
ماكنت مستعجل ولاهي شريده= ويوم اقربتني ذيرتها البواريد
وحاولت اصور حسرتي في قصيده= لكنها فوق التواصيف ياعيد
اقرب قريبه صارت اكبر فقيده = حيه فقيده وصلها فيه تهديد
ياعيد لو قلبي خلق من حديده= ذابت من اللوعه وحر التناهيد
ليت التمني للمعنى يفيده= صدفة لقاء تسوى جميع المواعيد

وقد اذهلني شاعرية الا ستاذ عيد حينما قراء القصيده واستاذن لمدة نصف ساعه وجاء برد يدل على غزر شاعريته وما اسعدني اكثر انني كسبت الرهان مع الشاعر عبيد بن سلطان واتركم الان مع رد ابو فوزي ولكم الحكم

هل الهلال وهلته جت سعيده= وقام المطر يمطر علينا تراديد
وان فات شهر الصوم جانا نديده= شهر يجوله خلق ربي مقاصيد
وفي تاسع الحجه تشاهد عبيده= لافرق فيهم بين مسيود والسيد
الامن سايد والمعيشه رغيده= والعدل قايم قوموه الصناديد
تغيرت دنيا من اول زهيده= ايام يركب للمشاعيف ابو زيد
واليوم تلقا كل شي تريده= من فضل ربي بعد شح المواريد
وبرق برق في ديمة يم بيده = ما ني باخيله خيلوه المقاريد
وش عاد لو ينبت ويخضر جريده = ولو العنب فوق العرايش عناقيد
اخيل برق يم ساق واريده = في ديرة اللي يركبون المساريد
ربع فعايلهم تنومس حميده = في الحرب نار وساعة الجود اجاويد
وجزاء تخير في غزال تصيده= حتى تجي مبسوط ومحصل فيد
ريم ليامنه ظهر شفت جيده= منتوق مايوم رموه بعباريد
اشهر وتلقا الصيد بارض جريده= مايرتعي في نايفات ومخاديد
واترك غزال مرتعه جرف ريده = والهضب والحره ومحمية الصيد
واعرف ترى طرد المقفي نقيده = لابد يرمي بك على الجرف والحيد
وان كان نفسك في هواها عنيده= ولاتسمع دونها زيد وعبيد
فتش مرابيها جباله وبيده= والراي تحيي ذكرها بالتناشيد
وانا معك في وصل حبلك وازيده = ماعن ملاقاها لياجت تصاديد
حتى نجمع شملكم بالفريده = وتزف بطبول الفرح والزغاريد
والله يشهد والخلايق شهيده= ليلة سعاده كنها ليله العيد

صح السنتكم وبيض الله وجيهكم

عزالله انها جزله وافيه ومن عمالقه

في الشعر

بيض الله وجهك أنت وأبو عيد وأبو فوزي

والله ونعم الرجال كلكم

ولا يهون بعد أبو سعد ما دام جاء له ذكر في قصة القصيدة

صح لسانك ولسان أبو فوزي وإن شاء الله يكون لكم ديوان

في شبكة الشدادين.

كيفك عساك بخير .. وكيف سعد..بلغني عن صحتكم والله وفرقتنا الايام ياجزاء
صح لسانك ولسان الشاعر ابو فوزي ... تقبل تحيات ......................اخوك (( راس العرب)).

صح السنتكم وبيض الله وجيهكم

قصيدتين في قمة الشعر والابداع

والله لايهينك

نعمـل ونرحـل والليالـي جديـده=نبكي. وتضحك. ينشط الوقت وانبيد

ياسلام عليك وبيت يسوى قصيده وسلم لي على خشمك

صوت
1

ماكنت مستعجـل ولاهـي شريـده=ويوم اقربتنـي ذيرتهـا البواريـد

2

اقرب قريبه صـارت اكبـر فقيـده=حيه فقيـده وصلهـا فيـه تهديـد

صدى
1

وجزاء تخير فـي غـزال تصيـده=حتى تجي مبسوط ومحصـل فيـد
ريم ليامنـه ظهـر شفـت جيـده=منتـوق مايـوم رمـوه بعباريـد
اشهر وتلقا الصيد بارض جريـده=مايرتعـي فـي نايفـات ومخاديـد

2

واترك غزال مرتعه جـرف ريـده=والهضب والحره ومحميـة الصيـد
واعرف ترى طرد المقفـي نقيـده=لابد يرمي بك على الجرف والحيـد

3

وان كان نفسك في هواهـا عنيـده=ولاتسمـع دونهـا زيـد وعبـيـد
فتـش مرابيهـا جبالـه وبـيـده=والراي تحيـي ذكرهـا بالتناشيـد
وانا معك في وصل حبلـك وازيـده=ماعـن ملاقاهـا لياجـت تصاديـد

صح لسانك يا جزا وصح لسان ابوفوزي مساجله رائعه بما تعنيه الكلمه

لاهنت ياجزا وتسلم .

اخوي خالد تسلم على مرورك الكريم وثنائك الرائع

شاكر لك واتمنى ان اكون عند حسن الظن

السلطان ادور من القصايد ما اتمنى ان يكون لي عذر لديك انت واعضاء المنتدى ورواده شاكر لك متابعتك واهتمامك وليس بغريب على هذا الموقع ان يكون في القمه مادام القائمين عليه بهذا المستوى من الاهتمام والمتابعه.

راس العرب والله حيرتني واتمنى ان اتعرف عليك ونجتمع غصب عن الليالي ومن سألت عليه في اتم الصحه شاكر مرورك واتمنى دوام التواصل

عواض الشلوي مرورك قمه وكلماتك تدل على رقيك شاكر لك